Joshuwa 12:1 - Baibo Busansulushi Bwa Libuku Ili

¹ Ono meena a bamaami abo bene Isilaeli mbobakakoma akubwesela cishi cakalinga kwicwe lya Mulonga wa Joodani, kuswa kuCinyika ca Anoni kushikila akuKalundu ka Elimoni, kubikaawo alubasu lwa kwicwe lya Cinyika ca Joodani ngaaya.

Joshuwa 12:1 Iomraidhean Croise

1 Baami 4:19

Geba mwanaakwe Uli wakalinga kweendelesha mucishi ca Gilyadi ico cakalinga kulelwa amwaami Sioni wa bene Amoli alimwi amwaami Ogi wa kuBashani. Ono kuleka baaba bali likumi abobilo, kwakalinga mweendeleshi wa cishi coonse ca Juda.

Kulumbaisha 133:3

Buli anga ngumume wa kuKalundu ka Emoni, utoolokela paKalundu ka Siyoni. Uko nkokukalundu Mwaami Lesa nkwakashomesha kupa coolwe, ncakwiila abuumi bwamuyayaya.

Kulumbaisha 136:21

Shishi shabo wakashipa bantu bakwe ayi nshabo, ee, mukwiinga lusuno lwakwe ndwamuyayaya.

Kulumbaisha 89:12

Ndimwe mwakalenga kumalenge akumatwa. Kalundu ka Tabo aka Emoni tulamwiimbila cakusangalala.

Isaya 16:2

Ono bweenka bana ba babayuni mbobaulukaulukabo na bakushikwa paciinswa, mbweeke ubo banakashi bene Moabu mbobabete kushito sha mulonga wa Anoni.

Shakubelenga 21:13

Lyalo bakalonga alimwi, akuya mukuyakila kumatwa lya Mulonga wa Anoni, muluyanga lushika mucishi ca bene Amoli. Mulonga wa Anoni wakalinga njenyinsa ya cishi ca Moabu alimwi aca Amoli.

Shakubelenga 21:21

Lyalo bene Isilaeli bakatuma bantu kumwaami Sioni wa bene Amoli mukumwaambila ayi,

Shakubelenga 21:24

Nacibi boobo, bene Isilaeli bakacaya balwani babo baanji alimwi akwikala mucishi cabo, kuswa kuMulonga wa Anoni tibili akuMulonga wa Jaboku, kweela cishi ca bene Amoni mukwiinga nyinsa yabo yakalinga kulamitwe kabotu abuumbi.

Shakubelenga 32:19

Teshi tukababwesele cishi nabi ciniini cili kwitala lya Joodani, mukwiinga swebo twabwesa kale shili kokuno kwicwe lya Joodani.”

Shakubelenga 32:32

Tulaakusubuka Mulonga wa Joodani kwiinda mubutanjilili bwakwe ayi tukenjile mucishi ca Kenani akutalika kulwana, kwaamba ayi cishi cili kwicwe lya Joodani kuno cibe cinesu cancinencine.”

Shakubelenga 32:33

Mpeeke Mose wakapa mukowa wakwe Gadi awakwe Lubeni alimwi amusa wa mukowa wakwe Manase mwanaakwe Josefu, cishi coonse ca mwaami Sioni wa bene Amoli alimwi aca mwaami Ogi wa kuBashani. Wakabikaawo amandabala acishi cakalinga kushingulukite.

Dutolonomi 2:24

“Nditwakeenda muMoabu, Mwaami Lesa wakaamba ayi, ‘Ono amutalikeeko kusubuka Mulonga wa Anoni. Ntokwaaba Sioni mwine Amoli mwaami wa Eshiboni pantu pomwi acishi cakwe mumaansaanu. Amutalike kumulwana, mubwese cishi cakwe.

Dutolonomi 2:32

Mpeeke mwaami Sioni wakesa abashilumamba bakwe boonse kwaamba ayi atulwaane kufwaafwi andabala ya Jaasi.

Dutolonomi 3:1

“Kuswawaawo twakaya kumatwa kululama cishi ca Bashani. Mpeeke Ogi mwaami wa kuBashani wakaswa abashilumamba bakwe boonse kwaamba ayi alwane aswebo pafwaafwi andabala ya Edileyi.

Dutolonomi 4:44

Mose wakapa bene Isilaeli milasho amilawo yakwe Lesa.

Dutolonomi 4:46

alimwi kabali muliwesa lili kwicwe lya Mulonga wa Joodani, pafwaafwi andabala ya Betipeyo. Umo mwakalinga mucishi cakalinga cakwe Sioni mwaami wa bene Amoli, uyo wakalinga kulela ndabala ya Eshiboni. Mose abene Isilaeli bamwi boonse bakakoma mwaami uyo ndibakaswa muIjipiti.

Dutolonomi 4:48

Cishi ico cakalinga kuswa kundabala ya Alowa, kweela lya Mulonga wa Anoni kuya mukushika akuKalundu ka Silioni ako keetwa ayi Kalundu ka Emoni.

Joshuwa 1:15

kushikila abalo bakabwesa akwikala mucishi cili kumbo lya Joodani ico Mwaami Lesa, Lesa wanu ncaatoobapa. Kuswawaawo ndyeshi mukaboole mukwikala mucishi canu cili kwicwe lya Joodani, ico Mose musebenshi wa Mwaami Lesa ncaakamupa.”

Joshuwa 11:17

kuswa kuKalundu ka Alaki ako katalikila kuSiya kuya mukweela kuBaali Gadi muCinyika ca Lebanoni, munshaaKalundu ka Elimoni. Bamaami ba mumo boonse wakabacata akubacaya.

Joshuwa 11:3

Wakatumya mulomo akubene Kenani kulubasu lwakumbo akwicwe lya Mulonga wa Joodani, kubene Amoli, bene Iti, bene Pelisi abene Jebusi mucishi ca tulundu pantu pomwi abene Ifi munshaaKalundu ka Elimoni mucishi ca Misipa.

Joshuwa 13:8

Mpeeke mukowa wakwe Lubeni, Gadi alimwi amusa wa mukowa wakwe Manase kabali bapekwa kale cishi ico Mose musebenshi wa Mwaami Lesa ncaakabapa. Cishi ici cakalinga kwicwe lya Mulonga wa Joodani.

Joshuwa 22:4

Ono mbocacanika ayi Mwaami Lesa, Lesa wanu wapa bamakwabanu luumuno kweelana ambwaakashomesha, amuboolele kumishaanu mucishi cakamupa Mose, musebenshi wa Mwaami Lesa, kwicwe lya Mulonga wa Joodani.

Boomboloshi 11:18

“Ono kuswa kooko, bakapasulabo muluyanga bashinguluka cishi ca Edomu aMoabu kuya mukushika kwicwe lya cishi ca Moabu kwitala lya Mulonga wa Anoni. Bakayaka misumba yabo uko. Tabakwe kusubuka mulonga ceebo yakalinga njenyinsa ya cishi ca Moabu.