Joshuwa 7:5 - Baibo Busansulushi Bwa Libuku Ili

⁵ Bene Ai bakatandaanya bene Isilaeli kuswa paminjililo ya ndabala inene iyo akubashisha pamusena wakalinga kukabwa mabwe. Bakacaikwa kunkunamo ya kalundu, bakakumana mpashi 36. Mpeeke bene Isilaeli ndibakabona boobo, mushiso mwakaboolabo tontolo kuboowa.

Joshuwa 7:5 Iomraidhean Croise

Kulumbaisha 22:14

Nkusu shangu shamana, shamanabo anga ngamaanshi apukwitwa panshi. Shifuwa shangu shilibo anga shaswaamo mumanungi. Awalo moyo wangu wababo anga mbukato bwasunguluka.

Kulumbaisha 58:7

Abashiminganebo anga ngamaanshi ainda kaaya mumulonga. Abakalyatoolwe akunyoŋwaatika anga mbwiisu bwalyatoolwa.

Isaya 13:7

Paceebo ceeco maansa oonse alaakuboolabo lempwete. Ncakwiila womwi awomwi ulaakunjilwa boowa.

Esekelo 21:7

Ono na bakwiipushe ayi, ‘Utootongelanshi?’ Ubakumbule ayi, ‘Ntootongela ceebo ca makani ayo eshi akese. Myoyo yabo boonse ilaakuswa kuboowa, maansaabo alaakubabo lempwete, balaakutyongola amumanungo abo moonse mulaakuboolabo tontolo.’ Makani ayo alaakucitika cancinencine. Nebo neMwaami Lesa Shinkusu shoonse ndaamba.”

Bene Lefi 26:36

“Ono mwebo nomushi mukanooli mushishi shimwi, ndaakumulengesha kuba boowa cakwaamba ayi kunyumfwabo litewu litooya cuululuka kumuuwo, mwebo nkucica. Mulaakucica anga mutootandaanishikwa munkondo akuliwita nabi taapu mulwani pafwaafwi amwebo.

Naamu 2:10

Ndabala ya Ninife yanyonyoolwa, yacaala cisuukila alimwi yaba matongo. Myoyo yamanamobo kuboowa amwalo mumanungo mwaboolabo tontolo ceebo nkusu shoonse shamana. Shiwa shoonse shaloka kuboowa.

Dutolonomi 1:44

Lyalo bene Amoli abo bakalinga kwikala mutulundu uto bakaswa anga ninsuki shiinji ayi bamulwaane. Bakamutandaanya kushika akuOma akumukoma mucishi ca tulundu ca Edomu.

Joshuwa 2:11

Nditwakanyumfwa shikani ishi, soonse twakaloonda abuumbi ceebo ca ndimwe. Ncakwiila Mwaami Lesa, Lesa wanu, nguLesa wa kwiculu alimwi apacishi ca panshi.

Joshuwa 2:9

akubaambila ayi, “Ndishi ayi Mwaami Lesa wakamupa cishi cino. Boonse bantu bekala mucishi cino baliloondete abuumbi ceebo ca ndimwe.

Joshuwa 5:1

Ono bamaami boonse bene Amoli kumbo lya Joodani, alimwi abamaami bene Kenani muloombe lwa Lweenge lwa Mediteleniyani bakanyumfwa ayi Mwaami Lesa wakayumya Mulonga wa Joodani kushikila bene Isilaeli boosubuka. Mpeeke boonse bakaloonda abuumbi ankusu shoonse shakulwana abene Isilaeli shakabula.