Joshuwa 1:4 - Baibo Busansulushi Bwa Libuku Ili

⁴ Cishi canu cilaakuswa muluyanga kulubasu lwakumalenge akuya mukushika kutulundu twa Lebanoni kumatwa. Kuswa kuMulonga unene wa Yufuletisi kulubasu lwakwicwe, kuya mukwiinda mucishi ca bene Iti kushikila akulweenge lwa Mediteleniyani kulubasu lwakumbo.

Joshuwa 1:4 Iomraidhean Croise

1 Baami 10:29

Shikoci bakalinga kushuula kuIjipiti pamweelo wa maali a silifa ali 600, liaki pamweelo wa maali a silifa ali 150. Mpeeke bakalinga kuulisha shikoci amaaki kubamaami bene Iti abene Silya.

1 Baami 4:21

Solomoni wakalinga kweendelesha shishi shoonse kuswa kuMulonga wa Yufuletisi kuya mukushika kucishi ca Filisitiya kumanyinsa a Ijipiti. Aba boonse bakalinga kusonkela kuli nguwe alimwi wakabeendelesha kwabuumi bwakwe boonse.

1 Makani 18:3

Kuswawaawo Defedi wakakoma Adadesa mwaami wa cishi ca Soba kushikila akuAmati, Adadesa ndyaakalinga kuya mukuboosha cishi ca muya Mulonga wa Yufuletisi mumaansaakwe.

1 Makani 5:9

Kulubasu lwa kwicwe bakaya mukwikala mucishi cakweela kwa luyanga ulo luya mukushika kuMulonga wa Yufuletisi mukwiinga shifubwa shabo shakafula mucishi ca Gilyadi.

Esila 4:20

Mundabala iyo mwakalinga bamaami beshinkusu abo bakalinga kweendelesha mandabala oonse a kwitala lya Yufuletisi, alimwi akunoopekwa misonko ipusenepusene.

Kulonga 23:31

Cishi canu cilaakutalikila kuLweenge Lusalala kushikila kuLweenge lwa Mediteleniyani, akuswa kuluyanga kushikila akuMulonga wa Yufuletisi. Ndaakumupa nkusu shakukoma beshi bakanooli mucishi ico, aboobo mulaakubatanda kunembo lyanu.

Dutolonomi 1:7

Amumwaye misumba mutolelele lweendo. Amuye kucishi ca tulundu ca bene Amoli akumisena yoonse ishingulukite nkokwaamba ayi kucinyika ca Joodani, kucishi ca tulundu akumisena ikuneme, kumisena ya kumalenge alimwi akuloombe lwa Mediteleniyani. Mukashiike akucishi ca Kenani alimwi akwiindilila cakushika kutulundu twa Lebanoni akuMulonga unene wa Yufuletisi.

Dutolonomi 11:24

Mulaakukoma cishi cili coonse nceshi mukayeeko. Cishi canu cilaakutalikila kuluyanga lwa kumalenge akuya kutulundu twa Lebanoni kumatwa, alimwi kuswa kuMulonga wa Yufuletisi kwicwe kushikila kuLweenge lwa Mediteleniyani kumbo.

Dutolonomi 3:25

NoBaami baLesa, amunsuminishe nsubuke Mulonga wa Joodani kwaamba ayi mboneewo cishi ca bulongo bubotu kwitala, cishi cibotu ca tulundu alimwi atulundu twa Lebanoni.’

Ciyubululo 9:14

Liswi ilyo lyakalinga lyakwaambila munjelo wasanu awomwi ayi, “Angulula baanjelo bone balya baangitwe kuMulonga unene wa Yufuletisi.”