Danyelo 1:3 - Baibo Busansulushi Bwa Libuku Ili

³ Kuswawaawo mwaami Nebukadinesa wakalwiita Ashipenasi uyo wakalinga wacinenenene munene mubwaami bwakwe ayi asale bacikula bwangu basankwa kuswa kubene Isilaeli abo bakesa busha. Basankwa abo balyeelete kuba bana ba baami alimwi abana ba bacinenenene.

Danyelo 1:3 Iomraidhean Croise

2 Baami 24:15

Nebukadinesa wakatola busha Jeoiyakini kuBabiloni pantu pomwi abanyina, bamakaakwe, bacinenenene alimwi ababile boonse ba mucishi ca Juda.

Isaya 39:6

‘Ciindi cilaakushikila buboni boonse bwa muŋanda yako ya bwaami, pantu pomwi asheesho bamashali bako bakulukulu nshebakasunga kushikila bushiku bwa sunu. Shoonse shilaakutolwa kucishi ca Babiloni. Ncakwiila taaku ceshi cikacaale.

Isaya 39:7

Bamulunyungu lwako bamwi, bulowa bwako omwiine, balaakubatola kuya mukuba basebenshi bakacaikwa lushalo muŋanda ya mwaami wa bene Babiloni.’ ”

Jelemiya 41:1

Lyalo mumweenshi wasanu ayobilo mumwaaka uyo, Ishimaeli mwanaakwe Netaniya mwishikulu wakwe Elishama wakalinga wa mulifumo lya bwaami alimwi wakalinga womwi wa bacinenenene ba mwaami, wakaya kuMisipa abantu likumi mukubona Gedaliya mwanaakwe Aikamu. Ono kabacilya pantu pomwi uko,

Dutolonomi 28:41

Mulaakushala baana basankwa abanakashi sombi teshi mukekalaabo, ceebo balaakucatwa kunkondo akutolwa mubusha.