Lute 3:7 - Baibo Busansulushi Bwa Libuku Ili

⁷ Bowasi ndyaakamana kulya akunwa, wakalinga kuboneka kukondwa abuumbi. Wakaya kucifufu ca bale ayi aye oone. Lute wakaya cakubendelela, wanyamuna shakulifweka akwinjila woona kumyeendo yakwe Bowasi.

Lute 3:7 Iomraidhean Croise

Matalikilo 43:34

Shakulya shakaabwa kuswa kutebulu yakwe Josefu alimwi Benjameni wakaabilwa shiinji cakwiinda sha bamwi boonse mankanda osanwe. Mpeeke bakalya akunwa cakusekelela aJosefu.

2 Samwelo 13:28

Ono Abusalomu wakalwiita basebenshi bakwe ayi, “Na mubone Amunoni wakolwa alimwi na ŋambe ayi, ‘Amumuyase Amunoni,’ mumucaaye. Mutaloondi. Mulandu ngwaangu. Muyumye myoyo alimwi kutatonsha.”

1 Baami 21:7

Mpomunyaawo Jesebelo mukaakwe wakaamba ayi, “Sa mwebo tamushi baami ba cishi ca Isilaeli? Amubuke, musangalale akulya! Nebo ntoomubwesela muunda wa minyansa wakwe Naboti mwine Jesiliilu.”

Esita 1:10

Ono pabushiku bwasanu ashobilo, mwaami Sakisesi kaasangalete ceebo ca waini, wakeeta basankwa bakwe bakacaikwa lushalo bali bosanwe abobilo, nkokwaamba ayi Meyumani, Bisita, Alibona, Bigita, Abagita, Seta alimwi aKakasi.

Kulumbaisha 104:15

waini wakusangalasha myoyo yabo, mafuta a olifi akubakondelesha alimwi ashinkwa wakubapa nkusu.

Shikushimikila 10:19

Kusekelela kulalengesha kuseka, waini ulasangalasha moyo, sombi maali ngaaleta shoonse ishi.

Shikushimikila 2:24

Anu cintubo ciindaawo kubota muntu nceenga wacita nkulya, kunwa akusangalala musheesho nshaakayuwila. Ono ndaboona ayi ici acalo cilaswa kuli Lesa

Shikushimikila 8:15

Anu bulya nebo ndashinisha kwaamba ayi muntu ulyeeletebo kusangalala mukwiinga taaku cibotu cicanika pano pacishi ca panshi kwiinda kulya, kunwa alimwi akusangalala. Na wacita boobo, ulaakunoosangalete mumilimo ya nshiku shoonse sha buumi bwakwe ubo Lesa mbwaakamupa pacishi ca panshi.

Shikushimikila 9:7

Kolya shakulya shako akusangalala, konwa waini wako amoyo wakusangalala mukwiinga cino nceciindi Lesa ndyaakondwa amicito yako.

1 Bene Kolinto 10:31

Ono aboobo kulilabo ncemutoocita, kulya nabi kunwa, amushiciite shoonse mukupa bulemu kuli Lesa.

Bene Efeso 5:18

Amucileeke kukolwa uko kweshi kukamunyonyoolebo, sombi amusushikwe aMushimu Usalashi.

Boomboloshi 19:22

Ono kabacilya akulisangalasha, bakabonabo bantu babiibi bamundabala iyo, bashinguluka ŋanda bakonkoonsha kucisasa akwaambila mucembele mwine ŋanda ayi, “Kusha mweensu wako pansengwe tucitaakwe nkwela.”

Boomboloshi 19:6

Basankwa bobilo abo bakekala balya. Mpeeke bapongoshi bakaambila mukwe wabo ayi, “Sa inga tamoonibo asunu, musangalaleewo?”

Boomboloshi 19:9

Ono musankwa uyo, kasuwa wakwe alimwi amusebenshi wakwe ndibakaamba ayi banyamuke, bapongoshi bakwe bakamwaambila ayi, “Bona lisuba lyaya kale, Amoonebo. Kutooshiya onoono, amwikalebo mulisangalashe. Ciilo inga mwafuma kubuka kuya kumishaanu.”

Lute 3:6

Mpeeke Lute wakaya kumusena wakulupwitaawo akucita bweenka bwakamulwiita bapongoshi bakwe.

Lute 3:8

Mashiku wakapapuka cakwaandamuka wapiluluka, wakakankamana kucana kuli mwanakashi kumyeendo yakwe.