Luka 13:8 - Baibo Busansulushi Bwa Libuku Ili

⁸ Sombi musebenshi uyo wakakumbula ayi, ‘Amucileeke nkambo, kwamwaaka uno. Ndaakutipula mweela akubikamo mboleshi.

Luka 13:8 Iomraidhean Croise

Kulumbaisha 106:23

Aboobo Lesa wakaamba ayi utoobanyonyoola. Sombi Mose, musebenshi wakwe ngwaakasala, wakeemikana pameenso akwe kwaamba ayi atabanyonyooli mubukali bwakwe.

Kulonga 34:9

Wakaamba ayi, “NoBaami baLesa, na ncakwiila mulikondetwe muli ndime, ndamusenga ayi muye aswebo. Bantu aba mbeshicimpamya, sombi mutulekelele pabubi bwesu alimwi ashibiibi shesu akututambula ayi tube bantu banu.”

Jelemiya 15:1

Mpeeke Mwaami Lesa wakaŋambila ayi, “Nabi Mose aSamwelo besa beemikana kunembo lyangu akunkombelela, inga nshibooshiimo moyo pabantu aba napaceyi. Amubatandaanye, baswe pameenso angu! Kabayabo!

Jelemiya 18:20

Sa cintu cibotu inga calambulwa ashibiibi? Nakubi boobo balo bankabila cilindi ayi ngwiteemo. Amuyeeye kwaamba ayi ndakeemikana kunembo lyanu akubaambililako ayi mukushe bukali bwanu pali mbabo.

Jowelo 2:17

Bapailishi abo basebensela Mwaami Lesa, balile pakati ka cipaililo akapinda ka kumulyango wa Ŋanda yakwe Lesa. Banokwaamba ayi, “NoBaami baLesa, amunyumfwile nkumbu bantu banu. Mutaleeki kwaamba ayi bantu mbomwakasala babe cintu ceelete kushibulukwa. Mutaleeki bakunsengwe kubaseka ayi, ‘Ino Lesa wanu uli kuli?’ ”

Luka 13:7

Mpeeke wakaambila shikusebensa mumuunda ayi, ‘Bona, njimyaaka yotatwe keensa mucisamu ici ayi mpashi ndacanamo nkuyu, sombi nshishicaniimo. Citemebo, cinanonyonyoolabo bulongo.’

Luka 13:9

Na mwakali cikacate shisepo, ingayi cabota. Sombi na cikabule kucata, acikatemwebo.’ ”

Luka 14:35

Nkokwaamba ayi taucite ncito kubulongo nabi pamulwi wa bufumba bwakubika mumuunda, ngwakusowabo. Uyo ucite matwi aanyumfwe!”

Bene Loma 10:1

Nobamakwesu cintu nceensunishi amoyo wangu woonse alimwi nceensenga Lesa, ncakwaamba ayi baJuda abo bamumushobo wangu, bakapulushikwe.

Bene Loma 11:14

Mukucita boobo, mpashi ndalengesha bantu ba mumushobo wangu kunyumfwila munyono baswamashi bakunsengwe kwaamba ayi Lesa akapulushe bamwi mulikoto lyabo.

2 Pita 3:9

Teshi kwaamba ayi Mwaami wacelwa kucita kweelana ambwaakashomesha, kweelana ambobayeeya bamwi. Sombi ucimukalikila moyo mukwiinga taasuni muntu nabi womwi kunyonyoolwa. Ncakwiila ulisuni kwaamba ayi boonse basanduke kuswa kushibiibi shabo.