Kulonga 3:1 - Baibo Busansulushi Bwa Libuku Ili

¹ Bumwi bushiku, Mose wakalinga kweembela mbelele ampongo sha mupongoshi wakwe musankwa wiitwa ayi Jetulo, uyo wakalinga mupailishi wa kuMidyani. Mpeeke wakalansha litanga lya mbelele alimwi ampongo muluyanga tibili washika kuKalundu kasalalite kakwe Lesa ka Olebu.

Kulonga 3:1 Iomraidhean Croise

1 Baami 19:19

Elija wakaya wacana Elisha mwanaakwe Shafati kaalima aŋombe. Kwakalinga shipani likumi acomwi panembo lyakwe. Lakwe wakalinga kulima acipani cakweelaako. Elija wakafuula cakufwala cakwe ca peculu akufwalika Elisha.

1 Baami 19:8

Elija wakabuka walya akunwa. Lyalo cakulya cakamupa nkusu shakweenda nshiku makumi one kuya mukushika kuSinayi kalundu kasalalite.

Kulumbaisha 106:19

KuOlebu bakabumba mucende mwaana, bakalambila cibumbwabumbwa cakabumbwa kugolodi.

Kulonga 17:6

Nebo ntokwiimikana kunembo lyako kumwaandami wa kuKalundu ka Sinayi. Uume nkoli yako mumwaandami uyo, lyalo maanshi atooswa muli nguwo kwaamba ayi bantu banwe.” Aboobo Mose wakacita mbomunya ubo pameenso a bamatanjilili ba bene Isilaeli.

Kulonga 18:12

Lyalo Jetulo wakaleta mulambu wakutenta amilambubo imwi akubenga kuli Lesa. Mpomunyaawo Aloni alimwi abamatanjilili boonse bene Isilaeli bakayaakwe mukulya nyama iyo yakapekwa kuli Lesa ayi bamulambile.

Kulonga 19:11

akulibambila isona. Ceebo ubo bushiku ndaakwisa pakalundu ka Sinayi kwaamba ayi bantu boonse bakamboone.

Kulonga 19:2

Ndibakaswa kuLefidimu, bene Isilaeli bakashika muluyanga lwa Sinayi umo mobakayaka misumba pafwaafwi aKalundu ka Sinayi.

Kulonga 19:3

Mpeeke Mose wakatanta pakalundu ayi akakumane aLesa. Pakalundu peenka apo Mwaami Lesa wakeeta Mose akumwaambila ayi akalwiite bene Isilaeli abo bamulunyungu lwakwe Jakobo ayi,

Kulonga 2:16

Lyalo banakashi bosanwe abobilo bana bakwe Jetulo mupailishi wa kuMidyani, bakaya kumukalo uyo mukuteka maanshi ayi besushe mankubala kwaamba ayi mbelele alimwi ampongo sha baishiwabo shinwe.

Kulonga 2:18

Ndibakaboola kuli ishiwabo, wakabeepusha ayi, “Ino mwafwambaana buyani kuboola sunu?”

Kulonga 2:21

Mpeeke Mose wakasumina kwikalaabo. Lyalo Jetulo wakamupa Sipola mwanaakwe ayi eebe.

Kulonga 24:13

Mpomunyaawo Mose alimwi aJoshuwa shikumucafwa, bakalibambila. Lyalo bakatalika kutanta kalundu kakwe Lesa.

Kulonga 3:12

Mpeeke Lesa wakamukumbula ayi, “Nebo ndaakunooli awebo, alimwi andyeshi ukanoobakusha mucishi ca Ijipiti, mulaakunambilila pakalundu aka. Ici cilaakuba cishibilo cakwaamba ayi ndime ndakutuma.”

Kulonga 3:5

Lesa wakamwaambila ayi, “Imikana peenkaapo. Fuula nkwabilo shako mukwiinga pamusena apo mpooimfwi palisalalite.

Kulonga 33:6

Aboobo ndibakaswa paKalundu ka Sinayi, bene Isilaeli bakacileka kufwala shakulibotesha shabo.

Kulonga 4:18

Kuswawaawo Mose wakaboola kuli Jetulo mupongoshi wakwe musankwa, akumwaambila ayi, “Ndamukombelela ayi munsuminishe kuboolela kucishi ca Ijipiti mukubona bamakwesu na bacili boomi.” Jetulo wakasumina, akumulasha ayi eendebo kabotu.

Kulonga 4:27

Paciindi ici, Mwaami Lesa wakalinga waambila Aloni ayi, “Koya muluyanga ucinshe Mose.” Mpeeke wakaya mukumukumanishisha pakalundu kasalalite. Ndyaakamukumanya, wakamufyonta mukumwaansha.

Amosi 1:1

Aya ngomaswi akaamba Amosi mweembeshi wakaswa kundabala ya Tekowa. Myaaka yobilo citentanshi kacitana kucitika, Usiya kaali mwaami wa bene Juda alakwe Jeloboamu mwanaakwe Jeoyashi kaali mwaami wa bene Isilaeli, pabene Isilaeli Lesa wakayubulula makani aya kuli Amosi.

Malaki 4:4

“Amwiingashile kwiisha kwa musebenshi wangu Mose, milasho amilawo iyo njendakamupa pakalundu ka Sinayi kwaamba ayi bene Isilaeli banookonkela.

Shakubelenga 10:29

Mpomunyaawo Mose wakaambila Obabu mwanaakwe Luwelo mwine Midyani mupongoshi wakwe ayi, “Tuli pafwaafwi kuya kumusena uyo Mwaami Lesa ngweshi akatupe. Wakalasha kubilisha bene Isilaeli, anu kosa tuye soonse, alimwi tulaakubilila pantu pomwi awebo.”

Shakubelenga 10:33

Ono bantu ndibakaswa kuSinayi, kalundu kasalalite, bakeenda nshiku shotatwe. Libokoshi lya Cipangano lya Mwaami Lesa lyoonse lyakalinga kunembo lyabo kuya cibayandweeta musena wakuyakilaawo.

Luka 2:8

Kulya kweenka kucishi kwakalinga beembeshi bakalinga kulindilila mbelele shabo mashiku.

Milimo ya Batumwi 7:30

“Ono ndipakeenda myaaka makumi one, munjelo wakaboneka kuli Mose mucikupu cakalinga kunyaka muluyanga, pafwaafwi aKalundu ka Sinayi.

Dutolonomi 1:2

Mushinso uli kuswa kuSinayi kushika kuKadeshi Baniya kwiinda ya Kalundu ka Siya, wakalinga kutola nshiku likumi abomwi.

Dutolonomi 1:6

“Nditwakalinga paKalundu ka Sinayi Mwaami Lesa, Lesa wesu wakatulwiita ayi, ‘Ono mbubo mwekalisha pakalundu aka.

Dutolonomi 4:10

shabushiku ndimwakeemikana kunembo lya Mwaami Lesa, Lesa wanu paKalundu ka Sinayi palya ndyaakaambila ndime ayi, ‘Bunganya bantu abo. Ndisuni ayi banyumfwe mbweshi ŋambe kwaamba ayi beeye kunyumfwila kulilabo kabacili boomi alimwi ayi bakeeishe abana babo kucita bweenka ubo.’

Boomboloshi 4:11

Muciindi ico Eba mwine Keni wakashiya bene Keninyina bamulunyungu lwakwe Obabu mulamu wakwe Mose. Wakaya mukuyaka misumba yakwe kufwaafwi aKedeshi pafwaafwi amubanga wa kuSananimu.

1 Samwelo 16:11

Mpeeke wakeepusha Jese ayi, “Sa mbobana bako basankwa beenka aba?” Jese wakakumbula ayi, “Nkwaali mwanike paboonse, ono uli muluundu utokweembela mbelele.” Samwelo wakamwaambila ayi, “Tumaako muntu akamwiite. Teshi tubenge mulambu kushikila ese.”