Kulonga 8:8 - Baibo Busansulushi Bwa Libuku Ili

⁸ Mpeeke mwaami Falawo wakeeta Mose aAloni akubaambila ayi, “Amupaile kuMwaami Lesa kwaamba ayi akushe babombwe aba, anebo ndyeshi nsuminishe bantu banu ayi baye bakabenge milambu kuMwaami Lesa.”

Kulonga 8:8 Iomraidhean Croise

1 Baami 13:6

Mwaami Jeloboamu wakaambila mulaluki ayi, “Ndakusenga mpailileeko kuMwaami Lesa wako kwaamba ayi alengeshe lyaansa lyangu kuba kabotu!” Mpeeke mulaluki wakapaila kuMwaami Lesa, lyalo lyaansa lya mwaami lyakaba kabotu.

Kulumbaisha 66:3

Amwaambile Lesa ayi, “Shintu nshemucita shilakankamika abuumbi. Nkusu shanu nshinene abuumbi cakwaamba ayi balwani banu balafukama kunembo lyanu mukuloonda.

Kulonga 10:16

Lyalo mwaami Falawo wakeetila Mose aAloni mulubilo akwaamba ayi, “Ndabiisha kuMwaami Lesa, Lesa wanu alimwi akuli ndimwe.

Kulonga 10:17

Ono amundekelele alimwi cibiibi cangu, alimwi mumpailileeko kuMwaami Lesa, Lesa wanu kwaamba ayi akushe mwaalu uleta lufu uyu wancitikila.”

Kulonga 10:18

Mpomunyaawo Mose wakashiya mwaami Falawo, akuya mukupaila kuMwaami Lesa.

Kulonga 14:5

Mwaami Falawo wa mucishi ca Ijipiti ndyaakanyumfwa ayi bene Isilaeli baloboka, lakwe alimwi abacinenenene bakwe bakayeeya miyeeyo imwi akwaamba ayi, “Ino twacitilanshi bobulya? Twaleka bene Isilaeli ayi baye, mbulya ono twabuula basha!”

Kulonga 32:11

Sombi Mose wakakombelela Mwaami Lesa, Lesa wakwe akwaamba ayi, “NoBaami baLesa, ino inga mwakalalila buyani boobo bantu banu, abo mbomwakafuna kuswa mucishi ca Ijipiti kwiinda munkusu shanu shiindaawo?

Kulonga 5:2

Lyalo Falawo wakabeepusha ayi, “Ino Mwaami Lesa uyo ngweshi nyumfwile akuleka bene Isilaeli ayi banooya ngani? Mwaami Lesa uyo nshimwishiiwo, alimwi bene Isilaeli teshi mbalekeewo.”

Kulonga 8:15

Ono mwaami Falawo ndyaakabona ayi babombwe bafwa, wakaba shicimpamya alimwi. Kweelana abwakaamba Mwaami Lesa, mwaami Falawo wakakaka kunyumfwila Mose aAloni.

Kulonga 8:29

Mpeeke Mose wakakumbula ayi, “Kulilabo na nswe waano, ntoopaila kuMwaami Lesa ayi ciilo baloonshi boonse bakasweewo pali ndimwe, bacinenenene banu alimwi abantu ba mucishi canu. Sombi tamweelete kutubeca alimwi, akukasha bantu kuya mukubenga milambu kuMwaami Lesa.”

Kulonga 8:32

Nacibi boobo mwaami wakacita cimpamya akubooshaawo kukasha bantu kuya.

Kulonga 8:9

Mose wakakumbula mwaami Falawo ayi, “Inga ndakondwa abuumbi kumupailila, ono mulyeelete kusala ciindi ndyeshi mpailile ndimwe, bacinenenene banu alimwi abantu ba mucishi canu. Lyalo babombwe boonse balaakukushikwaawo pali ndimwe, sombibo muMulonga wa Nailo.”

Kulonga 9:27

Mpomunyaawo mwaami Falawo wakeeta Mose aAloni akubaambila ayi, “Paciindi cino, ndabiisha. Mwaami Lesa uliluleme, sombi nebo abantu ba mucishi cangu tulilubite.

Kulonga 9:28

Amupaile kuMwaami Lesa! Twapeenga abuumbi kukukalooka kwa mfuula ya mabwe iyi. Ntoomulwitilisha ayi ntoomuleka munooya, tamweelete kunoocishiite.”

Kulonga 9:33

Kuswawaawo Mose wakaswaako kumwaami Falawo, alimwi akuswa mundabala inene umo. Lyalo wakatambika maansaakwe akupaila kuMwaami Lesa. Mpeeke kukalooka, mabwe alimwi amfuula shoonse shakamana.

Shakubelenga 21:7

Ndibakabona boobo, bakesa kuli Mose akwaamba ayi, “Twakabisha nditwakatongookela Mwaami Lesa alimwi amwebo. Ono amupaile kuMwaami Lesa.” Aboobo Mose wakabapaililaako.

Milimo ya Batumwi 8:24

Lyalo Simoni wakaambila Pita aJoni ayi, “Anu amumpailileeko mwebo kuMwaami Lesa kwaamba ayi shoonse nshemwaamba shitancitikili.”

1 Samwelo 12:19

Mpomunyaawo bantu bakaambila Samwelo ayi, “Amutupailileeko kuMwaami Lesa, Lesa wanu, kwaamba ayi tutafwi. Tweshiiba ono kwaamba ayi peculu pashibiibi shesu shimwi shoonse, tweelikaawo acibiibi cakusenga mwaami.”