Joshuwa 10:40 - Baibo Busansulushi Bwa Libuku Ili

⁴⁰ Ncakwiila Joshuwa wakakoma cishi coonse, kubikaawo acishi ca tulundu, Negefu, cishi ca tulundu tuniininiini twakumbo alimwi acishi ca munkunamo ya tulundu pantu pomwi abamaami ba nshisho. Taaku muntu nabi womwi wakapuluka. Wakanyonyoola bantu boonse kweelana abwakaamba Mwaami Lesa, Lesa wa bene Isilaeli.

Joshuwa 10:40 Iomraidhean Croise

1 Baami 15:29

Lyalo cakufwambaana wakatalika kucaya boonse bamuŋanda yakwe Jeloboamu. Kweelana abwakaamba Mwaami Lesa kwiinda mumusebenshi wakwe, mulaluki Aija wa kuShilo, boonse bamuŋanda yakwe Jeloboamu bakacaikwa. Taaku nabi womwi wakacaalaawo.

Neyemiya 9:24

Mwakabalengesha kukoma cishi ca Kenani. Ee, mwakakoma bene Kenani abo bakalinga kwikalaamo. Mwakapa bantu banu nkusu shakucita mbuli mbobasuni kubantu bene Kenani pantu pomwi abamaami babo.

Kulumbaisha 9:17

Lufu nkokweela nshila ya bamucita shibi, njenshila ya baabo boonse bakaka Lesa.

Kulonga 34:12

Mutakeeleshi kupanga cipangano abantu ba mucishi ico ncemutooyaamo, mukwiinga inga kaba koose kuli ndimwe.

Shakubelenga 13:17

Ono Mose ndyaakabatuma, wakabaambila ayi, “Kuswa kokuno mwinjilile kumalenge akuya mukushika kumatwa lya cishi ca Kenani, tibili akucishi ca tulundu.

Dutolonomi 1:7

Amumwaye misumba mutolelele lweendo. Amuye kucishi ca tulundu ca bene Amoli akumisena yoonse ishingulukite nkokwaamba ayi kucinyika ca Joodani, kucishi ca tulundu akumisena ikuneme, kumisena ya kumalenge alimwi akuloombe lwa Mediteleniyani. Mukashiike akucishi ca Kenani alimwi akwiindilila cakushika kutulundu twa Lebanoni akuMulonga unene wa Yufuletisi.

Dutolonomi 2:34

Mpomunyaawo twakashinguluka mandabala oonse akwaanyonyoola. Twakacaya bantu boonse, nkokwaamba ayi basankwa, banakashi alimwi abanike, taaku ngotwakashiya kaali muumi.

Dutolonomi 7:24

Ulaakwaaba bamaami babo mumaansa anu. Mulaakubacaya alimwi akulobya meenaabo. Taaku eshi akakonshe kumukoma. Ncakwiila mulaakubanyonyoola boonse.

Joshuwa 10:35

Pabushiku mbomunya ubo, ndabala iyi bakeebwesa akucaya bantu boonse bakalinga kwikalaamo, kweelana ambobakacita ndabala ya Lakishi.

Joshuwa 10:37

Ndabala iyi bakeebwesa pantu pomwi amwaami wa njiyo, mishi ishingulukite alimwi abantu boonse bakalinga kwiikalaamo. Taaku muntu nabi womwi wakapuluka. Kweelana ambobakacita kuEgiloni, ayalo bakeenyonyoola cakumaninina pantu pomwi abaabo bakalinga kwikalaamo.

Joshuwa 10:39

Ndabala inene iyi bakeebwesa pantu pomwi amwaami wa njiyo, mishi ishingulukite alimwi akucaya bantu bakalinga kwikalaamo. Boonse bakalinga kwikalaamo bakanyonyoolwa. Taaku muntu nabi womwi wakapuluka. Bakacita kundabala ya Debe akumwaami wa njiyo, bweenka mbobakacita kundabala inene ya Libuna amwaami wa njiyo alimwi akundabala inene ya Ebuloni.

Joshuwa 11:16

Ono Joshuwa wakabwesa cishi coonse ici, nkokwaamba ayi cishi ca tulundu ca kumatwa akumalenge, cishi coonse ca Gosheni, tulundu tuniininiini twakumbo, Cinyika ca Joodani alimwi atulundu twa mucishi ca Isilaeli atulundu tuniininiini twa ntuto,

Joshuwa 12:8

Wakabaabanya cishi coonse ca tulundu, tulundu tuniininiini twakumbo, Cinyika ca Joodani, munkunamo ya tulundu alimwi aluyanga lwa kumalenge, nkokwaamba ayi cishi ca bene Iti, Amoli, Kenani, Pelisi, Ifi alimwi aca bene Jebusi.

Joshuwa 18:21

Ono mandabala anene a mukowa wakwe Benjameni kweelana ashipani shabo, ngaaya. Jeliko, Beti Ogila, Emeki Kesisi,

Joshuwa 6:17

Ndabala inene iyi alimwi ashintu shoonse shiliimo shilyeelete kunyonyweetwabo limwi ayi shibe cipo kuMwaami Lesa. Mwanakashi mufuule Laabu alimwi abamuŋanda yakwe beenkabo mbweshi bapuluke, ceebo lakwe wakashisa beshikusensa besu.

Joshuwa 8:2

Mucite kundabala ya Ai alimwi amwaami wa njiyo, bweenka mbomwakacita ndabala ya Jeliko amwaami wa njiyo. Sombi lweendo luno shintu shoonse alimwi ashifubwa shabo, mukabwese ayi nshinenu. Mulibambile kulwana ndabala inene iyi kuswa kwisule cakuteshiba boonse.”

Joshuwa 8:27

Sombi bene Isilaeli bakatola shifubwa alimwi abuboni bumwi ubo mbobakakusha mundabala inene iyi, kweelana aMwaami Lesa mbwaakalwiita Joshuwa.

Joshuwa 9:24

Mpeeke bakakumbula Joshuwa ayi, “Swebo sobasebenshi banu nkambo, twakanyumfwa cakutatonsha mbuli Mwaami Lesa, Lesa wanu mbwaakaambila Mose musebenshi wakwe ayi akamupe cishi coonse, alimwi ayi mukanooya cicaya baabo bekalaamo kunembo lyanu. Paceebo ceeci twakaloonda ayi inga mwaakutucaya. Anu nceceeco ncetwakacitila boobo.