Lute 4:12 - Baibo Busansulushi Bwa Libuku Ili

¹² Baana abo Mwaami Lesa mbweshi akakupe mumwanakashi uyu cikula bwangu, abalengeshe bamuŋanda yako kuba anga mbakwe Pelisi mwaana musankwa uyo Tama ngwaakashalila Juda.”

Lute 4:12 Iomraidhean Croise

Matalikilo 38:29

Nacibi boobo wakaboosha lyaansa mukati alimwi, mpeeke mukwabo wakataanguna kushalwa. Lyalo shikutumbusha wakaamba ayi, “Anu mbowaswa bulya!” Aboobo bakamutumba ayi, Pelisi.

Matalikilo 46:12

Juda abana bakwe basankwa beetwa ayi Shela, Pelisi alimwi Sela. Bana bakwe Juda basankwa bamwi beetwa ayi Ele aOnani bakafwita muKenani. Bana bakwe Pelisi basankwa nguEsiloni alimwi aAmulu.

1 Makani 2:4

Tama mulokashi wakwe Juda, wakamushalila Pelesi aSela. Juda wakashala baana bosanwe pantu pomwi.

Malaki 2:15

Sa te Mwaami Lesa ngowakabapaankanya kuba mubili womwi? Mumubili amumuuya mbaakwe. Ino ceebonshi ngumubili womwi? Wakacita boobo ayi mube abaana bamulambila. Paceebo ceeci, amulilaame mubuumi bwanu kwaamba ayi kukabule nabi womwi eshi akabule kucita kweelana ambwaakalasha mukaakwe mutaanshi.

Mateyo 1:3

Juda wakashala Pelesi aSela muli Tama, Pelesi wakashala Esiloni, alakwe Esiloni wakashala Lamu.

Lute 4:18

Ono mulunyungu lwakwe Pelisi, Pelisi wakashala Esiloni,

1 Samwelo 2:20

Mpeeke Eli wakalinga kupa coolwe Elikana aAana, akwaambila Elikana ayi, “Mwaami Lesa aakupe baana baambi kwiinda mumwanakashi uyu Aana, kwaamba ayi babwese musena wa wooyu ngowakabenga mumaansaakwe.” Na bamanisha bakalinga kuboolela kumishaabo.