Joshuwa 15:8 - Baibo Busansulushi Bwa Libuku Ili

⁸ Kuswa kooko yakaya kuCinyika ca Beni Inomu akwiinda kunkunamo ya ndabala inene ya bene Jebusi iitwa ayi Jelusalemu kulubasu lwakumalenge. Mpeeke yakatolelela akuya mukwiinda pakalundu kaniini kumbo lya Cinyika ca Inomu, kweela Cinyika ca Lefaimu kumatwa.

Joshuwa 15:8 Iomraidhean Croise

2 Samwelo 5:18

Bene Filisiti bakashika kuCinyika ca Lafaimu akucipaatabo coonse.

2 Samwelo 5:22

Ono bene Filisiti bakaboolela akupaatabo Cinyika ca Lafaimu.

2 Baami 23:10

Mwaami Josiya wakanyonyoola musena wakulambililaako wa kuTofeti muCinyika ca Inomu kwaamba ayi taaku muntu weenga wabenga mwanaakwe musankwa nabi mwanakashi ayi ngumulambu wakutenta kuli Moleki.

1 Makani 11:4

Kuswawaawo Defedi abene Isilaeli boonse bakaya kundabala ya Jelusalemu iyo yakalinga kwiitwa ayi Jebusi paciindi ico. Bene Jebusi abo bakalinga kwikala kooko,

2 Makani 28:3

Wakalinga kutenta tununkila kabotu muCinyika ca Inomu alimwi wakalinga kubenga abana bakwe ayi njimilambu yakutenta kushibumbwabumbwa. Wakalinga kucita boobo mukukonkela kwishibila kulensha bunya kwa baabo Mwaami Lesa mbwaakatanda mucishi cabo.

Neyemiya 11:30

Sanowa, Adulamu amishi yakalinga kwaashingulukite. Bamwi kundabala ya Lakishi amyuunda ya njiyo, bamwi kundabala ya Aseka amishi ya njiyo. Nkokwaamba ayi bakalinga kwikala kuswa kuBiyasheba kuya mukushika kuCinyika ca Inomu.

Isaya 17:5

Cishi ca Isilaeli cilaakucaalabo bweenka bucaala muunda wa maila waceswa, nabi muunda watebulwa muCinyika ca Lefaimu.

Jelemiya 19:14

Kuswawaawo nebo neJelemiya ndakaswaako kuTofeti uko Mwaami Lesa nkwakalinga wantuma kuya mukulaluka. Lyalo ndakeemikana mulubansa lwa Ŋanda ya Mwaami Lesa akwaambila bantu ayi,

Jelemiya 19:2

Lyalo muye kuCinyika ca Inomu kufwaafwi aMwinjililo wa Shikaye. Uko ukaambilishe maswi ngweshi nkulwiite.

Jelemiya 19:6

Aboobo amucenjele, nshiku shilaakushikila bantu ndyeshi bakacileeke kwiita musena uno ayi Tofeti nabi Cinyika ca Inomu, sombi balaakunoociita ayi Cinyika ca Kucailamo.

Joshuwa 15:63

Sombi bene Juda tabakwe kutanda bene Jebusi abo bakalinga kwikala muJelusalemu. Aboobo kushikila asunu, bene Jebusi bacikala nkomunya uko pantu pomwi abene Juda.

Joshuwa 18:16

Yakakunkuluka kuya munshaakalundu kalangene aCinyika ca Inomu, kumatwa lya Cinyika ca Lefaimu. Lyalo yakatolelela kuya muCinyika ca Inomu kwiinda kunkunamo ya ndabala inene ya bene Jebusi tibili akuEni Logeli.

Joshuwa 18:28

Sela, Aelefu, ndabala inene ya bene Jebusi nabi ayi Jelusalemu, Gibiya alimwi aKilyati. Nkokwaamba ayi mandabala anene pantu pomwi akalinga likumi aone kubikaawo amishi yakalinga kushingulukite mandabala ayo. Anu ici ncecishi cakapekwa kumukowa wakwe Benjameni ayi ncinebo.

Boomboloshi 1:21

Sombi bene Benjameni balo tabakwe kutandaanya bene Jebusi bakalinga kwikala muJelusalemu. Aboobo kushikila asunu bene Jebusi balekala abene Benjameni.

Boomboloshi 1:8

Mpeeke bene Juda bakalwana ndabala ya Jelusalemu. Bakacaya bantu bakalinga kwikalaamo akwiitenta.

Boomboloshi 19:10

Sombi bushiku ubo musankwa uyo taakwe kusumina koona. Wakanyamuka akulanga kuJebusi, nkokwaamba ayi Jelusalemu. Wakalinga kucite mbongolo shobilo shicite shakwikalaawo. Kasuwa wakwe wakalingaakwe.