Lute 3:12 - Baibo Busansulushi Bwa Libuku Ili

¹² Ndushinisho ndi shikamukowa mwiine mwiine alimwi ndyeelete kukulama, ono nkwaali wiindaawo pali ndime.

Lute 3:12 Iomraidhean Croise

Mateyo 7:12

“Nkokwaamba ayi mushintu shoonse amucitile bantu bamwi bweenka mbomusuni ayi bamucitile. Anu uku nkokwiisha kwa Milawo yakwe Mose alimwi akwiisha kwa balaluki bakulukulu.

1 Bene Tesalonika 4:6

Mucikani ici kutabi muntu ubishisha mushominyina nabi kumulenga buluya. Twakamucenjeshawo kale ayi pacikani ici Lesa ulaakutondesha bukali kubantu bacita sheesho.

Lute 2:20

Naomi wakaamba ayi, “Lesa aape coolwe Bowasi. Mwaami Lesa ulashomeka kubaabo bacili boomi akubaabo bakafwa kale.” Lyalo wakatolelela kaamba ayi, “Ulya musankwa ngushikamukowa wesu mwiine mwiine alimwi ngowomwi pabaabo beelete kutulama cakuteenda mweela.”

Lute 3:11

Ono utaloondi Lute. Ntoocita shoonse nshewasenga, ceebo muntu woonse mundabala ino ulishi kwaamba ayi uli mwanakashi ucite mibo ibotu.

Lute 3:13

Koshiite kushikila buce. Macuunsacuunsa tutoomwiipusha na ulisuni kukulama. Na asumine ingayi cabota, sombi na akake, nebo ndalumbila muliina lya Mwaami Lesa muumi kwaamba ayi ndanookulama. Ono ona apa kushikila buce.”

Lute 4:1

Mpeeke Bowasi wakaya kumwinjililo wa ndabala akwikala uko. Lyalo shikamukowa wakwe Elimeleki uyo Bowasi ngwaakalinga waambaawo wakesa pafwaafwi. Mpomunyaawo Bowasi wakamwiita ayi, “Shikookuno mwana, kala panshi.” Alakwe wakaya wekala.

Lute 4:4

Aboobo ndayeeya kwaamba ayi ndyeelete kukwishibisha cikani ici. Ono na ulisuni kuwuula, wuule pameenso a bamanene aba bashiite pano. Sombi na toosuni waambe, ceebo ndiwe weelete kutaanguna kwiipushikwa shakuula muunda ulya, pesule ndime.” Musankwa uyo wakaamba ayi, “Ntoowuula.”