Joshuwa 20:8 - Baibo Busansulushi Bwa Libuku Ili

⁸ Kwicwe lya Joodani, mucitunta ca muluyanga, kwicwe lya Jeliko, bakasala Besa mucishi ca mukowa wakwe Lubeni, Lamoti muGilyadi mucishi ca mukowa wakwe Gadi alimwi aGolani muBashani mucishi ca mukowa wakwe Manase.

Joshuwa 20:8 Iomraidhean Croise

1 Baami 22:6

Mpeeke Aabu wakeeta balaluki bakalinga mpashi myaanda yone akubeepusha ayi, “Sa nje nkalwaane ndabala ya Lamoti nabi na sobwe?” Balaluki bakakumbula ayi, “Kamuya mukalwaane. Mwaami Lesa utoomucafwa kwaamba ayi mukome.”

2 Baami 8:28

Mwaami Aasiya wakaya pantu pomwi aJolamu mwaami wa bene Isilaeli mukulwana Asayelo mwaami wa bene Silya kuLamoti Gilyadi. Mpeeke Jolamu wakayaswa kubene Silya.

1 Makani 6:78

Mucishi ca bene Lubeni kwicwe lya Mulonga wa Joodani kwiindilila Jeliko bakapekwa ndabala ya Beseli muluyanga, Jasa,

1 Makani 6:80

Mucishi ca bene Gadi bakapekwa ndabala ya Lamoti mucishi ca Gilyadi, Maanaimu,

Dutolonomi 3:10

“Twakabwesa cishi coonse cakwe Ogi mwaami wa Bashani. Twakabwesa mandabala anene ali pacitunta, cishi ca Gilyadi aca Bashani, kuya kwicwe kushika akumandabala aSaleka aEdileyi.”

Dutolonomi 4:43

Bamumukowa wakwe Lubeni bakapekwa ndabala inene ya Besa, mucitunta ca muluyanga. Bamumukowa wakwe Gadi bakapekwa ndabala inene ya Lamoti mucishi ca Gilyadi. Ingayi bamumukowa wakwe Manase bakapekwa ndabala ya Golani mucishi ca Bashani.

Joshuwa 20:7

Aboobo kumbo lya Joodani bakasala ndabala ya Kadeshi muGalili mucishi ca tulundu cakwe Nafutali, Shekemu mucishi ca tulundu cakwe Efuleemu, Kilyati Aaba nabi ayi Ebuloni mucishi ca tulundu cakwe Juda.

Joshuwa 20:9

Ayo ngomandabala anene akulobokelaako, ngobakasalila bene Isilaeli pantu pomwi abaswamashi bakalinga kwikala pakati kabo, kwaamba ayi uyo woonse weenga wacaya umwi mumapuso, walobokela nkuko ayi afunwe kumuntu uyo weelete kuboosha cishole. Taakalinga kucaikwa kushikila woomboloshekwa capatuba abeshinkuta.

Joshuwa 21:27

Bene Lefi abamwi bamucipani cakwe Geshoni, mucishi ca musa wa mukowa wakwe Manase nkocibetele kwicwe, bakapekwa ndabala ya Golani mucishi ca Bashani, ndabala yakulobokelaako kuwooyo wacaya muntu mumapuso, alimwi aya Be Eshitala pantu pomwi amafulo a ngawo. Mandabala anene ayo akalinga obilo.

Joshuwa 21:36

Mucishi ca mukowa wakwe Lubeni bakapekwa ndabala ya Besa, Jaasi,

Joshuwa 21:38

Mucishi ca mukowa wakwe Gadi bakapekwa ndabala ya Lamoti, iyo yakalinga muGilyadi, ndabala yakulobokelaako kuwooyo wacaya muntu mumapuso, Maanaimu,