Joshuwa 14:3 - Baibo Busansulushi Bwa Libuku Ili

³ Mose wakalinga wapa kale mikowa yobilo alimwi amusa cishi ico cakalinga kwicwe lya Mulonga wa Joodani ayi ncinebo. Sombi bene Lefi taakwe kubapawo cishi ayi ncinebo.

Joshuwa 14:3 Iomraidhean Croise

Esekelo 45:1

“Pakunookwabaanya cishi kupa mushobo womwi awomwi cipansha ca nguwo, cipansha cimwi cilyeelete kupekwa kuMwaami Lesa. Cipansha ico cilyeelete kuba makilomita ali 12.5 mubulaamfu alimwi amakilomita ali 10 mubufwaafwi. Cipansha ico coonse cilaakunoosalalite.

Joshuwa 12:6

Anu Mose alimwi abene Isilaeli mbobakakoma bamaami bobilo aba. Mose musebenshi wa Mwaami Lesa wakapa cishi cabo kumukowa wa bene Lubeni, Gadi alimwi amusa wa mukowa wakwe Manase ayi ncinebo.

Joshuwa 13:14

Ono Mose taakwe kupawo mukowa wa bene Lefi cishi ayi cibe cinebo, mukwiinga milambu yakutenta ipekwa Mwaami Lesa, Lesa wa bene Isilaeli, ncecipansha cabo kweelana aMwaami Lesa mwiine mbwaakabashomesha.

Joshuwa 13:16

Cishi cabo cakalinga kutalikila kuAlowa, mweela Cinyika ca Anoni, alimwi andabala inene ili pakati ka cinyika ico pantu pomwi acitunta coonse cishingulukite Medeba.

Joshuwa 13:17

Cishi ico kubika aEshiboni alimwi amandabala anene oonse ali pacitunta mukati, nkokwaamba ayi Diboni, Bamoti Baali, Beti Baalimeyoni,

Joshuwa 13:8

Mpeeke mukowa wakwe Lubeni, Gadi alimwi amusa wa mukowa wakwe Manase kabali bapekwa kale cishi ico Mose musebenshi wa Mwaami Lesa ncaakabapa. Cishi ici cakalinga kwicwe lya Mulonga wa Joodani.