Joshuwa 23:3 - Baibo Busansulushi Bwa Libuku Ili

³ Mwebo nobeene mwakalibonena cakacita Mwaami Lesa, Lesa wanu kumishobo imwi yoonse ceebo ca ndimwe. Ncakwiila nguMwaami Lesa wakalinga kumulwaninaako.

Joshuwa 23:3 Iomraidhean Croise

Kulonga 14:14

Mwaami Lesa utoomulwaninaako, aboobo tamweelete kwaamba ayi mucite cintu nabi comwi.”

Kulonga 19:4

“Mwakabona nshendakacita nebo neMwaami Lesa kubene Ijipiti, alimwi ambuli mbondakamunyamuna bweenka mbuli mumbankwashi mbwaanyamuna bana bakwe pamapapaminwa akwe akumuleta kokuno kuli ndime.

Esekelo 20:28

Ndakabashisha mucishi ico ncendakashomesha cakulumbila ayi ndaakubapa. Ono ndibakabona tulundu tulaamfu ashisamu shicite matewu aanji, bakatalika kubenga milambu, kupa shipo isho shakasonkomona bukali bwangu, kupa tununkila kabotu akutila shipo sha cakunwa patulundu toonse ashisamu shoonse.’

Malaki 1:5

Anu ici mulaakucibona ameenso anu, akwaamba ayi, “Mwaami Lesa ulicite nkusu muIsilaeli alimwi akwiindilila!”

Dutolonomi 1:30

Mwaami Lesa, Lesa wanu utoomutanjilila alimwi utoomulwaninaako bweenka mbomwakabona kaacita muIjipiti

Dutolonomi 20:4

Mwaami Lesa, Lesa wanu utooya amwebo alimwi akulengesha ayi mubakoome.’

Dutolonomi 4:9

Amucenjele! Amushinishe ayi teshi mukaluube kulilabo kamucili boomi, isho nshemwakabona ameenso anu nobeene. Mukaambileeko bana banu abashikulu banu

Dutolonomi 7:17

“Ono cimwi ciindi inga mwaamba ayi bantu aba mbaanji kwiinda ndiswe alimwi tatubakoonshi kubatandaamo.

Dutolonomi 7:24

Ulaakwaaba bamaami babo mumaansa anu. Mulaakubacaya alimwi akulobya meenaabo. Taaku eshi akakonshe kumukoma. Ncakwiila mulaakubanyonyoola boonse.

Joshuwa 10:14

Kacitana kucitika ici nabi kuswa ndicakacitika, takuna kubawo kale bushiku bwa mbuli boobu, ubo Mwaami Lesa mbwaakanyumfwila muntu. Ndushinisho, Mwaami Lesa wakalinga kulwanina bene Isilaeli!

Joshuwa 10:42

Joshuwa wakabwesa bamaami aba alimwi ashishi shabo akubakoma muciindi comwi mukwiinga Mwaami Lesa, Lesa wa bene Isilaeli wakalinga kubalwaninaako.

Joshuwa 23:10

Womwibo ndondoli pakati kanu ulakonsha kutanda bantu bali cuulu mukwiinga nguMwaami Lesa, Lesa wanu umulwaninaako kweelana ambwaakashomesha.