Joshuwa 7:19 - Baibo Busansulushi Bwa Libuku Ili

¹⁹ Ono Joshuwa wakaambila Akani ayi, “Omwanaangu, amba calushinisho pameenso a Mwaami Lesa, Lesa wa bene Isilaeli, ulyaambilile omwiine ico ncewacita. Utacishisi kuli ndime.”

Joshuwa 7:19 Iomraidhean Croise

2 Baami 20:15

Isaya wakeepusha ayi, “Babonaawonshi muŋanda ya bwaami muno?” Esekiya wakakumbula ayi, “Shoonsebo bashibona. Taaku cintu nabi comwi mushipinda shangu shakusungilamo buboni nceentakwe kubabonesha.”

2 Makani 30:22

Esekiya wakaamba maswi akuyumyayumya bene Lefi boonse abo bakaboneka ayi balicite lushibo lwiindaawo lwa mulimo wabo kuMwaami Lesa. Kwanshiku shosanwe ashobilo bakalinga kulya shipansha shabo akubenga milambu ya bwanabwankashi alimwi akulumbaisha Mwaami Lesa, Lesa wa bamashali babo bakulukulu.

Kulumbaisha 32:5

Lyalo ndakasumina shibiibi shangu kuli ndimwe, alimwi nshikwe kushisa milandu yangu yoonse. Ndakaamba ayi, “Ntoolyaambilila shibiibi shangu kuli ndimwe noBaami baLesa,” ncakwiila mwakalekelela milandu yakubisha kwangu yoonse.

Kulumbaisha 51:3

Shilubo shangu shoonse ndishishi, ncakwiila kubisha kwangu ndakwiibaluka.

Tushimpi 28:13

Uyo ushisa shibiibi shakwe tabiiwo acoolwe, sombi uyo ulyaambilila shibiibi shakwe akushileka, ulaakulekelelwa.

Isaya 13:12

Ndaakulengesha bantu beshibakacaaleewo kutabonekaboneka kwiinda golodi wiine wiine. Ncakwiila kushupa kucana bweenka bushupa golodi wa kuOfili.

Jelemiya 13:16

Amulemeke Mwaami Lesa, Lesa wanu ndyaatana kuleta munshinshe ee, kamutana kutalika kulisuntula patulundu pataapu mumuni. Mwebo mutoolangila mumuni, sombi lakwe ulaakumuletela munshinshe ushiya mbi.

Danyelo 9:4

Ndakapaila kuMwaami Lesa, Lesa wangu akulyaambilila shibiibi sha bene misheesu ayi, “NoBaami baLesa, mulicite nkusu alimwi tulamulemeka. Mulashomeka kucipangano canu alimwi mulatondesha lusuno lwanu lutamaani kubaabo bamusuni alimwi banyumfwila milawo yanu.

Luka 17:18

Ceebonshi kwaboolabo muswamashi eenka mukulumba Lesa?”

Joni 9:24

Bakamwiita lwabili musankwa uyo wakashalwa kaali moofu akumwaambila ayi, “Lemeka Lesa, waambe calushinisho mukwiinga swebo tulishi kwaamba ayi muntu uyo wakakushilika ngumucita shibi.”

Bene Loma 10:10

Ceebo ulashoma amoyo wako kwaamba ayi ululamikwe alimwi ulalyaambilila amulomo wako kwaamba ayi upulushikwe.

2 Timoti 2:25

muntu ulibombya pakulwiita beshikumupikisha, mukwishiba kwaamba ayi mpashi Lesa inga wabapa ciindi cakusanduka kuswa kushibiibi shabo akwishiba shalushinisho.

Taitasi 2:2

Koambila basankwa bamanene ayi babe beshikucata myoyo, bacite kalango, balitibuka alimwi baluleme mulushomo lwabo, mulusuno alimwi amukutolelela.

Jemusi 1:20

Ceebo bukali bwa muntu tabukoonshi kuleta shiluleme isho nshaasuni Lesa, sobwe.

Joshuwa 7:20

Akani wakakumbula ayi, “Ncakwiila. Nebo ndakabisha pameenso a Mwaami Lesa, Lesa wa bene Isilaeli. Ono ncendakacita nceeci:

Ciyubululo 16:9

Aboobo kulungula kwakabatenta abuumbi. Mpeeke bakacobola Lesa ucite nkusu shakuleta myaalu ili bobulya. Nakubi boobo tabakwe kusanduka kuswa kushibiibi shabo kwaamba ayi bamulumbaishe.

1 Samwelo 14:43

Mpomunyaawo Saulo wakaambila Jonasani ayi, “Ndwiite ncewacita.” Jonasani wakakumbula ayi, “Ndalyaawo tubuuci tuniini kukakoli kangu. Aamfwebo, nebo ndilibambite.”

1 Samwelo 6:5

Mulyeelete kupanga shili anga nshuute sha golodi ashili anga mbakoswe isho shitoonyonyoola cishi canu. Alimwi mulyeelete akulemeka Lesa wa bene Isilaeli. Mpashi inga wacileka kutondesha bukali kuli ndimwe, balesa banu alimwi acishi canu.