Bene Lefi 5:1 - Baibo Busansulushi Bwa Libuku Ili

¹ “Anu milambu yakulekelelwa shibiibi ilyeelete kupekwa pamilandu iyi. “Na muntu weetwa kunkuta ayi akape bukamboni ono wakaka kwaamba makani apacintu ico ncaakabona nabi kunyumfwa, ulyeelete kupekwa mulandu weelete.

Bene Lefi 5:1 Iomraidhean Croise

1 Baami 22:16

Sombi Aabu wakaamba ayi, “Na utoondwiita cikani muliina lya Mwaami Lesa, amba calushinisho! Ulisuni nkaambe mankanda ongaye pacikani ici?”

1 Baami 8:31

“Na muntu wabekeshekwa ayi wabishila mubye akuletwa kucipaililo canu muŊanda yanu muno mukushomesha cakulumbila ayi taacite mulandu,

2 Makani 18:15

Sombi Aabu wakaamba ayi, “Na utoondwiita cikani muliina lya Mwaami Lesa, aamba calushinisho! Ulisuni nkaambe mankanda ongaye pacikani ici?”

Kulumbaisha 38:4

Milandu yangu yandemya mutwi cakuyanda kupila panshi. Ncakwiila yafula cakundemena anga ndayumuna shilemu.

Kulonga 22:11

uyo muntu walinga kulama ulyeelete kuya kumusena wakunambililaako neMwaami Lesa akwaamba pameenso angu ayi teshi ngowakeepa cifubwa ca mubye. Na cifubwa ico tacikwe kwiipwa, mwine cifubwa ulyeelete kusumina ayi cakasowekabo. Aboobo uyo wakalinga kumulaminaako teelete kulipila.

Tushimpi 29:24

Muntu ucafwa mwiipi ulalicaisha kashanga. Na waamba lushinisho kunkuta ulapekwa mulandu, na washisa, Lesa ulaakumushingana.

Tushimpi 30:9

Ceebo na ndaba ashiinji inga ndamuluba akwaamba ayi, ‘Anu Mwaami Lesa ngani?’ Sombi na ndaba mukandu inga ndeepa akusebaanya liina lyanu nobaLesa bangu.

Isaya 53:11

Pesule lyakumana kupenga kwakwe uko, mpindu ya buumi ulaakwiibona akukondwa. Musebenshi wangu uyo ulaakulengesha baanji kululama kwiinda mulushibo ndwaacite alimwi ulaakubwesa shibiibi shabo.

Jelemiya 23:10

Cishi ciliswitebo bantu bafuule. Ono ceebo ca mashingo a Mwaami Lesa, cishi cayuma alimwi amafulo ali muluyanga amana kuyuma. Balaluki batookonkela nshila shibiibi akusebensesha nkusu shabo cakutalulama.”

Esekelo 18:20

Muntu uyo ubisha ngweshi akafwe. Mwaana teshi akapengele shibiibi sha mushali wakwe alakwe mushali teshi akapengele shibiibi sha mwanaakwe. Muntu ululeme ulaakulambulwa ceebo ca bululami bwakwe mwiine alakwe mucita shibi ulaakupengela bubi ubo mbwaacita mwiine.

Esekelo 18:4

Ceebo buumi bwa bantu boonse mbwaangu, nkokwaamba ayi buumi bwa mushali abwa mwaana boonsebo mbwaangu. Anu muntu uyo ubisha ngweshi akafwe.’

Bene Lefi 17:16

Ono na wabula kucita boobo, ulyeelete kupekwa mulandu weelete.’ ”

Bene Lefi 19:8

Uyo woonse weenga walya nyama iyo ulaakuba amulandu ceebo walengesha cintu cabengwa kuli ndime kuba cintubo. Aboobo teshi akanoociyeeyelwa kuba mulikoto lya bantu bangu.

Bene Lefi 20:17

“Na muntu weeba nankashi yakwe, nabi nankashi yakwe kuli baishi nabi banyina bateshi bakumushala, boonse balyeelete kusebaanishikwa pameenso a bantu akutandwa pakati kanu. Ceebo muntu uyo wakumana anankashi yakwe, ulyeelete kupekwa mulandu weelete.

Bene Lefi 4:2

“Lwiita bene Isilaeli ayi uyo woonse weenga wabisha akusotoka mulawo wangu neMwaami Lesa uli woonse cakuteshiba, ulyeelete kukonkela milawo iyi.

Bene Lefi 5:15

“Na muntu umwi wabisha cakuteshiba kwiinda mukwaalilwa kulipila sheesho shisalalite kuli ndime neMwaami Lesa, ulyeelete kuleta mbelele isankwa itacite kampenda kali koonse kuli ndime neMwaami Lesa, ayi ngumulambu wakumana mulandu. Bubotu bwa njiyo bulyeelete kwishibwa kweelana acipimo cakasuminishikwa.

Bene Lefi 5:17

“Ono na muntu umwi wabisha cakuteshiba kwiinda mukusotoka mulawo wangu neMwaami Lesa uli woonse, nkokwaamba ayi wabisha. Aboobo ulyeelete kulipila kweelana ambwaaelete.

Bene Lefi 7:18

Ceebo na imwi yalikwa pabushiku bwatatu, Lesa teshi akatambule mulambu wa muntu uyo. Mulambu uyo teshi ukatambulweewo, sombi ulaakuboneka ayi toosalalite, alimwi woonse eshi akoolye, ulaakupekwa mulandu weelete.

Shakubelenga 9:13

Sombi muntu woonse usalalite kweelana aMilawo alimwi utabete pamushinso alimwi utalami bushiku bwa Pasika bwakwiibaluka kusotokela, teshi akanoociyeeyelwa kuba mulikoto lya bantu bangu mukwiinga taakwe kubenga mulambu kuli ndime paciindi ceelete. Ulyeelete kupenshekwa pacibiibi cakwe.

Mateyo 26:63

Sombi Jesu wakoomunabo tontolo. Mupailishi munene wakeepusha Jesu alimwi ayi, “Ntookwaambila muliina lyakwe Lesa muumi ayi, ulumbile na ndiwe Usalitwe wakwe Lesa ulya, Mwanaakwe Lesa.”

1 Pita 2:24

Klistu mwiine wakayumuna shibiibi shesu mumubili wakwe pamucilingano kwaamba ayi tuswe munkusu sha shibiibi akwikala lyoonse mubululami. Ceebo ca shilonda shakwe mwashilikwa.

Boomboloshi 17:2

Bushiku bumwi Mika wakaambila banyina ayi, “Maali a silifa alya ali 1,100 ngomwakeepilwa akushingana wakeepa, ndime ngacite. Ndime ndakaaipa.” Banyina bakamukumbula ayi, “Mwaami Lesa akupe coolwe omwanaangu.”