Joshuwa 7:11 - Baibo Busansulushi Bwa Libuku Ili

¹¹ Bene Isilaeli bakabisha. Bapwaya cipangano ncendakapanga ambabo akubalwiita ayi bacilaame. Bakabwesa shintu shimwi shakalinga kweelete kunyonyoolwa. Aboobo bakeepa, bakabeca, alimwi bakashisa shintu isho pashintu shabo.

Joshuwa 7:11 Iomraidhean Croise

2 Baami 18:12

Ndabala ya Samaliya yakakomwa mukwiinga bene Isilaeli bakabisha kuMwaami Lesa, Lesa wabo, sombi bakapwaya cipangano ncaakapanga ambabo akukaka milawo yoonse yakabapa Mose, musebenshi wa Mwaami Lesa. Tabakwe kumukutika nabi kumunyumfwila.

2 Baami 5:24

Ndibakashika kukalundu kwakalinga kwikala Elisha, Geyasi wakabwesa masaka obilo ayo akwaatola muŋanda. Lyalo basebenshi bakwe Naamani wababooshaamo.

Isaya 24:5

Ceebo bantu bacilengesha kutanoosalalite kwiinda mukupwaya milawo yakwe Lesa. Ee, bakapwaya cipangano ico ncaakapanga ambabo kwaamba ayi cikanooliikobo kwalyoonse alyoonse.

Jelemiya 31:32

Teshi cikabe mbuli ceeco cakalinga pakati ka bamashali babo bakulukulu ciindi ndindakabatanjilila kuswa muIjipiti. Nakubi kwaamba ayi nebo ndakalinga mbuli ibaabo, balo tabakwe kulama cipangano ici, sobwe.

Osiya 6:7

Ono mwebo mwapwaya cipangano bweenka bwakapwaya Adamu.

Bene Lefi 5:15

“Na muntu umwi wabisha cakuteshiba kwiinda mukwaalilwa kulipila sheesho shisalalite kuli ndime neMwaami Lesa, ulyeelete kuleta mbelele isankwa itacite kampenda kali koonse kuli ndime neMwaami Lesa, ayi ngumulambu wakumana mulandu. Bubotu bwa njiyo bulyeelete kwishibwa kweelana acipimo cakasuminishikwa.

Abakuku 2:6

Kuswawaawo abo batolwa busha balaakuseka baabo babatola ayi, “Mapensho kuli ndimwe nomubwesa buboni buteshi bwaanu akulilengesha kubila kwiinda mukukakatisha bantu kulipila nkongole shakubabekesha. Ino ishi shilaakutola ciindi cilaamfu buyani?”

Sekaliya 5:4

Mwaami Lesa Shinkusu shoonse waamba ayi, ‘Ndaakutuma lishingo ilyo lyeshi likenjile muŋanda ya mwiipi woonse amuŋanda ya wooyo ushomesha cakulumbila cabubeshi muliina lyangu. Lilaakunooshiite mumaandaabo kushikila likaanyonyoole cakumaninina.’ ”

Mateyo 22:21

Abalo bakamukumbula ayi, “Nshakwe Sisa, muleli munene wa kuLoma.” Alakwe Jesu wakabaambila ayi, “Anu amupe muleli munene wa kuLoma shintu isho shaakwe, alakwe Lesa mumupe shintu shaakwe.”

Milimo ya Batumwi 5:9

Mpomunyaawo Pita wakamwaambila ayi, “Nceebonshi mwakapangana ayi mweeleshe Mushimu wa Mwaami? Bona, basankwa balinga mukufukila beebayo balibo pamulyango, ono awebo batookutola.”

Dutolonomi 17:2

“Ono twaambe ayi mwanyumfwa kwaamba ayi musankwa nabi mwanakashi umwi mundabala imwi pakati ka aayo Mwaami Lesa, Lesa wanu ngweshi akamupe, wabisha kuli nguwe akupwaya cipangano cakwe.

Bene Ebulu 4:13

Taaku cintu nabi comwi cishisitwe pameenso akwe Lesa, sombi shoonse shilengwa ulashibona bweenka mbuli mboshibete alimwi nkuli nguwe nkotweelete kusansulwita shoonse nshetwakacita.

Joshuwa 23:16

Na mukabule kulama cipangano ca Mwaami Lesa ico Mwaami Lesa mwiine ncaakamwaambila ayi mulame, akutalika kusebensela balesa bamwi akubalambila, Mwaami Lesa ulaakukalala akumupa mulandu, cakwaamba ayi mulaakumanamobo lyeeli mucishi cibotu cino ncaakamupa.”

Joshuwa 7:1

Nacibi boobo bene Isilaeli tabakwe kunyumfwila Mwaami Lesa ndyaakabaambila ayi tabeelete kubwesa cintu nabi comwi mundabala inene ya Jeliko ico ceelete kunyonyoolwa. Akani mwanaakwe Kami, mwishikulu wakwe Sabudi, mucipani cakwe Sela mumukowa wakwe Juda, wakabwesa shintu shimwi. Aboobo Mwaami Lesa wakakalalila bene Isilaeli.

Joshuwa 7:10

Mpomunyaawo Mwaami Lesa wakaambila Joshuwa ayi, “Nyamuka! Nciinshi ncewoonena bobulya panshi?

Boomboloshi 2:20

Mpeeke Mwaami Lesa wakakalalila bene Isilaeli akwaamba ayi, “Bantu aba bakaka kukonkela cipangano ncendakapa bamashali babo bakulukulu mukutanyumfwila.

1 Samwelo 14:38

Mpeeke Saulo wakaambila bamatanjilili ba bashilumamba ayi, “Amwisookuno tubone cibiibi cacitwa sunu.