Joshuwa 22:18 - Baibo Busansulushi Bwa Libuku Ili

¹⁸ Sa alimwi mutooyanda kufutatila Mwaami Lesa? Na mumwaashukile sunu, ciilo mabala ulaakunyonyoola bantu bakwe boonse bene Isilaeli.

Joshuwa 22:18 Iomraidhean Croise

2 Samwelo 24:1

Ono Mwaami Lesa wakakalalila bene Isilaeli. Mpeeke wakalengesha Defedi kubapensha ndyaakaamba ayi, “Kamuya mukabelenge bantu bene Isilaeli abene Juda.”

1 Baami 9:6

Sombi na webo nabi bamulunyungu bako bakacileeke kunyumfwila ee, kucileka kukonkela milawo amilasho njindakakupa nabi kutalika kulambila balesa bamwi,

2 Baami 17:21

Pesule Mwaami Lesa ndyaakamana kupansaanya bene Isilaeli kuswa kubene Juda, bene Isilaeli bakasala Jeloboamu mwanaakwe Nebati ayi abe mwaami wabo. Mpeeke Jeloboamu wakabalengesha kukaka Mwaami Lesa akucita cibiibi ciyoosha.

1 Makani 21:1

Satana wakalinga kusuni kuleta mapensho pabene Isilaeli, aboobo wakalengesha Defedi kwaamba ayi abelenge bantu.

1 Makani 21:14

Aboobo Mwaami Lesa wakatuma mwaalu pakati ka bene Isilaeli, lyalo basankwa bali 70,000 bakafwa.

2 Makani 25:27

Kuswa paciindi Amasiya ndyaakashukila Mwaami Lesa, abalo bene Jelusalemu bakamubukila. Aboobo wakaloboka akuya kundabala ya kuLakishi. Sombi balwani bakwe bakamukonkela uko akumucaya.

2 Makani 34:33

Kuswawaawo Mwaami Josiya wakanyonyoola shibumbwabumbwa shilensha bunya shoonse isho shakalinga mucishi coonse ca bene Isilaeli. Wakalengesha bantu boonse ba mucishi ca Isilaeli kusebensela Mwaami Lesa, Lesa wabo. Mubuumi bwakwe boonse tabakwe kwaalilwaawo kukonkela Mwaami Lesa, Lesa wa bamashali babo bakulukulu.

Bene Lefi 10:6

Kuswawaawo, Mose wakaambila Aloni alimwi abana bakwe basankwa beetwa ayi Elyasa alimwi aItama ayi, “Mutacileeki kusakula misusu yanu alimwi mutatoleleli kukwamoona shakufwala shanu kwaamba ayi muboneshe ayi mulicite cililo. Na mucite boobo, mutoofwa alimwi Mwaami Lesa inga wakalalila likoto lya bene Isilaeli lyoonse. Sombi bene Isilaelinyinaanu boonse balisuminishitwe kulila palufu lwa baabo Mwaami Lesa mbwaanyonyoola amulilo.

Shakubelenga 16:22

Sombi Mose aAloni bakafukama cakushisha shiwa shabo panshi akwaamba ayi, “NobaLesa, ndimwe matalikilo abuumi boonse. Ono na muntu womwi wabisha, sa inga mwakalalila bantu boonse?”

Shakubelenga 32:15

Ncakwiila na mwebo nomukowa wakwe Lubeni awakwe Gadi mukake kumunyumfwila bulya, bene Isilaeli boonse aba utoobashiya beenka muluyanga muno. Anu mwebo ndimwe mweshi mulengeshe ayi banyonyooke.”

Dutolonomi 7:4

Mukwiinga inga batanjilila bana banu kuswa kuMwaami Lesa, Lesa wanu kwaamba ayi balambile balesa bamwi. Na ico cikacitike mulaakukalasha Mwaami Lesa. Paceebo ceeco ulaakumunyonyoola noonse cakufwambaana.

Joshuwa 22:15

Lyalo ndibakashika kuGilyadi kubamumukowa wakwe Lubeni, Gadi alimwi amusa wa mukowa wakwe Manase, bakabaambila ayi,

Joshuwa 22:16

“Likoto lya Mwaami Lesa limwi lyoonse lyaamba ayi, ‘Ino mwasowa buyani lushomo kuli Lesa wa bene Isilaeli munshila iyi? Mwaashukila Mwaami Lesa kwiinda mukuliyakila cipaililo ici, alimwi mwapambuka munshila yakwe.

Joshuwa 22:20

Amwiibaluke cakacitika Akani mwanaakwe Sela ndyaakasotoka mulawo wakapekwa pashintu shakaambwa ayi shilyeelete kunyonyooka. Sa te Lesa wakakalalila likoto lyoonse lya bantu bakwe bene Isilaeli? Ncakwiila Akani teshi ngowakafwa eenka ceebo ca cibiibi cilya.’ ”

Joshuwa 7:1

Nacibi boobo bene Isilaeli tabakwe kunyumfwila Mwaami Lesa ndyaakabaambila ayi tabeelete kubwesa cintu nabi comwi mundabala inene ya Jeliko ico ceelete kunyonyoolwa. Akani mwanaakwe Kami, mwishikulu wakwe Sabudi, mucipani cakwe Sela mumukowa wakwe Juda, wakabwesa shintu shimwi. Aboobo Mwaami Lesa wakakalalila bene Isilaeli.

Joshuwa 7:11

Bene Isilaeli bakabisha. Bapwaya cipangano ncendakapanga ambabo akubalwiita ayi bacilaame. Bakabwesa shintu shimwi shakalinga kweelete kunyonyoolwa. Aboobo bakeepa, bakabeca, alimwi bakashisa shintu isho pashintu shabo.

Joshuwa 7:21

pashintu isho nshetwakabwesa, ndakabonawo cakufwala ca peculu cibotu abuumbi ca kuBabiloni, makilogilamu obilo a silifa alimwi acipimpita ca golodi cakalinga kulema musa wa kilogilamu. Ndakakumbwa shintu isho akushibwesa. Anu ndakashifukila mutente yangu, silifa njeili panshi peene.”

1 Samwelo 12:14

Shintu shoonse shinanoomweendela kabotu na munoolemeka Mwaami Lesa, Lesa wanu, munoomusebensela, munoomukutika alimwi akunoonyumfwila milawo yakwe. Nkokwaamba ayi mwebo amwaami wanu na mwamukonkela.

1 Samwelo 12:20

Lyalo Samwelo wakabaambila ayi, “Mutaloondi, nakubi kwaamba ayi mwakacita cibiibi ca mushobo uyo, mutafutatili Mwaami Lesa, sombi kamumusebenselabo camoyo woonse.