Joshuwa 14:4 - Baibo Busansulushi Bwa Libuku Ili

⁴ Bamulunyungu lwakwe Josefu bakaba mikowa yobilo, nkokwaamba ayi wakwe Manase alimwi aEfuleemu. Bene Lefi tabakwe kupekwa cipansha ca cishi, sombibo mandabala anene akwikalaamo acite mafulo a shifubwa shabo.

Joshuwa 14:4 Iomraidhean Croise

Matalikilo 41:51

Mpeeke wakaamba ayi, “Lesa wanengesha kuluba mapensho angu alimwi abamuŋanda ya bata.” Aboobo mwanaakwe wakwiiya wakamutumba ayi Manase.

Matalikilo 41:52

Lyalo alimwi wakaamba ayi, “Lesa wampa baana mucishi ca mapensho.” Aboobo mwanaakwe wabili wakamutumba ayi Efuleemu.

Matalikilo 46:20

MuIjipiti Josefu wakashala baana basankwa bobilo, Manase alimwi Efuleemu, muli Asenati mwanaakwe Potifela, mupailishi wa muEliopolisi.

Matalikilo 48:1

Kunembo Josefu wakalwiitwa ayi baishi mbalwashi. Mpeeke wakabwesa bana bakwe bobilo basankwa Manase aEfuleemu, akuya mukubona Jakobo.

Matalikilo 48:5

Jakobo wakatolelela akwaamba ayi, “Josefu, bana bako basankwa bobilo mbowakashala kuno kuIjipiti kaantana kwisa, mbaangu. Efuleemu aManase balibo anga mbana bangu basankwa Lubeni aSimyoni.

Matalikilo 48:6

Na ulicite abamwi baana basankwa teshi bakayeeyelwe kuba bana bangu. Buboni mbweshi bakapyane bulaakwiinda muli Efuleemu aManase.

2 Makani 30:1

Esekiya wakatuma nkombe kubene Isilaeli abene Juda alimwi wakalemba makalata kubene Efuleemu akubene Manase. Wakabeeta ayi bese kuŊanda yakwe Lesa muJelusalemu mukusekelela bushiku bwa Pasika bwakwiibaluka kusotokela mukulemeka Mwaami Lesa, Lesa wa bene Isilaeli.

Shakubelenga 26:28

Bamumukowa wakwe Josefu uyo wakalinga kucite baana basankwa bobilo Manase alimwi aEfuleemu mbaaba.

Joshuwa 16:4

Anu bamumukowa wakwe Manase alimwi awakwe Efuleemu, bamulunyungu lwakwe Josefu, bakapekwa cishi ici ayi ncinebo, kweelana ashipani shabo.