Luka 17:1 - Baibo Busansulushi Bwa Libuku Ili

¹ Jesu wakaambila bashikwiiya bakwe ayi, “Shintu shilengesha muntu kubisha shilyeelete kucitika, sombi mapensho kuli wooyo ulengesha ayi shicitike.

Luka 17:1 Iomraidhean Croise

Mateyo 16:23

Mpeeke Jesu wakapiluluka akwaambila Pita ayi, “Koya kulaale, webo Satana! Webo uli mfumpu kuli ndime ceebo miyeeyo yako iyo taiswi kuli Lesa, sombi njabuntu.”

Mateyo 18:7

Mapensho kubantu ba mucishi ca panshi ceebo ca baabo balengesha babyabo kubisha! Shintu ishi shilyeelete kuboneka, sombi mapensho kubaabo bashilengesha.

Luka 16:31

Abulaamu wakamwaambila ayi, ‘Na tabanyumfwili Mose abalaluki bakulukulu, teshi bakanyumfwe nabi umwi wabuka kuswa kubafu.’ ”

Bene Loma 14:13

Paceebo ceeco tatweelete kubona bene Klistunyineesu ayi mbeshikubisha. Sombi ncetweelete kucita nkuyeeya kwaamba ayi tutanoolengesha bene Klistunyineesu kubisha.

Bene Loma 16:17

Ndamusenga nobamakwesu ayi mucenjele abantu abo bapansaanya babyaabo akulengesha ayi babishe. Balo baleeisha shipusene asheesho nshemwakeeya. Amubatalamuke!

1 Bene Kolinto 10:32

Bwikaalo bwanu butabi mfumpu kubaJuda, baswamashi bakunsengwe nabibo kucoonde cakwe Lesa.

1 Bene Kolinto 11:19

Ndushinisho palyeelete kuba kusalululana pakati kanu kwaamba ayi abo bali mubululami baboneke patuba.

1 Bene Kolinto 8:13

Aboobo, na cakulya calengesha mukwesu muli Klistu kubisha, teshi nkalyewo nyama alimwi kwaamba ayi ntakabishishi mukwesu uyo.

1 Timoti 4:1

Ncakwiila Mushimu Usalashi ulaamba patuba ayi munshiku shitoosa bamwi balaakushiya lushomo. Balaakutalika kunookonkela mishimu ibeshi akwiisha kwa bashikaswa.

Ciyubululo 2:14

“ ‘Sombi ndicite matongooshi amwi pali ndiwe ceebo mulikoto lyanu muli bamwi bakonkela kwiisha kwakwe Balamu. Lakwe wakeeisha Balaki bwakulengesha bene Isilaeli kubisha kwiinda mukubanyengelela ayi balye shakulya shakabengwa kushibumbwabumbwa alimwi akucita bufuule.

Ciyubululo 2:20

Sombi ndicite litongooshi pali ndiwe ceebo mwanakashi uyo Jesebelo, ulibanda ayi ngumulaluki wakwe Lesa, ulamulangabo. Kwiinda mukwiisha kwakwe, ulabalengesha kubisha ndyaabanyengelela ayi banoocita bufuule akulya shakulya shakabengwa kushibumbwabumbwa.