Joshuwa 4:10 - Baibo Busansulushi Bwa Libuku Ili

¹⁰ Bapailishi balo bakalinga kwiimfwibo pakati ka Mulonga wa Joodani kushikila shintu shoonse ndishakacitwa bweenka mbuli Mwaami Lesa mbwaakalwiita Joshuwa. Shakacitwa bweenka bwakaamba Mose kuli Joshuwa. Anu bantu bakafwambaana kusubuka.

Joshuwa 4:10 Iomraidhean Croise

Kulumbaisha 119:60

Ndafwambaana kucita kweelana amilawo yanu, ncakwiila nshishingooki napaceyuubo.

Kulonga 12:39

Lyalo bakapanga cimaande ca fulaulo ngobakakusha muIjipiti. Bakatandwaamo calubilo muIjipiti, aboobo bakabula ciindi cakubamba cakulya nabi kukanda fulaulo ucite cimena.

Tushimpi 27:1

Mutalilumbaishi palwa ciilo, ceebo tamwishi ciilo mbweshi bukace.

Shikushimikila 9:10

Mulimo woonse wapolela mumaansaako, usebense cankusu mukwiinga mucuumbwe momutooya taaku kusebensa, kupanga miyeeyo, lushibo nabi busongo.

Isaya 28:16

Ono Mwaami Lesa Shinkusu shoonse waamba ayi, “Amubone ndabiika libwe muSiyoni, ncakwiila libwe liyumu abuumbi. Ndabiika libwe lya makwebo lya mulikonko lya ŋanda ayi libe lwiimbi lwiine lwiine. Muntu oonse weshi akashome muli ndilyo, teshi akalenshekwewo nsoni.

2 Bene Kolinto 6:2

Ceebo Lesa wakaamba ayi, “Muciindi ceelete kwaamba ayi mupe coolwe, ndakamunyumfwa. Bushiku bwakwaamba ayi nebo mupulushe, ndakamucafwa.” Amunyumfwe ono! Bulya nceciindi cakwaamba ayi Lesa ape bantu coolwe! Buno mbobushiku bwakupulushikwa!

Dutolonomi 31:9

Mpeeke Mose wakalemba Milawo yakwe Lesa akupa bene Lefi bapailishi abo bakalinga kulanga paLibokoshi lya Cipangano ca Mwaami Lesa, alimwi akupa bamatanjilili boonse ba bene Isilaeli.

Joshuwa 24:11

“ ‘Mpeeke mwakasubuka Mulonga wa Joodani akushika kuJeliko. Bene Jeliko bakamulwana, mbweeke bwakacita bene Amoli, bene Pelisi, bene Kenani, bene Iti, bene Gegashi, bene Ifi alimwi abene Jebusi. Nakubi boobo ndakabaaba mumaansaanu ayi mubakoome.

Joshuwa 3:13

Na bapailishi beshikunyamuna Libokoshi lya Cipangano ca Mwaami Lesa wa cishi ca panshi coonse balyate muMulonga wa Joodani, maanshi atoocileka kukunka. Mpeeke atoosa bukunka atoolundanabo lubasu lomwi.”

Joshuwa 4:11

Bantu ndibakamanabo kusubuka, bapailishi abo bakalinga kuyumwite Libokoshi lya Cipangano lya Mwaami Lesa, bakasubuka abalo, bantu boonse kababwene.

Joshuwa 4:9

Joshuwa alakwe wakabunganya mabwe ali likumi aobilo pakati ka Mulonga wa Joodani, apo pakalinga peemikana bapailishi bakalinga kuyumwite Libokoshi lya Cipangano. Mabwe ayo abobulya mpaacili.