Joshuwa 10:8 - Baibo Busansulushi Bwa Libuku Ili

⁸ Mpomunyaawo Mwaami Lesa wakaambila Joshuwa ayi, “Utaloondi bantu aba mukwiinga nebo ndabaaba kale mumaansaako. Taaku nabi womwi eshi acikoonshe kukukoma.”

Joshuwa 10:8 Iomraidhean Croise

1 Baami 20:13

Paciindi ceenka ico mulaluki wakaya kuMwaami Aabu akwaamba ayi, “Mwaami Lesa waamba ayi, ‘Utaloondi kufula kwa bashilumamba abo! Ntookupa nkusu shakukoma balwani bako sunu, lyalo ulaakwishiba ayi ndi Mwaami Lesa.’ ”

Bene Loma 8:31

Pasheebo shoonse ishi inga twaamboonshi? Na Lesa ulatusuminisha ngani weenga watupikisha? Taaku nabi womwi.

Dutolonomi 3:2

Sombi Mwaami Lesa wakaŋambila ayi ‘Utamuloondi. Ntoomwaaba mumaansaako pantu pomwi abashilumamba bakwe boonse alimwi acishi cakwe. Cita bweenka mbowakacita kuli Sioni mwaami wa bene Amoli uyo wakalinga kulela muEshiboni.’

Dutolonomi 7:24

Ulaakwaaba bamaami babo mumaansa anu. Mulaakubacaya alimwi akulobya meenaabo. Taaku eshi akakonshe kumukoma. Ncakwiila mulaakubanyonyoola boonse.

Joshuwa 10:25

Lyalo Joshuwa wakaambila bamatanjilili abo ayi, “Mutaloondi nabi kutyongola. Amuyume akulishoma mukwiinga Mwaami Lesa mbweshi anoocita kubalwani banu boonse abo mbweshi munoolwanaabo.”

Joshuwa 10:9

Joshuwa alimwi abashilumamba bakwe bakeenda kuswa kuGilugala mashiku oonse akutalika kubalwana cakuteshiba balo ayi batoosa.

Joshuwa 11:6

Mpomunyaawo Mwaami Lesa wakaambila Joshuwa ayi, “Utaloondi bantu aba mukwiinga paciindi ceenka cino ciilo, boonse balaakunoofwite kale kubene Isilaeli. Mulyeelete kusutula mishisa ya maaki abo alimwi akutenta shikoci shabo.”

Joshuwa 8:1

Mpeeke Mwaami Lesa wakaambila Joshuwa ayi, “Utaloondi nabi kutyongola. Bwesa bashilumamba boonse akuya mukulwana ndabala inene ya Ai. Mukwiinga mwaami wa muAi abantu bakwe ndababika mumaansaanu pantu pomwi andabala yakwe inene alimwi acishi cakwe coonse.

Boomboloshi 6:16

Mpomunyaawo Mwaami Lesa wakamwaambila ayi, “Ndaakunooli andiwe, ulaakubacaya bene Midyani boonse cakufwambaana anga ngumuntu womwibo.”

Boomboloshi 7:9

Mashiku eenka ayo Mwaami Lesa wakaambila Gidyoni ayi, “Amubuke, mulwane abali mumisumba ilya ceebo ndabaaba kale mumaansaako.

1 Samwelo 17:47

Boonse babungene waano batooshiba ayi Mwaami Lesa taapulushi bantu kwiinda mukusebensesha mipeeni amasumo. Nkoondo iyi nja Mwaami Lesa, aboobo utoomwaaba noonse mumaanseesu.”