Luka 7:12 - Baibo Busansulushi Bwa Libuku Ili

¹² Jesu ndyaakashikabo kufwaafwi amwinjililo wa ndabala, wakakumanya beshicililo kabayumwite lufu. Uyo musankwa mufu wakalinga ngomwaana eenkabo kuli banyina bamukalubinje. Bantu baanji ba mundabala iyo bakalinga amukalubinje uyo.

Luka 7:12 Iomraidhean Croise

Matalikilo 22:12

Munjelo wakaamba ayi, “Utaciisi nabi kucita cili coonse kumwanike uyo. Ono ndeshiiba kwaamba ayi ulalemeka akunyumfwila Lesa ceebo tookwe kumamatisha mwanaako eenkabo kwaamba ayi utamubengi kuli nguwe.”

Matalikilo 22:2

Lesa wakaamba ayi, “Bwesa mwanaako musankwa, mwaana eenkabo ngoocite, uyo ngoosuni abuumbi, uye kucishi ca Moliya. Uko ntookutondesha kalundu mpweshi umubengele ayi ngumulambu kuli ndime.”

2 Samwelo 14:7

Ono beshikamukowa boonse bambukila nemusebenshi wanu akwaamba ayi balisuni ngabe wooyo wakacaya mubye mumaansaabo ayi bamucaaye alakwe, ceebo cakucaya mukwabo. Na bakacite boobo, ingayi nebo ndaakucaalabo kwakubulawo mwaana musankwa. Nkokwaamba ayi balaakunyonyoola wakucinkamo manungo eenkabo ngooncite, abalo beebaangu inga babula weenga wacaasha liina lyabo pacishi ca panshi coonse cino.”

1 Baami 17:12

Lakwe wakakumbula ayi, “Kweelana ambocibete lushinisho ayi Mwaami Lesa, Lesa wanu ngumuumi, mbweeke ubo nshiciteewo shinkwa. Ndicitebo tufulaulo tuniini mumbale atufuta twa olifi munkomeshi. Ndesa kokuno mukutepa nkuni akutola kuŋanda mukuteleka tuniini uto twakulya nebo amwanaangu. Ico nceshi cibe cakulya cesu cakweelaako, lyalo tulaakufwa kunsala.”

1 Baami 17:18

Mpomunyaawo mukalubinje uyo wakaambila Elija ayi, “Omuntu wakwe Lesa, nciinshi ncewacitila bobulya? Sa wesa kokuno mukwiibalusha Lesa shibiibi shangu isho nshendakacita akulengesha mwanaangu kufwa?”

1 Baami 17:23

Elija wakanyamuna mwaana akumutola mucipinda ca panshi. Lyalo wakamuboosha kuli banyina akubaambila ayi, “Amubone mwanaanu ngumuumi!”

1 Baami 17:9

“Ono koya kundabala ya Salefati kufwaafwi aSidoni, ukekale nkuko. Ndaambila mukalubinje ayi anookupa cakulya uko.”

2 Baami 4:16

Lyalo Elisha waamba ayi, “Paciindi ceenka cino mwaaka utoosa ulaakunoocite mwaana musankwa pamaansa.” Mwanakashi wakaamba ayi, “Nkambo, mutambeci nemusebenshi wanu. Mwebo muli bantu ba baLesa!”

2 Baami 4:20

Musebenshi uyo wakamutola kuli banyina. Mpeeke abalo bakamufukata kushikila lisuba ndilyakashika pakati ka mutwi, lyalo wakafwa.

Jobo 29:13

Ndakalinga kulumbaishikwa kubantu bali pafwaafwi kufwa. Ndakalinga kucafwa abamukalubinje ayi banookala kabasangalete.

Sekaliya 12:10

“Ndaakutila mushimu wa luse akupaila pabamulunyungu lwakwe Defedi alimwi apabene Jelusalemu. Lyalo balaakulanga kuli ndime ngobakayasa akundila bweenka muntu mbwaalila mwanaakwe womwibo na wafwa, ee, kundila bweenka muntu mbwaalila mwanaakwe wakwiiya.

Luka 7:11

Kuswawaawo Jesu wakaya kundabala iitwa ayi Naini. Bashikwiiya bakwe abantu bamwi baanji bakayaakwe.

Luka 7:13

Mpeeke Mwaami Jesu ndyaakabona mukalubinje uyo wakamunyumfwila nkumbu akumwaambila ayi, “Cileke kulila.”

Luka 8:42

mukwiinga mwanaakwe mwanakashi wa myaaka likumi ayobilo lwakalingabo ndufu. Uyo mwaana wakalinga ngomwaana ngwaakalinga kucite eenkabo. Ono Jesu ndyaakalinga kuya bweenda, bantu baanji bakalinga kumushaankanya.

Luka 8:52

Mpeeke mwakalingabo mibila ceebo ca mulindu uyo wakalinga kufwite. Nakubi boobo Jesu wakabaambila ayi, “Amucileeke kulila ceebo mulindu uyu taafwite, uliletebo.”

Joni 11:19

Bantu baanji ba muJudeya bakalinga besa mukulishanyako Malita aMaliya palufu lwa nandumi yabo.

Milimo ya Batumwi 9:39

Mpomunyaawo Pita wakalibambila akuyaabo. Ndyaakashika, bakamutola mucipinda ca peculu umo bamukalubinje banakashi mobakamushinguluka kabalila. Lyalo bakatalika kumubonesha minjila ashakufwala sha peculu shakatunga Dokasi kaacili muumi.

Milimo ya Batumwi 9:41

Pita wakamucata palyaansa akumucafwa ayi eemikane. Lyalo wakeeta bashomi, kubikaawo abamukalubinje banakashi akupa Tabita kuli mbabo kaali muumi.

Jemusi 1:27

Kupaila kwiine kwiine kutacite kampenda pameenso akwe Lesa Ishiwesu, nkwakulama bana banshiwa abamukalubinje banakashi mumapensho abo. Peculu lya waawo, nkuloonda shibiibi sha mucishi ca panshi ayi inga shamubisha.