Bene Lefi 3:1 - Baibo Busansulushi Bwa Libuku Ili

¹ “Ono na umwi muntu wapa ŋombe yakwe ayi ncipo ca bwanabwankashi kuli ndime neMwaami Lesa, ulyeelete kuba mucende nabi mpwishi itacite kampenda kali koonse.

Bene Lefi 3:1 Iomraidhean Croise

1 Makani 21:26

Lyalo wakayakila Mwaami Lesa cipaililo kweenka uko akubenga milambu yakutenta aya bwanabwankashi. Wakapaila kushikila Mwaami Lesa wakatuma mulilo kuswa kwiculu kwaamba ayi milambu pacipaililo itentekwe.

Kulonga 20:24

Mumpangile cipaililo ca bulongo apo mpweshi mubengele milambu ya mbelele, mpongo alimwi aŋombe isho sheshi shitentwe shoonse, alimwi ayi shibe milambu ya bwanabwankashi. Pamusena woonse mpweenga ndasala ayi munoonambilila, ndaakwisa kuli ndimwe mukumupa coolwe.

Kulonga 24:5

Kuswawaawo Mose wakatuma basankwa bacikula bwangu ayi babengele Mwaami Lesa milambu yakutenta, alimwi akubenga bacende ayi babe milambu ya bwanabwankashi.

Kulonga 29:28

Uyu ulaakunooli mulawo wangu wa nshiku shoonse ayi na bantu bangu batoopa cipo ca bwanabwankashi, ntiti alimwi alibelo nsha bapailishi. Ico ncipo bantu nceshi bakanoopa ndime neMwaami Lesa.

Tushimpi 7:14

“Ndapa mulambu wabwanabwankashi sunu akucita kweelana ambondakashomesha cakulumbila,

Esekelo 43:27

Kumeelelesho anshiku isho, kutalikila pabushiku bwasanu ashotatwe kuya kunembo, bapailishi balyeelete kutalika kubenga milambu yakutenta aya bwanabwankashi ya bantu pacipaililo. Lyalo ndaakusangalala pali ndimwe noonse. Nebo neMwaami Lesa Shinkusu shoonse ndaamba.”

Esekelo 45:15

Mbelele yomwi ilyeelete kukushikwa palitanga lyomwi alyomwi lya mbelele shili 200 kuswa kumafulo eendaawo kubota mucishi ca Isilaeli. “Shintu isho shoonse shilaakusebenseshekwa mukupa shipo sha fulaulo, milambu yakutenta alimwi amilambu ya bwanabwankashi kwaamba ayi shibiibi shanu shilekelelwe. Nebo neMwaami Lesa Shinkusu shoonse ndaamba.

Bene Lefi 1:10

“Na muntu utoobenga mulambu kuswa mulitanga lya mbelele nabi mpongo shakwe, ulyeelete kubenga isankwa itacite kampenda kali koonse.

Bene Lefi 1:3

“Na utoobenga mulambu wakutenta kuswa mulitanga lya ŋombe shakwe, ulyeelete kuleta mucende utacite kampenda kali koonse. Ulyeelete kumuleta pamulyango wa Tente ya Cipangano kwaamba ayi nebo neMwaami Lesa nkootambule.

Bene Lefi 17:5

Mulawo uyu utoosansulula ayi bene Isilaeli ono bananooletela ndime neMwaami Lesa milambu iyo njebakalinga kubenga muluundu. Bananooileta kumupailishi pamulyango wa Tente ya Cipangano, akwiibenga ayi njimilambu ya bwanabwankashi.

Bene Lefi 3:6

“Ono na nimbelele nabi mpongo itoopekwa kuli ndime neMwaami Lesa ayi ncipo ca bwanabwankashi, inga yababo isankwa nabi yanakashi, sombi tayeelete kuba akampenda kali koonse.

Bene Lefi 9:18

Lyalo wakacaya mucende ambelele isankwa ayi ngumulambu wa bantu wa bwanabwankashi. Abalo bana bakwe bakamuletela bulowa ubo mbwaakasanseela mumbasu shone shoonse sha cipaililo.

Bene Lefi 9:4

kubikaawo amucende alimwi ambelele isankwa ayi shibe mulambu wa bwanabwankashi. Balyeelete kushibenga kuMwaami Lesa pantu pomwi acipo ca fulaulo cisenkene amafuta. Balyeelete kucita shoonse isho ceebo Mwaami Lesa utoobonekela kuli mbabo sunu.”

Amosi 5:22

Nabi mukandetele milambu yakutenta, kubikaawo ashipo shanu sha fulaulo, teshi nkashitambuleewo. Nabi mukandetele milambu ya bwanabwankashi ili buyani, teshi nkeetambuleewo, sobwe.

Malaki 1:14

“Mashingo kuli wooyo mubeshi, uyo weenga kaacite munyama musankwa weelete mulitanga lyakwe, akulasha ayi ulaakumubenga kuli ndime, pesule wabenga ucite kampenda. Nebo ndi mwaami wiindaawo, aboobo bantu bamishobo yoonse balyeelete kundemeka.” Mwaami Lesa Shinkusu shoonse mbwaamba ubo.

Malaki 1:8

“Sa kuleta banyama boofu ayi ngumulambu, teshi kubisha? Sa kubenga banyama balema nabi balwashi, teshi kubisha? Nciinshi nceenga cacitika na mwapa mweendeleshi wanu banyama ba mushobo uyo? Sa inga wakondwa akumupa coolwe?

Shakubelenga 15:8

Ono na ngumucende wabengwa kuli ndime neMwaami Lesa ayi ngumulambu wakutenta, mulambu wakucita kweelana akushomesha cakulumbila nabi mulambu wa bwanabwankashi,

Shakubelenga 6:14

akubenga banyama botatwe batacite kampenda kuMwaami Lesa. Ulaakubenga mwanaambelele mucende ucite mwaaka womwi ayi ngumulambu wakutenta, mbelele yanakashi icite mwaaka womwi ayi ngumulambu wakulekelelwa shibiibi alimwi ambelele isankwa ayi ngumulambu wa bwanabwankashi.

Dutolonomi 12:27

Uko, mukanoobengelako milambu yakabumbulu yeelete kutentelwa pacipaililo ca Mwaami Lesa, Lesa wanu alimwi amilambu iyo njemulyako nyama akutila bulowa pacipaililo.

Bene Kolose 1:20

Kwiinda muMwanaakwe uyo, Lesa wakaboosha cibusa cakalinga pali nguwe alimwi ashintu shoonse, sha pacishi ca panshi alimwi akwiculu. Wakaleta luumuno kwiinda mulufu lwa Mwanaakwe pamucilingano.

Bene Ebulu 10:22

Aboobo, atusene pafwaafwi aLesa amyoyo yakutatonsha alimwi alushomo lwancinencine. Atusene kuli nguwe amyoyo yakasalashikwa itacite kampenda alimwi amibili yakasamba mumaanshi atacite matombe.

1 Joni 1:3

Ico ncetwakabona akunyumfwa ncetutoomushimikila kwaamba ayi mwebo alimwi aswebo tusenkane mubwanabwankashi bwakwe Lesa alimwi aMwanaakwe Jesu Klistu.

Boomboloshi 20:26

Mpomunyaawo bene Isilaeli boonse, nkokwaamba ayi bashilumamba boonse bakaboolela kuBetelo alimwi kuya mukulilila Mwaami Lesa. Bushiku ubo bakalikasha kulya kushikila macolesha. Bakabenga milambu yakutenta aya bwanabwankashi.

Boomboloshi 21:4

Mpeeke bushiku bwakaboolaawo bantu bakafuma kuyaka cipaililo akubenga milambu yakutenta alimwi aya bwanabwankashi.