Joshuwa 3:17 - Baibo Busansulushi Bwa Libuku Ili

¹⁷ Bapailishi bakalinga kuyumwite Libokoshi lya Cipangano lya Mwaami Lesa bakalinga kwiimfwi payumu pakati ka Mulonga wa Joodani, kushikila bene Isilaeli boonse basubuka payumu nta.

Joshuwa 3:17 Iomraidhean Croise

2 Baami 2:8

Mpomunyaawo Elija wakafuula cakufwala cakwe ca peculu, wacipomba akucuuma pamaanshi. Mpeeke maanshi akapansaana, lyalo lakwe aElisha bakasubuka payumu kuya kwitala.

Kulumbaisha 66:6

Wakaalula lweenge lwaba inshi iyumu. Bamashali besu bakulukulu bakasubuka mulonga amyeendobo. Paceebo ceeco tulasangalala abuumbi muli nguwe pacikani ico.

Kulonga 14:21

Mpeeke Mose wakatandabika lyaansa lyakwe palweenge, alakwe Mwaami Lesa wakapansaanya maanshi kwiinda mumuuwo wakapupa kuswa kwicwe. Muuwo uyo wakapupa mashiku oonse, lyalo palweenge pakaboolabo nta. Maanshi akapansaana.

Kulonga 14:22

Aboobo bene Isilaeli bakasubukabo payumu, maanshi akalinga kwiimfwibo kumbasu shoonse shobilo anga ndubumbu lwa ŋanda.

Kulonga 14:29

Sombi bene Isilaeli bakasubuka lweenge kabeenda payumubo nta, amaanshi kaaimikenebo mweela anga ndubumbu lwa ŋanda.

Isaya 25:8

Ncakwiila Mwaami Lesa, ee, Mwaami Lesa Shinkusu shoonse ulaakulobya lufu kwamuyayaya! Ulaakukunkumuna minsonshi mumeenso a muntu woonse akumukusha musebaanyo uyo bantu bakwe ngobakalingaawo mucishi. Mwaami Lesa waamba!

Shakubelenga 33:51

“Lwiita bene Isilaeli ayi, ‘Na musubuke Mulonga wa Joodani akwinjila mucishi ca Kenani,

Bene Ebulu 11:29

Ndushomo lwakalengesha ayi bene Isilaeli basubuke Lweenge Lusalala kabalyatabo payumu, anga temwakalinga maanshi. Sombi bene Ijipiti ndibakeelesha kusubuka, maanshi akabalobya boonse.

Joshuwa 4:1

Ono mushobo woonse ndiwakamana kusubuka Mulonga wa Joodani, Mwaami Lesa wakaambila Joshuwa ayi,

Joshuwa 4:10

Bapailishi balo bakalinga kwiimfwibo pakati ka Mulonga wa Joodani kushikila shintu shoonse ndishakacitwa bweenka mbuli Mwaami Lesa mbwaakalwiita Joshuwa. Shakacitwa bweenka bwakaamba Mose kuli Joshuwa. Anu bantu bakafwambaana kusubuka.

Joshuwa 4:11

Bantu ndibakamanabo kusubuka, bapailishi abo bakalinga kuyumwite Libokoshi lya Cipangano lya Mwaami Lesa, bakasubuka abalo, bantu boonse kababwene.

Joshuwa 4:22

mukanoobalwiita ayi, ‘Bene Isilaeli bakasubukila payumu nta muMulonga wa Joodani.’

Joshuwa 4:3

Ubalwiite ayi babwese mabwe likumi aobilo kuswa pakati ka Joodani, pamusena pakalinga kwiimfwi bapailishi, akwaatola kooko nkweshi muye muyake misumba.”

Joshuwa 5:1

Ono bamaami boonse bene Amoli kumbo lya Joodani, alimwi abamaami bene Kenani muloombe lwa Lweenge lwa Mediteleniyani bakanyumfwa ayi Mwaami Lesa wakayumya Mulonga wa Joodani kushikila bene Isilaeli boosubuka. Mpeeke boonse bakaloonda abuumbi ankusu shoonse shakulwana abene Isilaeli shakabula.