Joshuwa 24:26 - Baibo Busansulushi Bwa Libuku Ili

²⁶ Milawo iyo Joshuwa wakeelemba muLibuku lya Milawo yakwe Lesa. Mpeeke wakabwesa libwe linene akuliimika munshaacisamu ca mubanga pafwaafwi amusena usalalite wa Mwaami Lesa.

Joshuwa 24:26 Iomraidhean Croise

Matalikilo 31:45

Aboobo Jakobo wakabwesa libwe waliimika ayi cibe ciibalusho.

Matalikilo 35:4

Aboobo bakapa Jakobo balesa beensu boonse amasikiyo ngobakalinga kufwete. Mpeeke lakwe wakashifukila muunshi lya mubanga pafwaafwi andabala ya Shekemu.

Matalikilo 35:8

Ono musebenshi wakwe Labeka wiitwa ayi Debola, wakafwa alimwi bakamufukila muunshi lya mubanga kumalenge a Betelo. Aboobo bakautumba ayi, “Mubanga wakulila.”

Kulonga 24:4

Mpeeke Mose wakalemba milawo yoonse ya Mwaami Lesa. Ndibwakaca macuunsa, wakayaka cipaililo panshi lya kalundu akubikawo mabwe ali likumi aobilo ayo akalinga kwiimikanina mishobo ya bene Isilaeli ili makumi obilo ayobilo.

Boomboloshi 9:6

Lyalo bantu ba kuShekemu akuBeti Milo bakabungana pantu pomwi kucisamu ca mubanga pafwaafwi alibwe lilaamfu kuShekemu. Lyalo bakabika Abimeleki pabwaami.

1 Samwelo 7:12

Lyalo Samwelo wakabwesa libwe akulibika pakati ka ndabala ya Misipa aSheni. Libwe ilyo wakalitumba ayi Ebenesa akwaamba ayi, “Mwaami Lesa watucafwa mushinso woonse uyu.”