Kulonga 1:21 - Baibo Busansulushi Bwa Libuku Ili

²¹ Ono mukwiinga banakashi abo bakalinga kuloonda Lesa, wakabapa baana baanji.

Kulonga 1:21 Iomraidhean Croise

1 Baami 11:38

Na ukanoonyumfwila camoyo woonse akukonkela milawo yangu alimwi akunsangalasha mukucita kweelana amilasho yangu bweenka bwaakacita Defedi musebenshi wangu, ndaakuba awebo kwalyoonse. Ndaakukupa bwaami bwa bene Isilaeli akulengesha bamulunyungu lwako kupyana bwaami bwako bweenka mbondakacita pali Defedi.

1 Baami 2:24

Mwaami Lesa wakambika pabwaami bwa bata baDefedi akushomesha kupa bwaami ubo kubamulunyungu lwangu. Ono kweelana ambocibete lushinisho kwaamba ayi Mwaami Lesa ngumuumi, ntooshomesha cakulumbila ayi Adonija utoocaikwa sunu lyeenka!”

Kulumbaisha 112:1

Amulumbaishe Mwaami Lesa! Ulicite coolwe muntu uloonda Mwaami Lesa, muntu usangalala mukulama milawo yakwe.

Kulumbaisha 127:1

Na Mwaami Lesa wabula kuyaka ŋanda, ngayi bayaki basebenselabo kapongo kafwite. Na Mwaami Lesa wabula kulindilila ndabala, ngayi beshikulindilila balipenshabo akutoona.

Kulumbaisha 127:3

Baana ncipo kuswa kuMwaami Lesa, ncakwiila ncilambu ncaatupa.

Kulumbaisha 37:3

Cinka manungo muMwaami Lesa akucita shibotu. Lyalo ulaakukonsha kwikala mucishi ici kakutaaku cakulisukama.

Kulonga 1:17

Sombi beshikutumbusha abo bakalinga kuloonda Lesa. Aboobo tabakwe kukonkela maswi akaamba mwaami wa Ijipiti, sombi bakalinga kuleka baana basankwa ayi bakule.

Tushimpi 24:3

Ŋanda ilayakwa ceebo ca busongo. Ilayuma kwiinda mumaano akunyumfwisha shintu.

Shikushimikila 8:12

Mucita shibi inga wacita milandu ili mwaanda akwikala buumi bulaamfu, nabi bamwi balaamba ayi, “Na muntu walemeka Lesa, shintu shoonse shilaakumweendela kabotu.

Jelemiya 35:2

“Koya kumukowa wa bene Lekabu ukabataambe ayi bakese kucipinda cimwi ca kulubasu lwa Ŋanda yangu. Lyalo ukabape waini ayi bakanwe.”

1 Samwelo 2:35

Ndaakusala mupailishi weshi akanooshomeka akucita shoonse nsheensuni ayi acite. Ndaakumupa bamulunyungu lwakwe abo beshi bakanoosebensabo pameenso a mwaami ngweshi nkasaale.

1 Samwelo 25:28

Ndaseenga mundekelele cilubo ncindacita nemusebenshi wanu. Ncakwiila Mwaami Lesa ulaakulengesha bwaami kuba pali ndimwe abamulunyungu lwanu mukwiinga mutoolwana nkondo sha Mwaami Lesa. Aboobo akubule kubisha kwishi kucanike muli ndimwe kulilabo kamucili boomi