Kulonga 13:15 - Baibo Busansulushi Bwa Libuku Ili

¹⁵ Mwaami Falawo wa muIjipiti ndyaakaba shicimpamya akutukasha kuswaamo, Mwaami Lesa wakacaya baana basankwa bakwiiya boonse mucishi ca Ijipiti, ba bantu alimwi aba shifubwa shoonse. Anu nceceeco ncetupeta mulambu wa shifubwa shisankwa shakwiiya kuMwaami Lesa akulubula bana besu basankwa bakwiiya.

Kulonga 13:15 Iomraidhean Croise

Kulumbaisha 105:36

Mwaami Lesa wakacaya baana babo basankwa bakwiiya boonse. Ee, bakacaya baana basankwa bataanshi boonse mucishi cabo.

Kulonga 12:29

Ono pakati kamashiku, Mwaami Lesa wakacaya baana basankwa bakwiiya boonse mucishi ca Ijipiti, kutalikila kumwanaamwaami musankwa, wakalinga njempyani ya bwaami kushikila akumwanaakaili musankwa wakalinga muntolongo. Wakacaya abaana basankwa bakwiiya ba banyama boonse.

Kulonga 3:19

Ndishi kwaamba ayi mwaami wa mucishi ca Ijipiti teshi akamusuminisheewo na nkabule kumukakatisha.

Kulonga 34:20

Sombi mulyeelete kulubula mwanaambongolo wakwiiya kwiinda mukubengelawo mwanaambelele pamusena wa njiyo. Na mwabula kumulubula, mulyeelete kumutyola nshingo. Bana banu basankwa bakwiiya boonse mukanoobalubula. “Taaku muntu weelete kwisa kuli ndime kaatacite mulambu.

Kulonga 4:23

Ndakakulwiita ayi uleke mwanaangu musankwa aye kwaamba ayi akanambile, sombi webo wakakaka. Ono bulya ntoocaya mwanaako musankwa wakwiiya.’ ”

Shakubelenga 18:15

“Woonse mwaana wakwiiya wa muntu nabi wa munyama uyo wabengwa kuli ndime neMwaami Lesa, ngwanu. Sombi baana bakwiiya boonse ba bantu alimwi abanyama bakwiiya boonse batasalalite kweelana aMilawo balyeelete kunoolubulwa.

Shakubelenga 3:46

Ceebo cakwaamba ayi baana basankwa bakwiiya ba bene Isilaeli bakeendaawo ba bene Lefi abaana bali 273, mulyeelete kulubula baabo beshi bakasotokeewo.