Bene Lefi 6:4 - Baibo Busansulushi Bwa Libuku Ili

⁴ Ono na wabisha munshila iyi akucaninwa mulandu, ulyeelete kuboosha ncaakeepa nabi kubwesa mukucenjeeka, nabi ceeco ncaakapekwa ayi alame, nabi ceeco cakalinga kusowekete ncaakabwesa,

Bene Lefi 6:4 Iomraidhean Croise

Matalikilo 21:25

Mpeeke Abulaamu wakatongookela Abimeleki shamukalo uyo basebenshi bakwe Abimeleki ngobakalinga baalisha.

Neyemiya 5:11

Anu bulya bweenka amubaboosheshe myuunda yabo ya shishango shimwi, ya minyansa, ya maolifi alimwi amaandaabo. Mubaboosheshe ashinyona mucila nshimwakalinga kubwesa kuli mbabo.”

Jobo 20:19

Ceebo wakapensha akulekelesha bakandu, akubwesa maanda ngaatakwe kuyaka.

Jobo 24:2

Bantu balasenya manyinsa kukomenya shishi shabo. Baleembela shifubwa nshebakeepa.

Isaya 59:6

Ono tandafube wa shimutangatanga teshi uyumu cakwaamba ayi muntu inga wafwala. Ncakwiila tabakoonshi kulifwekelesha micito yabo ibiibi alimwi ilibo patuba. Bantu aba balacita shintu shibiibi alimwi bucayi mbobuswitebo mumaansaabo.

Esekelo 18:12

Ulalyatilila bakandu abaabo bataaku mbobabete. Ulacita bupambi alimwi taapilushi cintu ncaakacatila shinkongole. Ulalambila shibumbwabumbwa akucita shintu shilensha bunya.

Esekelo 18:18

Sombi baishi balaakufwita shibiibi shabo beene ceebo bakalinga kucenjeeka, kupamba akucita shintu shibiibi pakati ka bene mishaabo.

Esekelo 18:7

Taalyatilili muntu nabi womwi, sombi ulapilusha cintu ncaakacatila kushinkongole. Taaciti bupambi, sombi ulapa shakulya kubaabo bafwite nsala akupa shakufwala abo batacite.

Esekelo 33:15

nkokwaamba ayi na wapilusha cintu ncaakacatila shinkongole, wapilusha nshaakeepa, wakonkela milasho iyo ipa buumi alimwi akuleka kubisha, ndushinisho muntu uyo ulaakuba abuumi. Teshi akafweewo, sobwe.

Esekelo 44:19

Ono kabatana kuya mulubansa lwa pansengwe umo mubunganina bantubo, balyeelete kufuula shakufwala isho nshebalinga kusebenselaamo akushishiya mushipinda shisalalite. Balyeelete kufwala shakufwalabo shimwi kwaamba ayi kubule muntu ucata shakufwala shabo shisalalite akucisikwa.

Bene Lefi 24:18

Alakwe uyo ucaya munyama wa mubye, ulyeelete kubooshawo umwi. Mulawo ngwakwaamba ayi paswa buumi palaboola buumi.

Bene Lefi 24:21

Anu uyo woonse weenga wacaya munyama wa mubye, ulyeelete kubooshawo umbi, sombi uyo woonse ucaya mubye ulyeelete kucaikwa.

Bene Lefi 4:12

akushitola pansengwe lya misumba kumusena usalalite kweelana amilawo uko nkobapukwita milota. Lyalo ulaakushitenta uko pamulilo wa nkuni.

Amosi 3:10

Mwaami Lesa waamba ayi, “Bantu abo balasusha malinga ashintu shakusaala. Tabacishi kucita shintu shiluleme, napaceyi.”

Mika 2:2

Ncakwiila na balisuni myuunda baleebwesa, na balisuni maanda balaabwesa. Balabwesa ŋanda ya muntu mukumwiinda kumaano akubwesa buboni bwakwe mbwaakapyana munshila njemunya.

Sefaniya 1:9

Pabushiku bweenka ubo ndaakunyonyoola boonse abo balambila anga mbakunsengwe ee, abo beepa akucaya kwaamba ayi basushe shintu muŋanda ya mwaami wabo ngobalambila.”

Malaki 1:13

Kuswawaawo, mulaamba ayi, ‘Wakomena mukuli uyu!’ akulansha nshono kuumbi. Na mwaleeta banyama bakeepwa, balema nabi balwashi ayi njimilambu, sa ndyeelete kwiitambula?

Shakubelenga 5:7

Aboobo ulyeelete kulyaambilila cibiibi cakwe. Ulyeelete akulipila shoonse sheelete kwiilikawo acomwi ca shosanwe ca mweelo uyo kumuntu ngwaakabishisha.