Joshuwa 2:9 - Baibo Busansulushi Bwa Libuku Ili

⁹ akubaambila ayi, “Ndishi ayi Mwaami Lesa wakamupa cishi cino. Boonse bantu bekala mucishi cino baliloondete abuumbi ceebo ca ndimwe.

Joshuwa 2:9 Iomraidhean Croise

Matalikilo 35:5

Jakobo abana bakwe ndibakalinga kunyamuka, bantu ba mumandabala akalinga pafwaafwi bakanyumfwa boowa buswa kuli Lesa. Aboobo tabakwe kubakonkela ayi babalwaane.

2 Samwelo 17:10

Lyalo nabibo shilumamba uyo ushomwa, mukali anga ninkalamu, ulaakuloonda mukwiinga beene Isilaeli boonse balishi kwaamba ayi baishiwanu mbasankwa kunkondo, abalo abo mbobali abo tabaloondi.

2 Baami 5:15

Wakaboolela kuli Elisha abantu bakwe boonse akumwaambila ayi, “Ono ndeshiba ayi taaku Lesa umwi, sombibo Lesa wa bene Isilaeli. Ono nkambo, ndaseenga ayi mutambule cipo kuswa kuli ndime nemusebenshi wanu.”

2 Baami 7:6

Mwaami Lesa wakalengesha ayi bene Silya banyumfwe anga mbashilumamba batoosa cicica amaaki alimwi ashikoci. Balo bene Silya bakayeeya ayi mwaami wa bene Isilaeli walipila bamaami ba bene Iti abene Ijipiti pantu pomwi abashilumamba babo ayi bese babalwaane.

Neyemiya 6:16

Balwani besu boonse abamumishobo itushingulukite ndibakanyumfwa cikani ici, bakatyongola abuumbi ceebo bakeshiba kwaamba ayi mulimo uyo wakacitwa kwiinda mukucafwikwa aLesa.

Esita 8:17

Mumandabala oonse amushipansha shoonse sha cishi umo mwakaambilishikwa mulawo wa mwaami, kwakaba kukondwa akusangalala pakati ka baJuda. Bakasekelela akulya shakulya shiinji. Mpeeke bantu baanji ba mishobo imwi bakatalika kupaila pantu pomwi abaJuda ceebo bakalinga kubaloonda.

Jobo 19:25

Sombi ndishi kwaamba ayi Mupulushi wangu ngumuumi alimwi ayi kumeelelesho ulaakwiimikana pacishi ca panshi.

Kulumbaisha 112:10

Muntu mubiibi ulaakushibona akukalala. Ulaakulumanya meeno akuya cinyanga tibili wafwa. Kulangila kwakwe teshi kukacitikeewo.

Kulumbaisha 115:16

Kwiculu kwiine nkwa Mwaami Lesa, sombi cishi ca panshi wakacipa kubantu

Kulonga 18:11

Ono ndeshiiba ayi Mwaami Lesa ulicite nkusu kwiinda pabalesa boonse, mukwiinga wakacita boobo ciindi bene Ijipiti ndibakalinga kubona bene Isilaeli ayi taaku mbobabete.”

Kulonga 23:27

“Ndaakulengesha bantu beshi bakamulwaane kunoonda. Ndaakuleta shimfulunganya pabantu mbweshi mukanoolwanaabo alimwi akulengesha ayi balwani banu boonse bakanoomuloonda akucica.

Shikushimikila 8:12

Mucita shibi inga wacita milandu ili mwaanda akwikala buumi bulaamfu, nabi bamwi balaamba ayi, “Na muntu walemeka Lesa, shintu shoonse shilaakumweendela kabotu.

Isaya 19:1

Aya ngamakani aamba pacishi ca Ijipiti. Mwaami Lesa waashika cakufwambaana kuIjipiti kaatantite palikumbi. Shibumbwabumbwa shine Ijipiti shilatutuma kunembo lyakwe, bene Ijipiti boonse mumanungo mulatontola kuboowa.

Isaya 23:5

Bene Ijipiti abalo balaakukankamana akuungumana baakunyumfwa ayi ndabala ya Taya yanyonyoolwa.

Jelemiya 27:5

“Ndakalenga cishi ca panshi, bantu abanyama bekalaamo kwiinda munkusu shangu shinene abuumbi alimwi alyaansa lyangu lifungulukite. Cishi ici ndakonsha kucipa kumuntu uli woonse ngondasala.

Naamu 2:10

Ndabala ya Ninife yanyonyoolwa, yacaala cisuukila alimwi yaba matongo. Myoyo yamanamobo kuboowa amwalo mumanungo mwaboolabo tontolo ceebo nkusu shoonse shamana. Shiwa shoonse shaloka kuboowa.

Shakubelenga 20:14

Kuswawaawo Mose wakatuma bantu kuswa kuKadeshi akuya kumwaami wa kuEdomu akwaamba ayi, “Makani aya aswa kubamakwabanu, mikowa ya bene Isilaeli. Mwebo mulishi makatasho ngotwakalingaamo,

Shakubelenga 20:24

“Aloni teshi akenjile mucishi ico ncendakalasha kupa bene Isilaeli. Ulaakufwa mukwiinga mwebo nobilo tamukwe kunyumfwila mulawo wangu kuMeliba.

Mateyo 20:15

Sa nsheelete kucita mbuli mboonsuni pabuboni bwangu? Mpashi wamfwita munyono mukwiinga nshisalululi pakupa?’ ”

Dutolonomi 11:25

Taaku muntu uli woonse weshi akamukaashe. Mwaami Lesa, Lesa wanu ulaakulengesha bantu kumuloonda kuli koonse nkweshi mukaye mucishi ico coonse, bweenka mbwaakashomesha.

Dutolonomi 2:25

Kuswa sunu ntoolengesha mishobo yoonse pacishi ca panshi kutalika kumuloonda. Bantu boonse bananootutuma kuboowa pakubandabo liina lyanu.’

Dutolonomi 28:10

Lyalo bantu boonse ba mucishi ca panshi balaakubona ayi Mwaami Lesa wakamusala ayi mube bantu bakwe cancinencine, paceebo ceeci balaakumuloonda.

Dutolonomi 32:8

Lesa wakwiculu Wiindaawo ndyaakapa mishobo shishi ayi nshinebo, ndyaakapansaanya bantu boonse, wakabika manyinsa pakati kabo kweelana akufula kwa bana bakwe Isilaeli.

Bene Ebulu 11:31

Ndushomo lwakalengesha ayi mwanakashi mufuule Laabu atacaikwi pantu pomwi abaabo batakwe kunyumfwila Lesa mukwiinga wakatambula kabotu beshikusensa bene Isilaeli.

Joshuwa 2:11

Nditwakanyumfwa shikani ishi, soonse twakaloonda abuumbi ceebo ca ndimwe. Ncakwiila Mwaami Lesa, Lesa wanu, nguLesa wa kwiculu alimwi apacishi ca panshi.

Joshuwa 2:24

Bakaambila Joshuwa ayi, “Ncalushinisho Mwaami Lesa watupa cishi coonse. Bantu boonse kulya baliloondete abuumbi ceebo ca ndiswe.”

Joshuwa 2:8

Ono beshikusensa kabatana koona, Laabu wakatanta paciluli

Joshuwa 5:1

Ono bamaami boonse bene Amoli kumbo lya Joodani, alimwi abamaami bene Kenani muloombe lwa Lweenge lwa Mediteleniyani bakanyumfwa ayi Mwaami Lesa wakayumya Mulonga wa Joodani kushikila bene Isilaeli boosubuka. Mpeeke boonse bakaloonda abuumbi ankusu shoonse shakulwana abene Isilaeli shakabula.

Joshuwa 6:2

Mpeeke Mwaami Lesa wakaambila Joshuwa ayi, “Nyumfwa, ntokwaaba ndabala ya Jeliko pantu pomwi amwaami wa njiyo alimwi abashilumamba ba njiyo mumaansaako.

Joshuwa 9:10

asheesho shoonse nshaakacita kubamaami bobilo ba bene Amoli bali kwicwe lya Joodani, nkokwaamba ayi Sioni mwaami wa kuEshiboni alimwi aOgi mwaami wa kuBashani uyo wakalinga kwikala kuAshitaloti.

Joshuwa 9:24

Mpeeke bakakumbula Joshuwa ayi, “Swebo sobasebenshi banu nkambo, twakanyumfwa cakutatonsha mbuli Mwaami Lesa, Lesa wanu mbwaakaambila Mose musebenshi wakwe ayi akamupe cishi coonse, alimwi ayi mukanooya cicaya baabo bekalaamo kunembo lyanu. Paceebo ceeci twakaloonda ayi inga mwaakutucaya. Anu nceceeco ncetwakacitila boobo.

Joshuwa 9:9

Lyalo bakamukumbula ayi, “Swebo sobasebenshi banu twaswa kucishi cili kulaale abuumbi ceebo twakanyumfwa mpuwo ya Mwaami Lesa, Lesa wanu. Twakanyumfwa shoonse nshaakacita mucishi ca Ijipiti,

Boomboloshi 7:14

Mubye ndyaakanyumfwa boobo wakakumbula ayi, “Taaku cimwi, nguGidyoni mwine Isilaeli, mwanaakwe Joashi utootulwana. Mwaami Lesa waaba bene Midyani abashilumamba boonse mumaansaakwe.”