Joshuwa 11:3 - Baibo Busansulushi Bwa Libuku Ili

³ Wakatumya mulomo akubene Kenani kulubasu lwakumbo akwicwe lya Mulonga wa Joodani, kubene Amoli, bene Iti, bene Pelisi abene Jebusi mucishi ca tulundu pantu pomwi abene Ifi munshaaKalundu ka Elimoni mucishi ca Misipa.

Joshuwa 11:3 Iomraidhean Croise

Matalikilo 31:49

Labani alakwe wakaamba alimwi ayi, “Mwaami Lesa kaatubona soonse sobilo ciindi nditutabete pantu pomwi.” Paceebo ceeco musena ulya wakatumbwa alimwi liina lya Misipa.

2 Samwelo 24:16

Mpeeke munjelo wakalinga kunyonyoola bantu ndyaakanyamuna lyaansa ayi anyonyoole Jelusalemu, Mwaami Lesa wakayeeya bumbi akukasha munjelo uyo ayi, “Mbubo ono! Cileke.” Lyalo wakacileka. Munjelo uyo wakalinga kwiimfwi palubansa lwakulupwitaawo lwakwe Alauna mwine Jebusi.

2 Samwelo 24:7

Mpeeke bakaya kulubasu lwa kumalenge kundabala ya Taya yakalinga mulilinga. Lyalo bakeenda amumandabala oonse abene Ifi alimwi abene Kenani. Mukumanisha bakaya mukweela kuBiyasheba kulubasu lwa kumalenge a cishi ca Juda.

1 Baami 15:22

Lyalo mwaami Asa wakatuma nkombe mucishi coonse ca Juda iyo yakalinga kwaamba ayi muntu womwi awomwi, kwakubula ucaala, aye mukucafwa kunyamuna mabwe amapulanga ayo mwaami Baasha ngwaakalinga kuyakisha kuLama. Shintu ishi Asa wakashisebensesha kumulimo wa mushobo womwi kuMisipa aGeba mandabala ali mucishi ca bene Benjameni.

1 Baami 9:20

Bantu Solomoni mbwaakasebensesha kucibalu mbene Kenani abo bene Isilaeli mbobatakwe kucaya paciindi ndibakabwesa cishi cabo. Aba bakalinga bene Amoli, bene Iti, bene Pelisi, bene Ifi alimwi abene Jebusi. Bamulunyungu lwa bantu aba bacili basha abobulya.

Kulumbaisha 133:3

Buli anga ngumume wa kuKalundu ka Emoni, utoolokela paKalundu ka Siyoni. Uko nkokukalundu Mwaami Lesa nkwakashomesha kupa coolwe, ncakwiila abuumi bwamuyayaya.

Kulumbaisha 89:12

Ndimwe mwakalenga kumalenge akumatwa. Kalundu ka Tabo aka Emoni tulamwiimbila cakusangalala.

Lwiimbo lwakwe Solomoni 4:8

Onabwiinga wangu, katiya tusweeko kuLebanoni. Ee, katiya tusweeko kuLebanoni. Seluka kuswa paKalundu ka Amana, Seluka kuswa peculu lya Kalundu ka Seniya, seluka kuswa pakalundu ka Emoni, apo pali nkalamu abashiluwe.

Jelemiya 40:10

Nebo ndanookala kuMisipa kwaamba ayi nomwiimikaninaako kubene Babiloni abo beshi banoosa kuli ndiswe. Sombi mwebo mukanoosunga waini, shisepo sha mainsa amafuta a olifi munongo shanu akwikala mumandabala ayo ngomwakakoma.

Jelemiya 40:6

Aboobo nebo neJelemiya ndakaya kuli Gedaliya kuMisipa akwikalaakwe pantu pomwi abantu abo bakacaala mucishi.

Jelemiya 41:14

Lyalo bantu boonse abo Ishimaeli mbwaakatola busha kuMisipa bakacicila kulubasu lwakwe Joanani.

Jelemiya 41:3

Ishimaeli wakacaya abaJuda boonse abo bakalinga aGedaliya kuMisipa pantu pomwi abashilumamba bene Babiloni abo bakalinga kooko.

Shakubelenga 13:29

Bene Amaleki balekala kulubasu lwa kumalenge lya cishi, bene Iti, bene Jebusi alimwi abene Amoli balekalila kulubasu lwa tulundu. Balo bene Kenani balekala mweela Lweenge lwa Mediteleniyani alimwi amweela Mulonga wa Joodani.”

Dutolonomi 4:48

Cishi ico cakalinga kuswa kundabala ya Alowa, kweela lya Mulonga wa Anoni kuya mukushika akuKalundu ka Silioni ako keetwa ayi Kalundu ka Emoni.

Dutolonomi 7:1

“Ono Mwaami Lesa, Lesa wanu ulaakumutola mucishi ico nceshi mukabwese alimwi ulaakutandaanya mishobo yosanwe ayobilo icite nkusu kwiinda ndimwe iliimo, nkokwaamba ayi bene Iti, bene Gegashi, bene Amoli, bene Kenani, bene Pelisi, bene Ifi alimwi abene Jebusi.

Joshuwa 11:17

kuswa kuKalundu ka Alaki ako katalikila kuSiya kuya mukweela kuBaali Gadi muCinyika ca Lebanoni, munshaaKalundu ka Elimoni. Bamaami ba mumo boonse wakabacata akubacaya.

Joshuwa 11:8

Ncakwiila Mwaami Lesa wakalengesha ayi bene Isilaeli bakome. Mpeeke bakabatandaanya kuya kuSidoni, kuMisilefoti Maimu, kuya mukweela akwicwe lya Cinyika ca Misipa. Taaku nabi womwi wakapuluka.

Joshuwa 13:11

Mucishi cabo ici, mwakalinga aGilyadi, cishi ca bene Geshuli aca bene Maaka, Kalundu koonse ka Elimoni alimwi acishi ca Bashani coonse tibili akundabala ya Saleka.

Joshuwa 13:5

alimwi acishi ca bene Gibali. Cishi coonse ca Lebanoni kulubasu lwakwicwe, kuswa kuBaali Gadi munshaaKalundu ka Elimoni, kuya mukushika akumwinjililo wa Amati.

Joshuwa 15:38

Dilini, Misipa, Jokiteli,

Joshuwa 15:63

Sombi bene Juda tabakwe kutanda bene Jebusi abo bakalinga kwikala muJelusalemu. Aboobo kushikila asunu, bene Jebusi bacikala nkomunya uko pantu pomwi abene Juda.

Joshuwa 18:26

Misipa, Kefila, Mosa,

Joshuwa 3:10

Ono ndyeshi mwishibe ayi Lesa muumi uli amwebo, alimwi ayi ncakwiila utootanda bene Kenani, bene Iti, bene Ifi, bene Pelisi, bene Gegashi, bene Amoli alimwi abene Jebusi kunembo lyanu.

Boomboloshi 20:1

Mpomunyaawo bene Isilaeli boonse bakabungana kuswa mushishi shoonse, nkokwaamba ayi kuswa kuDani kuya mukushika kuBiyasheba alimwi akucishi ca Gilyadi. Bakabungana mbuli muntu womwi kunembo lya Mwaami Lesa kuMisipa.

Boomboloshi 21:5

Kuswawaawo bene Isilaeli bakeepushanya ayi, “Sa kuli likoto pakati ka mikowa ya bene Isilaeli litakwe kubungana kunembo lya Mwaami Lesa kuMisipa?” KuMisipa uko bakashomesha cakulumbila ayi muntu uli woonse utakwe kwisa kulibungano ilyo, ulyeelete kucaikwa.

Boomboloshi 21:8

Mpomunyaawo bakeepusha ayi, “Ino ndikotonshi pakati ka bene Isilaeli litakwe kubungana kunembo lya Mwaami Lesa kuMisipa?” Lyalo bakacana kwaamba ayi taaku nabi womwi wa kuJabeshi Gilyadi wakalingaako.

Boomboloshi 3:3

Mishobo yakalinga yacaala mucishi njeeyi. Baami bosanwe ba bene Filisiti, bene Kenani boonse, bene Sidoni, bene Ifi abo bakalinga kwikala kutulundu twa Lebanoni, kuswa kuKalundu ka Baali Emoni kushika mumwinjililo wa kuAmati.

Boomboloshi 3:5

Aboobo bene Isilaeli bakekala pantu pomwi abene Kenani, bene Iti, bene Amoli, bene Pelisi, bene Ifi alimwi abene Jebusi.

1 Samwelo 10:17

Mpomunyaawo Samwelo wakeeta bantu boonse ayi babungane mukulemeka Lesa kuMisipa.