Joshuwa 23:10 - Baibo Busansulushi Bwa Libuku Ili

¹⁰ Womwibo ndondoli pakati kanu ulakonsha kutanda bantu bali cuulu mukwiinga nguMwaami Lesa, Lesa wanu umulwaninaako kweelana ambwaakashomesha.

Joshuwa 23:10 Iomraidhean Croise

2 Samwelo 23:8

Ono ngaaya meena a bashilumamba bakwe Defedi bakalinga kupukite. Kwakalinga Joshebu Basishebeti mwine Takemoni, mutanjilili wa “Bashilumamba Botatwe Bapukite.” Musankwa uyo wakalwana bantu bali 800 akubacaya boonse kulisumo munkondo yomwi.

1 Makani 5:20

Bantu aba bakalinga kucinkite manungo muli Lesa, aboobo bakapaila kuli nguwe ayi abacaafwe. Lesa wakabacafwa akubalengesha kukoma bene Agi abaabo mbobakalinga kucafwanaabo.

1 Makani 5:22

Bakacaya bene Agi baanji mukwiinga nkondo iyo yakalinga yakwe Lesa. Kuswawaawo bakekala mucishi ico kushikila ciindi ndibakatolwa busha kushishi shimwi.

Kulumbaisha 35:1

NoBaami baLesa amulangane abaabo batoolangana anebo. Amulwane abaabo batoolwana ndime.

Kulumbaisha 46:7

Mwaami Lesa Shinkusu shoonse uli aswebo. Ncakwiila Lesa wakwe Jakobo nceciyubilo cesu.

Kulonga 14:14

Mwaami Lesa utoomulwaninaako, aboobo tamweelete kwaamba ayi mucite cintu nabi comwi.”

Isaya 30:17

Bashilumamba banu bali cuulu balaakukongwa akucica kumulwani womwi. Ingayi bali bosanwe, likoto lyanu lyoonse lilaakucica. Taaku nabi womwi weshi akacaale kulekabo cisamu ca mbembela peculu lya kalundu!”

Bene Lefi 26:7

Mwebo mulaakukoma balwani banu boonse.

Bene Lefi 26:8

Bantu bosanwe bamulikoto lyanu balaakukonsha kukoma bali mwaanda, abalo bamulikoto lyanu bali mwaanda balaakukonsha kukoma bali shuulu likumi.

Sekaliya 12:8

Pabushiku ubo nebo neMwaami Lesa ndaakutabilila bantu bekala mundabala ya Jelusalemu kwaamba ayi abo batacite nkusu pakati kabo bakabebo ankusu bweenka mbuli Defedi. Abalo bamulunyungu lwakwe Defedi balaakunoobatanjililabo anga ngumunjelo wangu neMwaami Lesa, ee, anga ndime nemwiine neentoobatanjilila.

Bene Loma 8:31

Pasheebo shoonse ishi inga twaamboonshi? Na Lesa ulatusuminisha ngani weenga watupikisha? Taaku nabi womwi.

Dutolonomi 20:3

‘Amunyumfwe, mwebo nobene Isilaeli! Sunu mutoolwana abalwani banu. Aboobo mutabaloondi, kuboola pesule nabi kwiingana.

Dutolonomi 20:4

Mwaami Lesa, Lesa wanu utooya amwebo alimwi akulengesha ayi mubakoome.’

Dutolonomi 28:7

“Mwaami Lesa ulaakulengesha ayi balwani banu mukanoobakoma. Pakwisa mukumulwana balaakuswa lubasu lomwi, sombi pakumucica balaakumwaikabo.

Dutolonomi 3:22

Mutabaloondi ceebo Mwaami Lesa, Lesa wanu ulaakumulwaninaako.’

Dutolonomi 32:20

Wakaamba ayi, ‘Ndaakubafutatila, tubone na balaakweela kuli. Mukwiinga ndunyungu lushicimpamya, ncakwiila mbaana batashomeki.

Dutolonomi 32:30

Anu muntu womwi inga wakoma buyani bali cuulu, nabi bobilo kukoma bali shuulu likumi? Sa te nceebo cakwaamba ayi Mwaandami wabo wakabashiya beenka? Ndushinisho Mwaami Lesa, Lesa wabo wakabalekelesha.

Joshuwa 10:42

Joshuwa wakabwesa bamaami aba alimwi ashishi shabo akubakoma muciindi comwi mukwiinga Mwaami Lesa, Lesa wa bene Isilaeli wakalinga kubalwaninaako.

Joshuwa 23:11

Anu aboobo amubikeeko maano kukusuna Mwaami Lesa, Lesa wanu.

Joshuwa 23:3

Mwebo nobeene mwakalibonena cakacita Mwaami Lesa, Lesa wanu kumishobo imwi yoonse ceebo ca ndimwe. Ncakwiila nguMwaami Lesa wakalinga kumulwaninaako.

Boomboloshi 15:15

Lyalo wakabwesa mubanga wa mbongolo yakafwa coonoono akucaishako bantu bali 1,000.

Boomboloshi 3:31

Ono moomboloshi wakaboolaawo Eyudi ndyaakafwa wakalinga kwiitwa ayi Shamuga mwanaakwe Anati. Musankwa uyo wakacaya bene Filisiti bali 600 kucakuculumishishako ŋombe. Alakwe mbwaakafuna bene Isilaeli ubo.

1 Samwelo 14:6

Jonasani wakaambila musankwa cikula bwangu ayi, “Atusubukile kumisumba ya babalya bakunsengwe, bene Filisiti. Mpashi Mwaami Lesa utootucafwa. Na wacita ubo, taaku mpweenga cayumina kuli nguwe kutulengesha ayi tukome nabi tuli baniini buyani pano.”