Joshuwa 7:21 - Baibo Busansulushi Bwa Libuku Ili

²¹ pashintu isho nshetwakabwesa, ndakabonawo cakufwala ca peculu cibotu abuumbi ca kuBabiloni, makilogilamu obilo a silifa alimwi acipimpita ca golodi cakalinga kulema musa wa kilogilamu. Ndakakumbwa shintu isho akushibwesa. Anu ndakashifukila mutente yangu, silifa njeili panshi peene.”

Joshuwa 7:21 Iomraidhean Croise

Matalikilo 10:10

Pakutaanguna buleelo bwakwe bwakalinga kusenkanya Babiloni, Eleki, alimwi aAkadi, shoonse shotatwe kashili muBabiloniya.

Matalikilo 3:6

Mwanakashi ndyaakabona cisamu ico mbocakalinga kuboneka kabotu, ashisepo mboshakalinga kuboneka kubota kulya, alimwi ndyaakayeeya ayi inga wacana busongo mukushilya, wakayapaako akulya. Mpeeke wakayapa shimwi akupaako ibaye, alakwe wakalya.

Matalikilo 34:27

Kucaya ndikwakamana, bana bakwe Jakobo bamwi basankwa bakacita cimfulunganya mundabala, mukuboosha cishole pamusebaanyo ngobakacita pali nankashi yabo.

Matalikilo 6:2

Ono bana bakwe Lesa basankwa bakabona ayi banakashi abo mbabotu. Aboobo bakeeba baabo mbobakasala.

2 Samwelo 11:2

Bumwi bushiku macolesha Defedi wakabuka pabulo bwakwe akuya ceendaana paciluli ca ŋanda yakwe ya bwaami. Ndyaakalinga waawo, wakabona mwanakashi kaasamba bulya. Mwanakashi uyo wakalinga mubotu abuumbi.

2 Baami 7:8

Basankwa bone abo ndibakashika kweela misumba bakaya benjila mutente yomwi. Mpeeke bakalya akunwa isho shakalingaamo. Lyalo bakanyamuna silifa, golodi alimwi ashakufwala isho nshebakacanaamo akuya mukushishisa. Mpomunyaawo bakaboola benjila mutente aimwi akubwesa shintu shimwi baya bashishisa ashalo.

Jobo 31:1

“Ndakapangana cipangano ameenso angu ayi teshi nkalangilishewo mwanakashi calunkumbwa.

Kulumbaisha 119:37

Amunkaashe kubika maano kushintu shitacite ncito. Amumpe buumi kweelana amaswi anu.

Kulonga 20:17

“Utakumbwi ŋanda ya shikamukobonyoko camunyono. Utakumbwi mukamwiine, musha wakwe musankwa nabi mwanakashi, ŋombe shakwe, mbongolo shakwe nabi shintu shakwe shimwi.”

Tushimpi 1:19

Aya ngomeelelesho a bantu boonse bakakatila kubilila mubwiipi. Ee, buboni bwa mushobo uyo bulakwempula buumi bwa babulangoola.

Tushimpi 23:31

Utanookusha moyo kubona waini nabi usalale buyani kabotu, nabi utoobila buyani munkomeshi, ee, nabi utookweleka kabotu panshingo.

Tushimpi 28:22

Muntu mwiinyu ulisunibo kubila cakufwambaana, sombi teeshi kwaamba ayi bukandu bulibo muliimfwa.

Tushimpi 4:23

Bunene bunene, ulame moyo wako ceebo nkokantupu ka buumi bwako.

Isaya 28:15

Mulalisumpula ayi, “Swebo twapaanga cipangano alufu, ncakwiila twasuminishanya amusena wa bafu. Nabi shiyoosha shatupolela, taaku nceenga shatucitaawo. Ceebo mububeshi momuli ciyubilo cesu, ee, mukubeca motuyubila.”

Isaya 29:15

Mapensho kuli baabo beelesha cankusu kushisa miyeeyo yabo kuswa kuMwaami Lesa. Ee, kubantu abo bacita milimo yabo mumunshinshe akuyeeya ayi, “Anu ngani weenga watubona? Anu ngani weenga weshiba?”

Abakuku 2:9

Mapensho kuli ndimwe nomubilisha bamumaandaanu munshila italuleme. Ee, mwebo nomweelesha kulengesha maandaanu kubula cakulisukama amapensho.

Luka 12:15

Lyalo Jesu wakaambila bantu abo ayi, “Amucenjele alimwi mulibaambe ayi mutabi bantu basunishi bubile. Ceebo buumi bwa muntu tabubete mukufula kwa buboni mbwaacite.”

Luka 12:2

Taaku cintu cifweketwe nceshi cikabule kufwekulwa, nabi cishisitwe ceshi cikabule kushibikwa.

Bene Efeso 5:3

Ceebo muli bana bakwe Lesa, bufuule, kucita shintu shitaluleme alimwi akukumbwa camunyono shintu sha bamwi bantu, tasheelete kwaambwa pakati kanu, sobwe.

Bene Efeso 5:5

Mulyeelete kwishiba cancinencine ayi taakuuwo mufuule, uyo ucita shitaluleme, nabi shikukumbwa camunyono shintu sha bamwi (mukwiinga lunkumbwa lwa munyono lulaba ngolesa wabo) weshi akatambuleko Bweene bwakwe Klistu alimwi aLesa.

Dutolonomi 7:25

Shibumbwabumbwa shabo mukashiteente. Tamweelete kukumbwa silifa agolodi ili pali nshisho alimwi tamweelete kwiibwesa. Na mukacite boobo cilaakumucaisha. Mukwiinga bantu balambila shibumbwabumbwa, balalensha bunya Mwaami Lesa, Lesa wanu.

Bene Kolose 3:5

Amucaye lunkumbwa loonse lwa mucishi ca panshi ulo luli muli ndimwe, mbuli bufuule, kucita shintu shitaluleme, lunkumbwa lubiibi, miyeeyo ibiibi alimwi abupambi. Mukwiinga kupamba akwalo kulikoshenye akulambila shibumbwabumbwa.

Bene Ebulu 13:5

Mutasunishi bunene maali, sombi mukondwe mushintu sheenka nshemucite. Ceebo Lesa wakaamba ayi, “Teshi nkamushiyeewo nabi kumulekelesha, sobwe.”

Jemusi 1:15

Ono lunkumbwa lwakwe na lwakula lulashala cibiibi alimwi cibiibi ici na cakula cilashala lufu.

Joshuwa 7:20

Akani wakakumbula ayi, “Ncakwiila. Nebo ndakabisha pameenso a Mwaami Lesa, Lesa wa bene Isilaeli. Ono ncendakacita nceeci:

Joshuwa 7:22

Mpomunyaawo Joshuwa wakatuma basankwa abo bakacica kuya kutente yakwe Akani. Uko bakashicana kashishisitwe mutente, silifa keeli panshi peene.

2 Pita 2:15

Bantu aba bakashiya nshila iluleme, basoweka akukonkela cakacita Balamu, mwanaakwe Bewoli, uyo wakalinga kusuni kucana maali kwiinda mukucita shibiibi.