Joshuwa 7:6 - Baibo Busansulushi Bwa Libuku Ili

⁶ Lyalo Joshuwa abamaloba ba bene Isilaeli bakakwamoona shakufwala shabo mubuumba, kuliwaala panshi kunembo lya Libokoshi lya Cipangano ca Mwaami Lesa akunooletebo peenka apo kushikila macolesha. Mpeeke bakalitukweeta alusuko pamitwi yabo.

Joshuwa 7:6 Iomraidhean Croise

Matalikilo 37:29

Lubeni ndyaakaboola pamukalo uyo akucana Josefu taamo, wakakwamoona shakufwala shakwe mubuumba.

Matalikilo 37:34

Jakobo wakakwamoona shakufwala mubuumba akufwala masaka. Wakamulila mwanaakwe kwa ciindi cilaamfu.

2 Samwelo 1:11

Mpomunyaawo Defedi abashilumamba bakwe boonse bakakwamoona shakufwala shabo kubuumba.

2 Samwelo 1:12

Bakalila cakooloma akulikasha kulya kushikila macolesha ceebo ca lufu lwakwe Saulo aJonasani mwanaakwe alimwi alikoto lya bashilumamba ba Mwaami Lesa pantu pomwi amushobo wa bene Isilaeli. Bakacita boobo mukwiinga baanji bakacaikwa kunkondo.

2 Samwelo 1:2

Ingayi bwatatu musankwa wakapola kuswa kumisumba yakwe Saulo, kaafwete shakufwala shikwamookite alimwi abulongo mumutwi. Ndyaakashika kuli Defedi wakafukama cakushisha ciwa panshi mukumupa bulemu.

2 Samwelo 12:16

Defedi wakakombelela kuli Lesa ayi mwaana uyo abe kabotu. Wakalikasha kulya alimwi lyoonse mashiku wakalinga kunjila muŋanda yakwe akoona panshibo.

2 Samwelo 13:19

Lyalo Tama wakalibika milota mumutwi akukwamuna cakufwala ico ncaakalinga kufwete. Mpeeke wakalikumbata kumutwi akuya cilila cakooloma nshila yoonse.

2 Samwelo 13:31

Mpeeke mwaami Defedi wakanyamuka, wakwamoona shakufwala shakwe akuliwaala panshi. Abalo basebenshi bakwe mbwaakalingaabo bakakwamoona shakufwala shabo.

2 Baami 22:11

Mpomunyaawo mwaami ndyaakanyumfwa maswi a muLibuku lya Milawo ilyo, wakakwamoona shakufwala shakwe mubuumba.

2 Makani 34:19

Mpomunyaawo mwaami ndyaakanyumfwa maswi a muLibuku lya Milawo ilyo, wakakwamoona shakufwala shakwe mubuumba.

Esila 10:1

Ono Esila ndyaakalinga kupaila akulyaambilila shibiibi, kaalila akuliwaala panshi kunembo lya Ŋanda yakwe Lesa, likoto linene lya bene Isilaeli, nkokwaamba ayi basankwa, banakashi alimwi abanike bakabungana kumushinguluka. Abalo bakalila abuumbi.

Neyemiya 9:1

Pabushiku bwamakumi obilo anshiiku shone mumweenshi weenka uyo, bene Isilaeli bakabungana akulikasha kulya, kabafwete masaka akulibika lusuko pamitwi kutondesha buumba.

Esita 4:1

Ono Modekayi ndyaakanyumfwa shoonse shakacitwa, wakakwamoona shakufwala shakwe ceebo ca buumba, wafwala masaka, wanana milota akwiinda mundabala ya Susa kaalila cakooloma alimwi cakucisa moyo abuumbi.

Esita 4:3

Anu kushipansha shoonse sha cishi uko kwakashika mulawo wa mwaami uyo, kwakaba kuungumana kunene pakati ka baJuda. Bakalikasha kulya, kulila buumpute akooloma alimwi baanji bakafwala masaka akoona mumilota.

Jobo 1:20

Mpomunyaawo Jobo wakanyamuka akukwamoona shakufwala shakwe ceebo ca buumba. Mpeeke wakalikulula misusu, waliwaala panshi mukulambila akupaila ayi,

Jobo 2:12

Kabacili palaale bakabona Jobo, sombi tabakwe kumwishibaawo. Ono ndibakamwishiba bakatalika kulila cakooloma, bakakwamoona shakufwala shabo ceebo ca buumba akulitukweeta bulongo kumitwi.

Jobo 42:6

Aboobo ndicite nsoni abuumbi pamakani ngondakaamba, Ndasanduka kuswa kushibiibi shangu akwalabangana mulusuko amumilota.”

Malilo 2:10

Bamaloba ba muSiyoni balishiitebo panshi cakutaamba. Balitukweeta alusuko pamitwi yabo akufwala masaka. Bamyooye ba muJelusalemu bakotamina panshi.

Shakubelenga 14:6

Mpomunyaawo Joshuwa mwanaakwe Nani alimwi aKalebu mwanaakwe Jefune, bobilo pabaabo basenseshi bakakwamuna shakufwala shabo mubuumba,

Shakubelenga 16:22

Sombi Mose aAloni bakafukama cakushisha shiwa shabo panshi akwaamba ayi, “NobaLesa, ndimwe matalikilo abuumi boonse. Ono na muntu womwi wabisha, sa inga mwakalalila bantu boonse?”

Shakubelenga 16:45

“Amusoonoke kwaamba ayi bantu aba mbanyonyoole peenka apa!” Ono boonse bobilo bakafukama cakushisha shiwa panshi.

Milimo ya Batumwi 14:14

Sombi Banabasi aPaulo ndibakanyumfwa ncebakalinga kusuni kucita, bakakwamuna shakufwala shabo akucicila pakati ka bantu abo kaboolobesha ayi,

Joshuwa 7:7

Kuswawaawo Joshuwa wakaamba ayi, “NoBaami baLesa beshinkusu shoonse! Nciinshi ncemwakatusubushisha Mulonga wa Joodani? Ceebonshi mwatwaaba mumaansa a bene Amoli ayi batunyonyoole? Naakwiinga mwakatulekabo katushiite kwitala lya Joodani!

Ciyubululo 18:19

Mpeeke bantu aba bakalitukwita lusuko mumitwi, bakalila akuungumana abuumbi. Bakalinga kwaamba ayi, “Mapensho, mapensho kundabala inene iyi! Njendabala inene umo bantu boonse abo bacite maato anene palweenge mobakabilila. Ono muawala yomwi iyi banyonyookelwa shintu shoonse!”

Boomboloshi 11:35

Ono ndyaakamubona, wakakwamoona cakufwala cakwe akulila ayi, “Maawe omwanaangu wampeensha ceebo ndakashomesha cakulumbila kuMwaami Lesa, ono inga nshikoonshi kuleka kucita ncendakashomesha.”

Boomboloshi 20:26

Mpomunyaawo bene Isilaeli boonse, nkokwaamba ayi bashilumamba boonse bakaboolela kuBetelo alimwi kuya mukulilila Mwaami Lesa. Bushiku ubo bakalikasha kulya kushikila macolesha. Bakabenga milambu yakutenta aya bwanabwankashi.

Boomboloshi 21:2

Mpeeke bene Isilaeli bakaboolela kuBetelo akwikala kunembo lya Mwaami Lesa kushika macolesha kabalila cakooloma alimwi cabuumba bunene.

1 Samwelo 4:12

Mpomunyaawo umwi musankwa wa mumukowa wakwe Benjameni wakacica kuswa kumusena wakulwaninaawo kuya kuShilo cakushika bushiku bomwi. Wakakwamoona shakufwala shakwe akulibika bulongo pamutwi kutondesha buumba bwakwe.