Joshuwa 1:15 - Baibo Busansulushi Bwa Libuku Ili

¹⁵ kushikila abalo bakabwesa akwikala mucishi cili kumbo lya Joodani ico Mwaami Lesa, Lesa wanu ncaatoobapa. Kuswawaawo ndyeshi mukaboole mukwikala mucishi canu cili kwicwe lya Joodani, ico Mose musebenshi wa Mwaami Lesa ncaakamupa.”

Joshuwa 1:15 Iomraidhean Croise

1 Bene Kolinto 12:26

Na comwi cipansha caciswa, shoonse shipansha shimwi shilaciswa. Ncakwiila na cipansha comwi calemekwa, shipansha shimwi shoonse shilasekelela pantu pomwi.

1 Bene Kolinto 13:5

Lusuno talupi kubula bulemu, kuliyanda nabi kukalala bwaangu. Ncakwiila lusuno talulengeshiiwo kubikilanina mfundilishi mumoyo.

Bene Galatiya 5:13

Mwebo nobamakwesu, Lesa wakamwiita kwaamba ayi mwaanguluke. Anu amucenjele kwaamba ayi lwaanguluko ulu lutamulengeshi kwikala buumi bwa kubisha, sombi mucafwane womwi awomwi mulusuno.

Bene Galatiya 6:2

Amucafwane kunyamuna shimulemena. Na mwacita boobo, nkokwaamba ayi mwakonkela mulawo wakwe Klistu.

Dutolonomi 3:18

“Mpomunyaawo ndakabapa milasho yakwaamba ayi, ‘Mwaami Lesa, Lesa wesu wamupa cishi ici kwicwe lya Joodani kwaamba ayi mwikaleemo. Ono amupe shilwanisho bashilumamba banu mubatuume basubuke Mulonga wa Joodani kunembo lya mikowa imwi ya bene Isilaeli kwaamba ayi bakabacafwilishe kubwesa cishi cabo abalo.

Dutolonomi 3:20

Mukacafwe bene Isilaelinyinaanu kushikila abalo bakabwese cishi ico Mwaami Lesa, Lesa wanu ncaatobapa kumbo lya Joodani. Mukabacaafwe kushikila Mwaami Lesa akabaleeke ayi bekale muluumuno uko, mbuli mbwaacita kale kuli ndimwe kuno. Lyalo inga mwaboolela alimwi kucishi cino ico ncendakamupa.’

Dutolonomi 9:1

“Ono amukutike mwebo nobene Isilaeli. Muli pafwaafwi kusubuka Mulonga wa Joodani ayi mubwese cishi ca mishobo inene icite nkusu kwiinda ndimwe. Mandabala abo nganene alimwi alishitilishitwe alubumbu lulaamfu abuumbi.

Bene Filipi 2:4

Woonse muntu ulyeelete kucita shintu shicafwa bamwi, kutaambabo sheesho shicafwa ndimwe nweenka.

Joshuwa 1:1

Mpomunyaawo Mose musebenshi wa Mwaami Lesa ndyaakafwa, Mwaami Lesa wakaambila Joshuwa mwanaakwe Nani, uyo wakalinga mucafwi wakwe Mose ayi,

Joshuwa 1:14

Ono bamakaanu abana banu mbweshi bakacaale pantu pomwi ashifubwa shanu, mucishi ico kwicwe lya Joodani nkwaakamupa Mose. Sombi bashilumamba banu balyeelete kunoolibambite kulwana. Balyeelete kutanjila akusubuka ayi bacafwe bene Isilaelinyinaabo,

Joshuwa 1:16

Mpomunyaawo bamumishobo iyo bakakumbula Joshuwa ayi, “Tulaakucita coonse nceshi ukatulwiite alimwi akuya kuli koonse nkweshi ukatutuume.

Joshuwa 22:1

Lyalo Joshuwa wakeeta bamumukowa wakwe Lubeni, Gadi alimwi amusa wa mukowa wakwe Manase.