Jelemiya 21:1 - Baibo Busansulushi Bwa Libuku Ili

¹ Sedekiya mwaami wa bene Juda wakatuma Pasha mwanaakwe Malukiya aSefaniya mupailishi mwanaakwe Maseiya kuli ndime mukusenga ayi,

Jelemiya 21:1 Iomraidhean Croise

2 Baami 22:13

“Kamuya mukeepushileko ndime abene Juda boonse kuMwaami Lesa pasheesho shilembetwe mulibuku lya Milawo ili lyacanikwa. Mwaami Lesa ulikalalite abuumbi pali ndiswe mukwiinga bamashali besu bakulukulu tabakwe kukonkela maswi ali mulibuku ili.”

1 Makani 3:15

Josiya wakashala baana basankwa bone, nkokwaamba ayi Jowanani, Jeoiyakimu, Sedekiya alimwi aShalumu.

1 Makani 9:12

Adaya mwanaakwe Jeloamu, Jeloamu mwanaakwe Pasha, Pasha mwanaakwe Malukija alimwi aMasayi mwanaakwe Adiyelo, Adiyelo mwanaakwe Jasela, Jasela mwanaakwe Meshulamu, Meshulamu mwanaakwe Meshilemiti, Meshilemiti mwanaakwe Ima.

2 Makani 36:17

Lyalo Mwaami Lesa wakaleta mwaami wa bene Babiloni ayi abalwaane. Mwaami uyo wakacaya basankwa bacikula bwangu amipeeni muŊanda yakwe Lesa. Taakwe kushiyaako mwanike nabi munene, musankwa nabi mwanakashi. Ncakwiila Lesa wakaaba boonse mumaansaakwe Nebukadinesa.

Neyemiya 11:12

Bamucipani ici abo bakalinga kusebensela muŊanda yakwe Lesa bakalinga 822 pantu pomwi. Adaiya mwanaakwe Jeloyamu, mwishikulu wakwe Pelaliya. Pelaliya wakalinga mwanaakwe Amusi, Amusi wakalinga mwanaakwe Sekaliya, Sekaliya wakalinga mwanaakwe Pashuwa, Pashuwa wakalinga mwanaakwe Malukija.

Jelemiya 29:29

Sombi Sefaniya mupailishi wakambelengela nkalata iyi nebo neJelemiya.

Jelemiya 35:4

Lyalo boonse ndakabaleta muŊanda ya Mwaami Lesa akubenjisha mucipinda ca bana bakwe Anani mwanaakwe Igidaliya muntu wakwe Lesa. Cipinda ici cakalinga kubambene acipinda ca bacinenenene. Cipinda ici cakalinga peculu lya cipinda cakwe Maseiya mwanaakwe Shalumu shikulindilila mulyango wa Ŋanda yakwe Lesa.

Jelemiya 37:1

Ono Nebukadinesa mwaami wa bene Babiloni wakabika Sedekiya mwanaakwe Josiya pabwaami bwa bene Juda pamusena wakwe Jeoiyakini mwanaakwe Jeoiyakimu.

Jelemiya 37:17

Mpeeke mwaami Sedekiya wakatuma bantu kwisa mukumbwesa ayi bantole kuŋanda yakwe ya bwaami. Lyalo mwaami wakanjipusha kweela ayi, “Sa kuliwo maswi aswa kuMwaami Lesa?” Nebo ndakamukumbula ayi, “Ee, nkwaali. Mwebo mulaakwaabwa mumaansa a mwaami wa bene Babiloni.”

Jelemiya 37:3

Mpeeke mwaami Sedekiya wakatuma Jeukali mwanaakwe Shelemiya amupailishi Sefaniya mwanaakwe Maseiya kuli ndime neJelemiya mukwaamba ayi, “Amutupailileeko kuMwaami Lesa, Lesa wesu.”

Jelemiya 37:7

kwaambila Sedekiya ayi, “Bashilumamba ba bene Ijipiti bali munshila kwisa mukukucafwa kulwana. Teshi bakashiike, sombi balaakuboolelaamo kumishaabo kuIjipiti.

Jelemiya 38:1

Mpeeke Shefatiya mwanaakwe Matani, Gedaliya mwanaakwe Pasha, Jeukali mwanaakwe Shelemiya aPasha mwanaakwe Malukiya bakanyumfwa nebo neJelemiya ndindakalinga kwaambila bantu ayi,

Jelemiya 38:14

Mpeeke mwaami Sedekiya wakantumina beshinkombe ayi bantole kuli nguwe. Mpeeke bakantola akumbika kumwinjililo watatu uya kuŊanda ya Mwaami Lesa. Kuswawaawo mwaami wakaŋambila ayi, “Ntooyanda kukwiipusha cimwi cikani. Ono utanshisi nabi comwi.”

Jelemiya 52:24

Kuswawaawo Nebusaladani, mutanjilili wa beshikulindilila mwaami wakacata busha Selaya mupailishi munene, Sefaniya mupailishi umukonkela kubikaawo abeshikulindilila mwinjililo wa Ŋanda yakwe Lesa botatwe.