Jelemiya 3:1 - Baibo Busansulushi Bwa Libuku Ili

¹ Mwaami Lesa waamba ayi, “Sa na musankwa waleka mukaakwe, alakwe waswaako akuya mukweebwa kumwi, sa inga wamuboosha alimwi? Te ico inga calengesha cishi kutasalala? Sombi webo Isilaeli weebweebwa anga ngumwanakashi mufuule. Ono sa sunu ulisuni kupilukila kuli ndime alimwi?

Jelemiya 3:1 Iomraidhean Croise

Kulumbaisha 106:38

Bakatila bulowa bwa baabo batacite mulandu. Ee, bulowa bwa bana babo basankwa abanakashi abo mbobakabenga kushibumbwabumbwa shine Kenani. Bucayi ubo bwakacitika bwakabisha cishi ico coonse.

Isaya 24:5

Ceebo bantu bacilengesha kutanoosalalite kwiinda mukupwaya milawo yakwe Lesa. Ee, bakapwaya cipangano ico ncaakapanga ambabo kwaamba ayi cikanooliikobo kwalyoonse alyoonse.

Jelemiya 2:20

Mwaami Lesa utokwaamba ayi, “Nobene Isilaeli mwakakakabo kale kale bweendeleshi bwangu. Mwakakaka kunyumfwila akunambila. Peculu lyatulundu tulaamfu amunshaashisamu shoonse shicite shimfule shibotu mwakalinga kucita bufuule mukulambila balesa bamwi.

Jelemiya 2:23

Ino inga waamba buyani ayi, ‘Nshisalalite, nshina kukonkelaawo ba Bali.’ Bona mbuli mbowakacita kooli mucinyika, yeeya nshewakacita. Ulibo anga ningamela yanakashi iya bucicabo uku akooku.

Jelemiya 2:7

Ndakamuleta mucishi ca mboleshi kwaamba ayi mulye shisepo abutebushi kuswa muli ncico. Sombi ndimwakenjilaamo mwakacilengesha kutanoosalalite, ncakwiila mwakalengesha cishi cangu kulensha bunya.

Jelemiya 22:20

Ono nobene Jelusalemu kamuya kuLebanoni mukaliile. Ee, maswi anu aye anyumfwike kuBashani, mulilile kuAbalimu ceebo mbomwalinga kucafwanaabo bakomwa cakumaninina.

Jelemiya 3:22

“Amupiluke mwebo nobantu batashomeki, nebo ndaakumushilika ayi mukanooshomeka.” Mpeeke balo bakakumbula ayi, “Ee, tutoosa kuli ndimwe, ceebo mwebo ndimwe Baami baLesa, baLesa besu.

Jelemiya 3:9

Juda taakwe kunyumfwawo nsoni pasheesho shakacita Isilaeli. Ndushinisho alakwe wakalengesha cishi kutanoosalalite. Wakacita bufuule kwiinda mukulambila mabwe ashisamu.

Jelemiya 31:22

Citooba ciindi cilaamfu buyani kamutonsha mwebo nobaana batashomeki? Nebo neMwaami Lesa ndaakulenga cintu cipya pacishi ca panshi, ee, cintu cipusenebo anga ngumwanakashi kutabilila musankwa.”

Jelemiya 4:1

Mwaami Lesa utookwaamba ayi, “Nobene Isilaeli, na muli lwakupiluka kuli ndime, amupiluke. Na mukushe shibumbwabumbwa shanu shilensha bunya pameenso angu akutapambuka tubili munshila yangu,

Jelemiya 4:14

Nobene Jelusalemu amusanshe bubi kuswa mumyoyo yanu kwaamba ayi mupuluke. Ino mulaakucileka lili kuyeeya shibiibi?

Malilo 1:2

Mashiku ilalila cakulicaya, minsonshi ilakunka kumacili. Pakati ka basuniki ba njiyo, taaku uliiwo ayi ayuumbulushe Shibusa sha njiyo shoonse shayaaba, ncakwiila shoonse shaba balwani ba njiyo.

Esekelo 16:26

Wakalinga kucita bufuule abene Ijipiti beshikamukobonyoko beshilunkumbwa. Wakasonkomona bukali bwangu ceebo ca bufuule bwako.

Esekelo 16:30

Mwaami Lesa Shinkusu shoonse waamba ayi, “Webo uli mulwashi mumoyo ceebo wakalinga kucita shintu ishi shoonse anga ngumufuule utacite nsoni.

Esekelo 16:35

“Paceebo ceeco, webo omufuule, nyumfwa maswi aMwaami Lesa.

Esekelo 33:11

Balwiite kwaamba ayi, ‘Ndushinisho kweelana ambocibete lushinisho ayi nebo neMwaami Lesa ndi muumi, nebo nshisangalali kubona mucita shibi kaafwa? Sombi ndasangalala kumubona kaasanduka kuswa kunshila shakwe shibiibi akuba abuumi. Amusanduke! Amusanduke kuswa kunshila shanu shibiibi! Ceebonshi mutooyanda kufwa mwebo nobene Isilaeli?’

Osiya 1:2

Mwaami Lesa ndyaakatalika kwaambila bene Isilaeli kwiinda muli ndime neOsiya, wakaŋambila ayi, “Osiya, koya ukeebe. Mukaako teshi akanooshomeka abalo bana bako balaakukoshabo nyinawabo. Mbweeke ubo bantu bangu mbobakanshiya akucileka kushomeka kuli ndime neMwaami Lesa.”

Osiya 2:2

“Nobana bangu, amukalalile banyinawanu, amubakalalile, nakubi kwaamba ayi tabacibete bakaangu alimwi nebo neMwaami Lesa nshicibete ibaabo. Mubakombelele kwaamba ayi bacileeke bufuule bwabo, ee, kucileka kutashomeka kwabo.

Mika 2:10

Amunyamuke, munooya mukwiinga uno teshi musena wanu wakookesheshaawo. Shibiibi shanu shalengesha musena uno kutaba usalalite. Ncakwiila ulaakunyonyoolwa cakumaninina.

Sekaliya 1:3

Sombi ntoomulwiita mwebo ayi, ‘Amusandukile kuli ndime anebo nsandukile kuli ndimwe.

Mateyo 5:31

“Kwakaambwa alimwi ayi, ‘Uyo woonse uleka mukaakwe ulyeelete kumupa nkalata yakwishibisha ayi balekana.’

Dutolonomi 22:21

balyeelete kumutola pamulyango wa ŋanda ya baishi, apo basankwa ba mundabala mpobeelete kumucaya amabwe ceebo wacita cintu cilensha nsoni muIsilaeli, kwiinda mukukumana abasankwa kaacili muŋanda ya baishi. Munshila iyi mulaakukusha bubi ubu pakati kanu.

Boomboloshi 19:2

Bumwi bushiku mwanakashi uyo wakaambana amusankwa mwine Lefi uyo. Lyalo wakaya kuli baishi kuBetileemu mucishi ca Juda uko nkwaakaya mukwikala myeenshi yone.