Jelemiya 1:3 - Baibo Busansulushi Bwa Libuku Ili

³ Mwaami Lesa wakabandikaakwe lwabili mubwaami bwakwe Jeoiyakimu mwanaakwe Josiya mwaami wa Juda, kushika mumweenshi wasanu wa mwaaka walikumi awomwi wa bwaami bakwe Sedekiya mwanaakwe Josiya mwaami wa Juda. Ico nceciindi bene Jelusalemu ndibakatolwa busha. 2 Baami 36:11-21.

Jelemiya 1:3 Iomraidhean Croise

2 Baami 23:34

Mwaami Neko wakasala Eliyakimu mwanaakwe Josiya ayi abe mwaami wa bene Juda kwaamba ayi apyane bwaami bwakwe Josiya. Mpeeke liina lyakwe lya Eliyakimu wakalisandula kuba Jeoiyakimu. Ono mwaami Neko wakatola Jeowasi kuIjipiti uko nkwaakaya mukufwita.

2 Baami 24:17

Mwaami Nebukadinesa wakabwesa bashimishaabo Jeoiyakini akubabika pabwaami bwa bene Juda akubatumba liina liimbi lya Sedekiya.

1 Makani 3:15

Josiya wakashala baana basankwa bone, nkokwaamba ayi Jowanani, Jeoiyakimu, Sedekiya alimwi aShalumu.

Jelemiya 1:4

Mwaami Lesa wakaŋambila ayi,

Jelemiya 34:1

Ono Nebukadinesa abashilumamba bakwe pantu pomwi abashilumamba ba mumishobo imwi abashikanda shimwi abo bakalinga kweendeleshekwa anguwe, ndibakalinga kulwana ndabala ya Jelusalemu alimwi amandabala akalinga kushingulukite, Mwaami Lesa wakaamba kuli ndime.

Jelemiya 35:1

Ono Jeoiyakimu mwanaakwe Josiya ndyaakalinga mwaami wa bene Juda, Mwaami Lesa wakaamba kuli ndime neJelemiya ayi,

Jelemiya 36:2

“Bwesa cakulembelaawo, ulembewo shoonse isho nshendakakulwiita pabene Isilaeli, bene Juda alimwi amishobo imwi yoonse. Ulembe shoonse isho nshendakakulwiita kutalikilabo pabushiku ubo mbondakatalika kwaamba andiwe, ciindi Josiya ndyaakalinga mwaami, kushika abushiku bwa sunu.

Jelemiya 39:2

Ono pabushiku bwasanu ashone, mumweenshi wane mumwaaka walikumi awomwi wa bwaami bwakwe Sedekiya, lubumbu lwa ndabala lwakapwaikwa.

Sekaliya 7:5

Lakwe wakaamba ayi, “Lwiita bantu ba mucishi abapailishi ayi ndibakalinga kulikasha kulya akulila mumweenshi wasanu alimwi awasanu ayobilo mumyaaka ili 70 yeenda, tebakalinga kundemeka nebo, sobwe.

Sekaliya 8:19

“Kulikasha kulya uko kuba mumweenshi wane, wasanu, wasanu ayobilo amweenshi walikumi kulaakuba kusekelela kwakusangalala akukondwa kwa bene Juda. Paceebo ceeci amusune lushinisho aluumuno.”