Joshuwa 2:6 - Baibo Busansulushi Bwa Libuku Ili

⁶ Anu wakabashisa paciluli panshi lya shishiko sha butonje nshaakayala apo.

Joshuwa 2:6 Iomraidhean Croise

2 Samwelo 11:2

Bumwi bushiku macolesha Defedi wakabuka pabulo bwakwe akuya ceendaana paciluli ca ŋanda yakwe ya bwaami. Ndyaakalinga waawo, wakabona mwanakashi kaasamba bulya. Mwanakashi uyo wakalinga mubotu abuumbi.

2 Samwelo 17:19

Mpeeke muka musankwa uyo wakabwesa cakufwekaawo, waciyala pamulomo wa mukalo akupalanganishilawo shili anga ngamaila peculu ayi kubule ushiba ayi pali mukalo.

1 Baami 18:13

Sa tamukwe kunyumfwaawo ayi Jesebelo ndyaakalinga kucaya balaluki ba Mwaami Lesa ndakashisa bakalinga mwaanda mushimfwengo, mumakoto obilo, nkokwaamba ayi mucimfwengo comwi acomwi kamuli bantu makumi osanwe? Sa tamukwe kunyumfwaawo ayi ndakalinga kubapa shakulya amaanshi?

1 Baami 18:4

Paciindi Jesebelo ndyaakalinga kucaya balaluki ba Mwaami Lesa, Obadiya wakashisa balaluki bakalinga mwaanda mushimfwengo shobilo. Mucimfwengo comwi amomwi kamuli bantu makumi osanwe, osanwe. Balaluki abo wakalinga kubapa shakulya amaanshi.

2 Baami 11:2

Sombi Jeosheba mwanaakwe Jeolamu mwanakashi, nankashi yakwe Aasiya wakabwesa Joashi mwanaakwe Aasiya akumukusha pabamuŋanda ya bwaami abo bakaambwa kucaikwa. Wakamutola mucipinda cakoonaamo ashikumulela kumushisa kuli Ataliya kwaamba ayi atacaikwi.

Kulonga 2:2

uyo wakamushalila mwaana musankwa. Ono mwanakashi uyo ndyaakabona ayi mwaana ngumubotu abuumbi, wakamushisa kwamyeenshi yotatwe.

Jelemiya 36:26

Mpomunyaawo mwaami wakaambila Jelamelo mwanaakwe, Selaya mwanaakwe Asilyelo aShelemiya mwanaakwe Abidelo kuya mukucata Baluki mulembi wangu anebo neJelemiya. Sombi Mwaami Lesa wakatushisa.

Mateyo 24:17

Uyo eshi akanooli paciluli ca ŋanda, atakaseluki kwaamba ayi akushe shili muŋanda yakwe.

Dutolonomi 22:8

“Na wayaka ŋanda, kweela ciluli mulyeelete kuyaka akalubumbu mweela ciluli coonse kukasha kuloka. Lyalo teshi mukabe amulandu na umwi akaloke akufwa.

Bene Kolose 3:3

Mukwiinga mwebo mwakafwa, aboobo buumi bwanu bulishisitwe pantu pomwi aKlistu muli Lesa.

Bene Ebulu 11:23

Ndushomo lwakalengesha ayi bashali bakwe Mose bamushiise kwamyeenshi yotatwe ndyaakashalwabo mukwiinga bakabona ayi wakalinga mwaana mubotu abuumbi. Aboobo tabakwe kuloonda kusotoka mulawo wa mwaami.

Jemusi 2:25

Mbweeke ubo Laabu mufuule ulya, wakalulamikwa pameenso akwe Lesa ceebo ca micito yakwe ndyaakatambula beshikusensa bene Isilaeli, akubacafwa ayi baloboke mukubeensha nshila imwi.

Joshuwa 2:5

Macolesha, paciindi cakucala mwinjililo wa ndabala, basankwa abo bakaya. Nkobakalanga nshishiiko. Ono amufwambaane mubakonkele, mpashi inga mwabeensha.”

Joshuwa 2:7

Mpeeke bantu ba mwaami bakatalika kukonkela beshikusensa, akulanga kunshila iya pamisena yakusubukilawo Mulonga wa Joodani. Ndibakaswabo, amwinjililo wa ndabala bakoocala.

Joshuwa 2:8

Ono beshikusensa kabatana koona, Laabu wakatanta paciluli

Joshuwa 6:25

Sombi Joshuwa wakapulusha mwanakashi mufuule Laabu alimwi abamakwabo boonse, ceebo wakashisa beshikusensa abo mbwaakalinga watuma kuJeliko. Bamulunyungu lwakwe Laabu, bacili mucishi ca Isilaeli abobulya.