Joshuwa 4:11 - Baibo Busansulushi Bwa Libuku Ili

¹¹ Bantu ndibakamanabo kusubuka, bapailishi abo bakalinga kuyumwite Libokoshi lya Cipangano lya Mwaami Lesa, bakasubuka abalo, bantu boonse kababwene.

Joshuwa 4:11 Iomraidhean Croise

Isaya 52:12

Sombi teshi mukasweemo cakwiingana nabi cakunoonyumfwite boowa ceebo Mwaami Lesa ngweshi akanooli kunembo lyanu. Mwaami Lesa eenka ngweshi akanoomutabilila kwisule.

Joshuwa 24:11

“ ‘Mpeeke mwakasubuka Mulonga wa Joodani akushika kuJeliko. Bene Jeliko bakamulwana, mbweeke bwakacita bene Amoli, bene Pelisi, bene Kenani, bene Iti, bene Gegashi, bene Ifi alimwi abene Jebusi. Nakubi boobo ndakabaaba mumaansaanu ayi mubakoome.

Joshuwa 3:17

Bapailishi bakalinga kuyumwite Libokoshi lya Cipangano lya Mwaami Lesa bakalinga kwiimfwi payumu pakati ka Mulonga wa Joodani, kushikila bene Isilaeli boonse basubuka payumu nta.

Joshuwa 3:8

Ulwiite bapailishi bayumwite Libokoshi lya Cipangano ayi na bashike kuMulonga wa Joodani, baye beemikane mumaanshi.”

Joshuwa 4:10

Bapailishi balo bakalinga kwiimfwibo pakati ka Mulonga wa Joodani kushikila shintu shoonse ndishakacitwa bweenka mbuli Mwaami Lesa mbwaakalwiita Joshuwa. Shakacitwa bweenka bwakaamba Mose kuli Joshuwa. Anu bantu bakafwambaana kusubuka.

Joshuwa 4:12

Ono basankwa ba mumukowa wakwe Lubeni, wakwe Gadi alimwi amusa wa mukowa wakwe Manase, kabalibambite kulwana, bakataanguna kusubuka akutanjila kunembo lya bantu boonse kweelana abwakabaambila Mose.

Joshuwa 4:18

Ingayi bapailishi bashikebo petala kabayumwite Libokoshi lya Cipangano ca Mwaami Lesa, maanshi akatalika kukunka muMulonga wa Joodani akwisula bweenka mbuli kataanshi.