Malilo 1:10 - Baibo Busansulushi Bwa Libuku Ili

¹⁰ Balwani ba njiyo bakabwesa buboni bwa njiyo boonse. Lyalo yakabona mishobo ya bakunsengwe keenjila amuŊanda yakwe Lesa. Ee, bantu abo Mwaami Lesa mbwaakalinga kukasha kwisa mumabungano akwe.

Malilo 1:10 Iomraidhean Croise

2 Makani 36:18

Nebukadinesa wakasaala shintu sha muŊanda yakwe Lesa, sha mucipinda cakusungilamo buboni ca Ŋanda yakwe Lesa alimwi abuboni bwa mwaami abwa bacinenenene bakwe akushitola kuBabiloni.

Neyemiya 13:1

Pabushiku ubo Milawo yakwe Mose ndiyakalinga kubelengwa kubantu cakoolobesha, bakashika pamakani akalembwa ayi taaku mwine Amoni nabi mwine Moabu weshi akasuminishikwe kwinjila mulikoto lya bantu bakwe Lesa.

Isaya 63:18

Kwaciindi ciniini musena wanu usalalite wakalinga mumaansaanu sombi bulya balwani banu balyatoola musena wanu uyo.

Jelemiya 15:13

Ono Mwaami waŋambila ayi, “Ndaakulengesha buboni abubile bwanu kusaalwa kubalwani babo ceebo ca shibiibi shabo nshebakacita mucishi coonse.

Jelemiya 20:5

Lyalo buboni boonse bwa mundabala iyi ndaakubwaaba kubalwani babo. Nkokwaamba ayi shoonse shiliimo kubikaawo ashintu sha makwebo shoonse abuboni boonse bwa bamaami ba bene Juda. Balaakushisaala akushitola kuBabiloni.

Jelemiya 27:19

Nebo neMwaami Lesa Shinkusu shoonse ndakaamba pamacinko, cingomo ca bulonse, shikoci ashisebensesho shimwi isho shakacaala mundabala inene ino.

Jelemiya 27:21

Ono amukutike nsheentokwaamba nebo neMwaami Lesa Shinkusu shoonse, Lesa wa bene Isilaeli pashintu isho shakacaala muŊanda ya Mwaami Lesa, muŋanda ya mwaami wa bene Juda amuJelusalemu.

Jelemiya 50:28

“Amunyumfwe kubaabo bakacica nkondo kuBabiloni mbobatokwaambilisha kuSiyoni ayi nebo neMwaami Lesa, Lesa wabo ndaboosha cishole ee, kuboosha cishole ceebo ca Ŋanda yangu.

Jelemiya 51:51

Mulaamba ayi, ‘Swebo tulicite nsoni ceebo twacobolwa. Aboobo tulilisendete cibiibi mukwiinga baswamashi bakenjila mumisena isalalite ya muŊanda yangu nebo neMwaami Lesa.’

Jelemiya 52:13

Mpeeke wakatenta Ŋanda yakwe Lesa, ŋanda ya bwaami alimwi amaanda oonse a bacinenenene muJelusalemu.

Malilo 1:7

Munshiku shakupenshekwa alimwi akwiingooka kwa njiyo, Ndabala ya Jelusalemu yayeeya abuboni boonse ubo mboyakalinga kucite kale kale. Bantu ba njiyo ndibakawita mumaansa a balwani ba njiyo, taaku muntu nabi womwi wakeecafwaako. Balwani ba njiyo bakeelangabo akwiiseka mboyakanyonyoolwa.

Esekelo 44:7

Babisha Ŋanda yangu kwiinda mukusuminsha baswamashi batapalwitwe, ee, bantu batanyumfwili ndime, kwinjila muŊanda yangu ciindi mafuta abulowa ndyeshibengwa kuli ndime. Aboobo bantu bangu bapwaya cipangano cangu kushintu shilensha bunya nshebakacita.

Esekelo 7:22

Lyalo ndaakufutatila kashanga bantu abo kwaamba ayi bakabishe Ŋanda yangu iyo njeensunishi. Beepi balaakwinjila muli njiyo akwiibisha.

Esekelo 9:7

Mpomunyaawo Lesa wakabaambila ayi, “Amubishe Ŋanda yangu mukwisusha lubansa lwa njiyo amituntu ya bantu bacaikwa. Kamuya ono!” Aboobo bakaya akutalika kucaya bantu mundabala iyo yoonse.

Maako 13:14

“Na mukabone Cintu cilya Ciloondesha ico cibisha kaciimfwi pamusena mpociteelete kuba, (utoobelenga anyumfwishishe), lyalo abo bali kuJudeya bakacicile kutulundu.

Dutolonomi 23:3

“Taaku mwine Amoni, mwine Moabu nabi umwi wamulunyungu lwabo kushikila akulishalane lyalikumi, weelete kubungana abantu ba Mwaami Lesa.

Dutolonomi 23:4

Mukwiinga bantu aba bakakaka kumupa cakulya amaanshi lilya ndimwakalinga kuswa mucishi ca Ijipiti, alimwi bakeeta aBalaamu mwanaakwe Beyo wa mundabala inene ya Peto mucishi ca Mesopotamya, ayi amushingane,