Joshuwa 8:1 - Baibo Busansulushi Bwa Libuku Ili

¹ Mpeeke Mwaami Lesa wakaambila Joshuwa ayi, “Utaloondi nabi kutyongola. Bwesa bashilumamba boonse akuya mukulwana ndabala inene ya Ai. Mukwiinga mwaami wa muAi abantu bakwe ndababika mumaansaanu pantu pomwi andabala yakwe inene alimwi acishi cakwe coonse.

Joshuwa 8:1 Iomraidhean Croise

Kulumbaisha 27:1

Mwaami Lesa ngomumuni alimwi ngoompulusha, taaku muntu nabi womwi ngoonoonda. Mwaami Lesa ndyelilinga lya buumi bwangu, taaku muntu nabi womwi ngoonoonda,

Kulumbaisha 44:3

Bantu banu tabakwe kukoma bamucishi ico kwiinda mumipeeni yabo, sobwe. Ncakwiila teshi nkusu shabo shakalengesha ayi bakome. Sombi nkwiinda munkusu sha lyaansa lyanu lyalulyo abulemu bwanu butowa. Mwakacita boobo mukwiinga mwakalinga kubasuni.

Kulumbaisha 46:11

Mwaami Lesa Shinkusu shoonse uli aswebo. Ncakwiila Lesa wakwe Jakobo nceciyubilo cesu.

Isaya 12:2

Ncakwiila noBaami baLesa ndimwe bapulushi bangu. Nanooncinkite manungo muli ndimwe, lyalo teshi nkaloondeewo. NoBaami baLesa ndimwe mumpa nkusu abulemu, alimwi ndimwe lwiimbo lwangu. Ee, noBaami baLesa mwaba bapulushi bangu.”

Isaya 43:2

Mwaakwiinda mumaanshi alaamfu a mapensho, nebo ndaakunooli amwebo. Mwaakwiinda mumilonga ya mapensho teshi mukatolwe kumukuuku wa njiyo. Mwaakwiinda mumapensho ali anga ngumulilo, teshi mukapyeewo mumapensho ayo, sobwe. Teshi mukapyeewo nabi akanooli akali buyani.

Jelemiya 46:27

“Mutaloondi nobamulunyungu lwakwe Jakobo, bantu bangu. Mutabi aboowa nobene Isilaeli. Ndushinisho ndaakumupulusha kuswa kucishi cakulaamfu, ee, bamulunyungu lwanu kuswa mucishi ca busha. Balaakucana luumuno akutabililwa cakwaamba ayi taakuuwo nabi womwi weshi akabaloondeshewo tubili.

Jelemiya 49:3

“Amoolome, mwebo nobene Eshiboni ceebo ndabala yanu ya Ai yanyonyoolwa. Amwebo nomwikala mucishi ca Laba amufwale masaka mulile cabuumba. Amucice cakupilingana mumalinga anu ceebo lesa wanu Moleki ulaakutolwa mubusha pantu pomwi abapailishi alimwi abacinenenene bakwe.

Danyelo 2:21

Ulasandula nshiku ashiindi sha mumwaaka. Ulabika bantu pabwaami alimwi akubakushaawo. Ulapa busongo amaano akunyumfwisha shintu.

Danyelo 4:25

Mulaakutandaanishikwa kuswa pakati ka bantu akuya mukwikala abanyama bamuluundu. Mulaakunoolya bwiisu anga niŋombe alimwi mume kuswa kwiculu ulaakunoomutontosha. Cilaakuba boobo kushikila myaaka yosanwe amyaaka yobilo ikeende. Kuswawaawo ndyeshi mukasumine ayi Mwaami Lesa wa kwiculu Wiindaawo ngomwaami pamalelo a bantu alimwi ngooapa kubantu abo mbwaasuni.

Danyelo 4:35

Kuli nguwe bantu boonse ba mucishi balabonekabo anga taaku mbobabete. Lakwe uleendelesha baanjelo ba kwiculu pantu pomwi abantu ba mucishi ca panshi. Taaku muntu weenga wamukasha kucita cintu, nabi kumwiipusha ayi, ‘Wacitilanshi bobulya?’

Mateyo 8:26

Jesu wakabaambila ayi, “Anu mutooloondanshi? Kuceya lushomo ndomucite mwebo nobantu!” Mpomunyaawo wakabuka akukalalila cipuupu amaaba ayi shuumune. Mpeeke kwakaboolabo tontolo.

Dutolonomi 1:21

Amubone aneeci. Kamuya mwikaleemo kweelana abwakaamba Mwaami Lesa, Lesa wa bamashali banu bakulukulu, mutaloondi nabi kutonsha.’

Dutolonomi 31:8

Mwaami Lesa mwiine ngweshi anookutanjilila alimwi unanooli awebo. Teshi akakushiyeewo nabi kukusuula. Aboobo tooelete kuloonda nabi kutyongola.”

Dutolonomi 7:18

Kutabaloonda. Amwiibaluke Mwaami Lesa, Lesa wanu mbwaakacita kuli Falawo, mwaami wa Ijipiti abantu bakwe boonse.

Dutolonomi 7:21

Aboobo mutabaloondi, Mwaami Lesa, Lesa wanu uli amwebo. NguLesa wiindaawo alimwi weelete kuloondwa.

Joshuwa 1:9

Kutalubaako ayi ndakulwiita ayi ulyeelete kuyuma akulishoma. Utakaloondi nabi kutyongola, ceebo nebo neMwaami Lesa, Lesa wako ndanooli awebo kuli koonse nkweshi ukaye.”

Joshuwa 10:7

Paceebo ceeci Joshuwa wakanyamuka kuswa kuGilugala abashilumamba bakwe boonse, kutashiyaawo baabo bacishi kabotu kulwana.

Joshuwa 10:8

Mpomunyaawo Mwaami Lesa wakaambila Joshuwa ayi, “Utaloondi bantu aba mukwiinga nebo ndabaaba kale mumaansaako. Taaku nabi womwi eshi acikoonshe kukukoma.”

Joshuwa 2:24

Bakaambila Joshuwa ayi, “Ncalushinisho Mwaami Lesa watupa cishi coonse. Bantu boonse kulya baliloondete abuumbi ceebo ca ndiswe.”

Joshuwa 6:2

Mpeeke Mwaami Lesa wakaambila Joshuwa ayi, “Nyumfwa, ntokwaaba ndabala ya Jeliko pantu pomwi amwaami wa njiyo alimwi abashilumamba ba njiyo mumaansaako.

Joshuwa 7:9

Bene Kenani alimwi abantu bamwi boonse mucishi cino balaakunyumfwa cikani ici akwisa mukutushinguluka alimwi akutunyonyoola soonse. Ono mwebo mulaakucita buyani ayi liina lyanu likanoocilemekwa?”