Malilo 1:5 - Baibo Busansulushi Bwa Libuku Ili

⁵ Balwani ba njiyo baba bamaami ba njiyo. Balwani ba njiyo ono mbobashiite cakuliiba. Mwaami Lesa weeletela buumba bunene ceebo ca shibiibi shakwe shiinji. Bana ba njiyo bamana kuya mubusha, ee, batolwa busha kubalwani babo.

Malilo 1:5 Iomraidhean Croise

2 Baami 21:15

Ndaakucita boobo mukwiinga balambishisha akusonkomona bukali bwangu kuswa bushiku bamashali babo bakulukulu ndibakaswa muIjipiti kushikila asunu.”

Kulumbaisha 80:6

Mwakasuminisha batushingulukite kulwanina cishi cesu. Bulya balwani besu balatucelebula.

Kulumbaisha 89:42

Bantu bamupatite mwabapa nkusu shakumukoma. Mwalengesha balwani bakwe boonse kusangalala akukondwa.

Isaya 22:5

Mwaami Lesa, ee, Mwaami Lesa Shinkusu shoonse wabamba bushiku, ncakwiila bushiku bwa mapensho, kulyatoolwa alimwi buyoosha muCinyika ca cili anga Nciloto. Bulaakuba bushiku bwakupumununa lilinga lya ndabala alimwi bwakulilila kutulundu.

Isaya 63:18

Kwaciindi ciniini musena wanu usalalite wakalinga mumaansaanu sombi bulya balwani banu balyatoola musena wanu uyo.

Jelemiya 10:20

Matente esu anyonyoolwa antaambo sha ngawo shoonse shasutoolwa. Bana besu boonse batupalangana teshi tukababonewo tubili. Taaku awacaala weenga watupopelako matente alimwi nabi weenga watuyakilako shimpaka.”

Jelemiya 12:7

Mwaami Lesa waamba ayi, “Ndafutatila bene Isilaeli. Ndakaaka bantu mbondakasala. Ncakwiila ndaaba bantu aba mboonsuni munkusu sha balwani babo.

Jelemiya 23:14

Pakati ka balaluki bene Jelusalemu apalo ndakabonaawo kubisha kwiinditewo, Balacita bulale alimwi mbabeshi. Balayuminisha bamucita shibi, cakwaamba ayi taaku nabi womwi ucileka kucita bubi. Boonse mbabiibibo anga mbene Sodoma kuli ndime. Ndushinisho bene Jelusalemu balibo anga mbene Gomola.”

Jelemiya 39:9

Lyalo Nebusaladani mutanjilili wa beshikulindilila wakatola bantu busha kuBabiloni abo bakacaala mundabala inene pantu pomwi abaabo bakalyaaba mumaansaakwe.

Jelemiya 5:29

Sa inga nshibapi mulandu pasheeshi? Sa inga nshipilushishi bubi pamushobo uli mbuli wooyu?

Malilo 1:16

“Makani aya ngaanengesha kulila. Meenso angu atookunkabo minsonshi. Taaku ooli pafwaafwi kwaamba ayi aŋumbulusheeko nabi kwisa mukunjuminishako. Bantu bangu bacaala maansabo ceebo balwani bangu bankoma.

Malilo 1:18

“Mwaami Lesa uliluleme nakubi kwaamba ayi ndakaashukila milawo yakwe. Amunyumfwe mwebo noonse nobantu. Amunaange, mubone mapensho angu. Bacikula bwangu abamyooye bangu batolwa mubusha.

Malilo 1:8

Ndabala ya Jelusalemu yakabisha abuumbi, aboobo teesalalite. Boonse abo bakalinga kwiilemeka, ono baleecobola ceebo yacaala matakosha. Ee, itootongelabo akulanga kulubasu ceebo ca nsoni.

Malilo 2:17

Mwaami Lesa wakacita kweelana ambwaakapinga. Wakacita kweela amaswi akwe ngwaakashomesha kalekale ayi ulaakwaacita. Wakakoma kwakubula kukunyumfwila nkumbu. Ncakwiila wakaleka balwani kukusamwina mukukukoma. Wakapa nkusu shiinji kubalwani bako.

Malilo 3:46

“Balwani besu boonse batootutukana akutucelebula.

Esekelo 9:10

Aboobo teshi nkabafwitewo nkumbu nabi kubalangabo, sobwe. Sombi ndaakubacitila bweenka mbobakacitila bamwi.”

Esekelo 9:9

Lyalo wakankumbula ayi, “Shibiibi sha bene Isilaeli abene Juda nshinene abuumbi. Cishi ciliswitebo beshikutila bulowa ayalo ndabala ya Jelusalemu iliswitebo shitaluleme. Balo balaamba ayi, ‘Mwaami Lesa cishi wakacisuula. Ncakwiila nshetutoocita taashibweneewo.’

Dutolonomi 31:29

Mukwiinga ndishi ayi ndaakufwa, balaakutalika kubisha akukaka nshendabalwiita. Mpeeke munshiku shitoosa, balaakupolelwa mapensho ceebo ca kubisha kunembo lya Mwaami Lesa akumukalasha kwiinda mukucita sheesho nshaakabakasha.”