Jobo 1:1 - Baibo Busansulushi Bwa Libuku Ili

¹ Mucishi ca Usi mwakalinga muntu wakalinga kwiitwa ayi Jobo. Musankwa uyu taakalinga kucitewo kampenda nabi komwi alimwi wakalinga kululeme. Wakalinga kulemeka Lesa alimwi wakalinga kushomeka kuli nguwe.

Jobo 1:1 Iomraidhean Croise

Jemusi 5:11

Tulaamba ayi balicite coolwe ceebo tabakwe kuboola pesule mulushomo. Mwakanyumfwa shakutaboola pesule kwakwe Jobo asheesho Mwaami Lesa nshaakamucitila kumeelelesho ceebo Mwaami uyo ngushinkumbu shiinji abuumbi.

Esekelo 14:14

Nabi bantu aba botatwe Nowa, Danyelo aJobo kabaliimo, inga balo bapulukabo beenka ceebo ca bululami bwabo. Nebo neMwaami Lesa Shinkusu shoonse ndaamba.

Esekelo 14:20

nebo neMwaami Lesa Shinkusu shoonse ndaamba ayi, ‘Kweelana ambocibete lushinisho ayi ndi muumi, Nowa, Danyelo aJobo, nabi kabaliimo inga tabakoonshi kupulushawo bana babo basankwa abanakashi. Ncakwiila inga bapulukabo beenka ceebo ca bululami bwabo.’ ”

Jobo 28:28

“Mpeeke Lesa wakaambila muntu ayi, ‘Kuloonda Mwaami Lesa mbobusongo. Kufutatila bubi ndolushibo lwiine lwiine.’ ”

Jobo 2:3

Mpomunyaawo Mwaami Lesa wakeepusha Satana ayi, “Sa wabonaawo musebenshi wangu Jobo? Ngumuntu utacite kampenda, ululeme, undemeka alimwi ushomeka kuli ndime. Nakubi kwaamba ayi wakanyungoola ayi nkuleeke umupeenshe pataapu ceebo, Jobo ucishomekabo bweenka mbuli kataanshi.”

Jobo 1:8

Mpomunyaawo Mwaami Lesa wakeepusha Satana ayi, “Sa wabonaawo musebenshi wangu Jobo? Ngumuntu utacite kampenda, ululeme, undemeka alimwi ushomeka kuli ndime.”

Matalikilo 6:9

Ici ncikani cakwe Nowa. Nowa wakalinga muntu ululeme pabantu bamuciindi cakwe, alimwi wakalinga kweenda mubushicibusa aLesa.

Luka 1:6

Boonse bobilo bakalinga bantu baluleme pameenso akwe Lesa, abo bakalinga kukonkela Milawo asheesho shoonse Lesa nshaakalinga kuyanda ayi bacite.

Tushimpi 8:13

Kuloonda Mwaami Lesa nkupata bubi. Nebo ndipatite kulisumpula, kulyuuma mucaamba, mibo ibiibi akwaamba shintu shitaluleme.

Matalikilo 22:12

Munjelo wakaamba ayi, “Utaciisi nabi kucita cili coonse kumwanike uyo. Ono ndeshiiba kwaamba ayi ulalemeka akunyumfwila Lesa ceebo tookwe kumamatisha mwanaako eenkabo kwaamba ayi utamubengi kuli nguwe.”

Matalikilo 17:1

Abulamu ndyaakaba amyaaka ili 99, Mwaami Lesa wakaboneka kuli nguwe akwaamba ayi, “Ndime Lesa Shinkusu shoonse. Nyumfwile alimwi kocita shiluleme lyoonse.

Malilo 4:21

Bulya amusekelele akukondwa mwebo nobene Edomu, mwebo nomwikala mucishi ca Usi. Amwebo mulaakupekwa nkomeshi ya mapensho. Mulaakukolwa akufuulwa shakufwala.

Tushimpi 16:6

Lusuno alushomo nsheshileta kulekelelwa kwa shibiibi. Na kooloonda Mwaami Lesa, inga kootabishiiwo napaceyi.

2 Baami 20:3

“NoBaami baLesa, amwiingashile kwaamba ayi ndakalinga kumusebensela cakushomeka alimwi camoyo woonse. Lyoonse ndakalinga kucita shintu nshemwakalinga kusuni ayi ncite.” Kuswawaawo wakalila abuumbi.

1 Pita 3:11

Ulyeelete kusanduka kuswa kushibiibi akutalika kucita shiluleme. Ulyeelete kuyandoola akukonkela luumuno

Jelemiya 25:20

pantu pomwi abaswamashi boonse bali kooko, bamaami boonse ba bene Usi, bamaami boonse ba bene Filisiti nkokwaamba ayi ba kuAshikeloni, Gasa, Ekiloni abantu bakacaala kuAshidodi,

1 Makani 1:42

Bana bakwe Esa basankwa nguBiluani, Safani alimwi aAkani. Bana bakwe Dishani basankwa nguUsi alimwi aAlani.

1 Makani 1:17

Bana bakwe Shemu basankwa bakalinga Elamu, Ashuwa, Apakishadi, Ludi, Alamu, Usi, Ulu, Geta alimwi aMesheki.

Kulonga 18:21

Sombi kwiilikaawo, ulyeelete kusala basankwa bamwi beenga basebensa mulimo wa butanjilili. Bamwi balyeelete kuba batanjilili ba bantu bali cuulu, bamwi mwaanda, bamwi makumi osanwe alimwi abamwi likumi. Bantu abo mbweshi ukasaale balyeelete kuba bantu balemeka Lesa, bashomeka alimwi batakoonshi kutambula mashinka kanwa.

Matalikilo 36:28

Dishani wakalinga ngomushali mukulukulu wa mikowa iyi, Usi alimwi aAlani.

Matalikilo 10:23

Bamulunyungu lwakwe Alamu mbantu bene Usi, Ulu, Geta, alimwi aMesheki.

Matalikilo 42:18

Pabushiku bwatatu Josefu wakabaambila ayi, “Nebo ndimuntu uloonda Lesa, ono teshi mucaaye na mucite cintu comwi.

Dutolonomi 18:13

Mwebo mulyeelete kuba bantu batacite kampenda pameenso a Mwaami Lesa, Lesa wanu.”

Jobo 4:6

Sa kulambila Mwaami Lesa kwako kwakubula kampenda takukupi kushoma? Sa lushomo lwako talukoonshi kukukalika caamba?

Jobo 9:21

Nabi nshicite mulandu, taaku ncentooyeeya. Ncakwiila buumi bwangu ndabucimwa abuumbi.

Tushimpi 3:7

Kuteelesha kuliyeeyela ayi ulicite busongo, sombi koloonda Mwaami Lesa akutalamuka kushibiibi.

Tushimpi 14:2

Uyo ucita shintu shiluleme ulalemeka Mwaami Lesa, sombi uyo utaciti shiluleme, ingayi ulanyansha.

Tushimpi 14:16

Musongo ulalemeka Mwaami Lesa akuswa kushibiibi, sombi muluya ulafwambaana kucita shintu cakubula kuyeeya.

Tushimpi 16:17

Nshila ya baluleme ilaseesha bubi. Uyo woonse ulilama munyendelo, ulalama buumi bwakwe.

Tushimpi 20:7

Muntu ululeme taacite kampenda mubuumi bwakwe, balicite coolwe bana bakwe bakonkela bwikaalo bwakwe.