Lute 2:7 - Baibo Busansulushi Bwa Libuku Ili

⁷ Wansenga ayi anoosa cibweselela bale pesule lya basebenshi. Wasebensa kuswa macuunsacuunsa ono bulya wacileka ayi aokesheeko paniini mulya mukatungu.”

Lute 2:7 Iomraidhean Croise

Tushimpi 13:4

Mutolo nabi wasuna buyani kuba acintu cimwi, taacicaani, sombi uyo usebensa cankusu ulacana shintu shoonse nshaasuni.

Tushimpi 15:33

Kuloonda Mwaami Lesa nkokwiisha muntu kuba musongo. Ulyeelete kutaanguna kulibombya ingaawo ukalemekwe.

Tushimpi 18:23

Muntu mukandu ulaamba cakulikombelesha, sombi mubile ulakumbula cabukali bukali.

Tushimpi 22:29

Sa kuli muntu ngoobwene ucishi kabotu mulimo wakwe? Uyo ulaakunoosebensela bamaami kuteshi bantubo, sobwe.

Shikushimikila 9:10

Mulimo woonse wapolela mumaansaako, usebense cankusu mukwiinga mucuumbwe momutooya taaku kusebensa, kupanga miyeeyo, lushibo nabi busongo.

Mateyo 5:3

“Balicite coolwe abo bakandu mumushimu mukwiinga Bweene bwa kwiculu mbwabo.

Bene Loma 12:11

Mutabi batolo, sombi amusebense cankusu. Amulibeenge amyoyo yoonse mukusebensela Lesa.

Bene Galatiya 6:9

Anu tutacileeki kucita shibotu mukwiinga paciindi ceelete, tulaakutebula na tubule kutyongooka.

Bene Efeso 5:21

Ceebo mulalemeka Klistu, mulyeelete kunyumfwana.

Lute 2:2

Bumwi bushiku Lute wakaambila Naomi ayi, “Amunsuminishe nje kumyuunda nkabwesoole bale ushiya beshikucesa. Ndishomete ayi ntoocana muntu weshi ansuminishe kuya cibwesa pesule lyakwe.” Mpomunyaawo Naomi wakakumbula ayi, “Ncibotu, koya omwanaangu.”

Lute 2:21

Lyalo Lute wakaamba ayi, “Ceenda kubota ncakwaamba ayi bandwiita ayi noosebensela pantu pomwi abasebenshi babo banakashi kushikila bakamanishe kucesa.”

Lute 2:6

Musankwa uyo wakakumbula ayi, “Ngumwine Moabu uyo Naomi ngwaakesaakwe kuswa kucishi ncemunya ico.

Lute 2:8

Mpeeke Bowasi wakaambila Lute ayi, “Ono kutika omwanaangu. Ulyeeletebo kubweselela bale mumuunda uno weenkabo, kuleka umwi uli woonse. Kosebensa pantu pomwi abasebenshi bangu banakashi muno.