Kulonga 3:9 - Baibo Busansulushi Bwa Libuku Ili

⁹ Ncakwiila kulila kwa bantu bangu ndakunyumfwa, alimwi ndaboona abene Ijipiti mbobatoobapensha.

Kulonga 3:9 Iomraidhean Croise

Matalikilo 16:11

Mpeeke munjelo wa Mwaami Lesa wakamwaambila alimwi ayi, “Ono bulya wamiita, ulaakuba amwaana musankwa, ulaakumutumba ayi Ishimaeli ceebo Lesa wanyumfwa mapensho ako.

Matalikilo 31:12

Wakatolelela ayi, ‘Bona, bapeepe boonse batootanta mbamyuubimyuubi, mabalamabala, alimwi abacisekeleli. Ndime ntoolengesha ayi cicitike bobulya mukwiinga ndaboona shoonse Labani nshaatoocita kuli ndiwe.

2 Baami 13:4

Kuswawaawo Jeowasi wakapaila kuMwaami Lesa. Lyalo Mwaami Lesa ndyaakabona mwaami wa bene Silya mbwaakalinga kulyatilila bene Isilaeli calunkutwe, wakumbula mipailo yakwe Jeowasi.

2 Baami 20:5

“Boola kuli Esekiya, mutanjilili wa bantu bangu uye umulwiite ayi, ‘Nebo neMwaami Lesa, Lesa wakwe Defedi mushali wako mukulukulu, ndanyuumfwa mupailo wako akulila kwako. Ntookushilika, lyalo pakwiinda nshiku shotatwe ukaye kuŊanda yangu.

Neyemiya 9:9

“Mwakabona mapensho a bamashali besu bakulukulu muIjipiti. Mwakanyumfwa kulila kwabo kuLweenge Lusalala.

Kulumbaisha 12:5

Ono Mwaami Lesa waamba ayi, “Ceebo cakwaamba ayi balefukite balyatililwa, ceebo cakwaamba ayi bakandu batongela, ntoonyamuka akubafuna kweelana ambobatoolila.”

Kulumbaisha 9:14

kwaamba ayi nkeemikane pameenso abene Jelusalemu akubalwiita shintu shoonse nshemulumbaishishaawo. Nebo ndaakusangalala mukwiinga mwebo mwakampulusha.

Kulonga 1:11

Aboobo bene Ijipiti bakasala beshikubasebensesha kwaamba ayi babapeenshe kwiinda mukusebensa ncito shiyumu. Bene Isilaeli bakayaka mandabala anene obilo aPitomu alimwi aLamesesi kwaamba ayi munoolaminwa shakulya sha mwaami Falawo.

Kulonga 1:22

Kuswawaawo mwaami Falawo wakapa bantu ba mucishi cakwe boonse mulawo wakwaamba ayi, “Mwaana musankwa washalwa woonse wa bene Ebulu mulyeelete kuya mukumuwaala muMulonga wa Nailo. Sombi baana banakashi nkubalekabo ayi bakule.”

Kulonga 1:8

Kuswawaawo mwaami uyo watakalinga kwishi nabi comwi pali Josefu, wakatalika kulela mucishi ca Ijipiti.

Kulonga 2:23

Ndipakeenda myaaka, mwaami wa mucishi ca Ijipiti wakafwa, sombi bene Isilaeli bakalinga kucipengabo ceebo ca busha akunoolilila shikubafunaako. Kulila kwabo kwakashika kuli Lesa,

Kulonga 2:25

Lyalo Lesa wakabona mbuli mbobakalinga kufubitwe bene Isilaeli, mpeeke wakabanyumfwila nkumbu.

Kulonga 3:7

Lyalo Mwaami Lesa wakaamba ayi, “Ncakwiila ndaboona mbuli bantu bangu mbobatoopenshekwa mucishi ca Ijipiti. Ndanyuumfwa kulila kwabo ceebo ca beshikubasebensesha. Kupenshekwa kwabo koonse ndikubwene.

Shikushimikila 4:1

Ndakalangilisha alimwi akubona kulyatililana kucitika pacishi ca panshi. Ndakabona minsonshi ya bantu balyatililwa, tebakalinga kucite abeshikuboombulusha. Ndakabona ayi nkusu shakalinga kubaabo bakalinga kubalyatilila. Ncakwiila tebakalinga kucite abeshikuboombulusha.

Shikushimikila 5:8

Na waboona muntu mupenshi kaalyatililwa mucishi akumulita masuku pamutwi mushintu shoonse, utakankamani. Ceebo wacinenenene womwi uleendeleshekwa kuumwi umwiindaawo alimwi boonse bobilo aba kuli bacinenenene babeendelesha.

Amosi 4:1

Amukutike maswi aya mwebo nobanakashi bekala muSamaliya, ee, mwebo nomutokwiinabo anga nimpwishi sha kuBashani. Amukutike mwebo nomupensha bakandu akulyatilila bantu bataaku mbobabete. Amukutike mwebo nomwishi kunokwaambilabo bameebaanu ayi, “Amutuletelewo twakunwa tutontoshewo panshingo!”

Dutolonomi 26:7

Kuswawaawo twakalilila Mwaami Lesa, Lesa wa bamashali besu bakulukulu ayi atucafweeko. Lyalo wakanyumfwa kulila kwesu akubona mbuli mbotwakalinga kupenshekwa, kupekwa milimo iyumu alimwi ambotwakalinga kuungumana abuumbi.

1 Samwelo 9:16

“Paciindi ceenka ici ciilo ndaakutuma musankwa kuswa mumukowa wakwe Benjameni. Ukamunanike mafuta a bwaami kwaamba ayi akeendeleshe bantu bangu bene Isilaeli. Ulaakubafuna kuswa kubene Filisiti. Bantu bangu ndababona mbobapenga alimwi ndanyuumfwa kulila kwabo.”