Kulonga 6:3 - Baibo Busansulushi Bwa Libuku Ili

³ Ndakaboneka kuli Abulaamu, Isaki alimwi aJakobo ayi ndime Lesa Shinkusu shoonse. Sombi nshikwe kuliyubulula kuli mbabo ayi banshiibe liina lyakwaamba ayi Mwaami Lesa.

Kulonga 6:3 Iomraidhean Croise

Matalikilo 13:18

Mpeeke Abulamu wakalonga akuyaka misumba yakwe pafwaafwi amibanga ya kuMamule muEbuloni. Uko nkwaakayakila Mwaami Lesa cipaililo.

Matalikilo 17:1

Abulamu ndyaakaba amyaaka ili 99, Mwaami Lesa wakaboneka kuli nguwe akwaamba ayi, “Ndime Lesa Shinkusu shoonse. Nyumfwile alimwi kocita shiluleme lyoonse.

Matalikilo 22:14

Musena uyo Abulaamu wakautumba ayi, “Lesa ulapa.” Abobulya bantu balaamba ayi, “PaKalundu ka Mwaami Lesa upa.”

Matalikilo 28:3

Lesa Shinkusu shoonse aakape coolwe cikwati cako akukupa baana baanji kwaamba ayi ukabe mushali mukulukulu wa mishobo iinji!

Matalikilo 35:11

Lyalo Lesa wakaamba ayi, “Ndime Lesa Shinkusu shoonse. Koba abaana baanji. Mishobo iinji ilaakuswa mulunyungu lwako alimwi ulaakuba mushali wa bamaami.

Matalikilo 48:3

Jakobo wakaambila Josefu ayi, “Lesa Shinkusu shoonse wakaboneka kuli ndime kuLusi mucishi ca Kenani akumpa coolwe.

Kulumbaisha 68:4

Amwiimbile Lesa, mwiimbe nyimbo shakulumbaisha liina lyakwe. Amwiimbishe kulumbaisha wooyo weendela pamakumbi, liina lyakwe nguMwaami Lesa, amusangalale pameenso akwe!

Kulumbaisha 83:18

Abeshibe ayi ndimwe nomucite liina lya Mwaami Lesa, ndimwe nweenka nobaLesa ba kwiculu Beendaawo mucishi coonse ca panshi.

Kulonga 15:3

Mwaami Lesa ngushilumamba. Mwaami Lesa, ndyeliina lyakwe.

Kulonga 23:21

Mukanoomunyumfwila alimwi akukonkela nsheshi akanoomulwiita. Mutakamwaalukili, ceebo ndime ndamutuma alimwi na mukamwaalukile, teshi akamulekeleleewo.

Kulonga 3:14

Mpomunyaawo Lesa wakaamba ayi, “NDIME WOOYO NGOOMBETE. Anu ulyeelete kubalwiita ayi, ‘Uyo wiitwa ayi NDIME wantuma kuli ndimwe.’

Isaya 42:8

“Nebo ndime Mwaami Lesa, ee, ili ndyeliina lyangu. Nshipi bulemu bwangu kuumwi, kulumbaisha kweelete ndime, nshikulekeli shibumbwabumbwa.

Isaya 44:6

Ono Mwaami Lesa, Mwaami wa bene Isilaeli, ee, Mupulushi wabo, ngweeke ngoMwaami Lesa Shinkusu shoonse, waamba ayi, “Ndime mutaanshi alimwi awakweelaako. Taaku Lesa aumwi kulekabo ndime.

Jelemiya 16:21

Mpomunyaawo Mwaami Lesa wakaamba ayi, “Paceebo ceeco ntoobeeisha, ee, bulya ntooyanda kubeeisha nkusu abulemu bwangu. Ingaawo ndyeshi bakeshibe ayi Mwaami Lesa ndyeliina lyangu.”

Jelemiya 33:2

Mwaami Lesa, uyo wakalenga cishi ca panshi, uyo wakacibumba alimwi akucibika pamusena wa ncico, ee, uyo ucite liina lya Mwaami Lesa wakaamba kuli ndime ayi,

Esekelo 20:5

Ubaambile ayi nebo neMwaami Lesa Shinkusu shoonse ndaamba ayi, ‘Bushiku mbondakasala bene Isilaeli, ndakashomesha cakulumbila alyaansa litambikitwe mwiculu kubamulunyungu lwakwe Jakobo akuliyubulula kuli mbabo muIjipiti. Kaantambikite lyaansa mwiculu, ndakabaambila ayi, ndi Mwaami Lesa, Lesa wanu.

Esekelo 37:13

Ono mwebo nobantu bangu, bushiku mbweshi nkacalule shuumbwe shanu akumukushaamo, mulaakwishiba ayi nebo ndi Mwaami Lesa.

Esekelo 37:6

Kuswawaawo ndaakumubika mishisa, nyama alimwi akumufwekelesha cikanda. Ndaakumufulita muuya muli ndimwe amwebo mulaakuba abuumi. Lyalo ndyeshi mukeshibe ayi nebo ndi Mwaami Lesa.’ ”

Joni 8:58

“Ntoomulwiita calushinisho ayi Abulaamu kaatana kushalwa, nebo kaandiiko kale.”

Ciyubululo 1:4

Ndime Joni nentoolembela ndimwe noshoonde shosanwe ashobilo shili mucishi ca Esha. Lesa uyo uliiwo, wakalingaawo alimwi weshi akanooliiwo amupe luse aluumuno. Ayalo mishimu yosanwe ayobilo ili kunembo lya cuuna cakwe ca bwaami imupe luse aluumuno.

Lute 1:20

Lakwe wakakumbula ayi, “Mutanjiti ayi Naomi. Kamunjita ayi Mala ceebo Mwaami Lesa Shinkusu walengesha buumi bwangu kubica.