Bene Lefi 26:9 - Baibo Busansulushi Bwa Libuku Ili

⁹ Nebo ndaakumupa coolwe abaana baanji alimwi ndaakulama cipangano cili pali ndimwe anebo.

Bene Lefi 26:9 Iomraidhean Croise

Matalikilo 1:28

Lyalo Lesa wakabapa coolwe akubaambila ayi, “Amushalane mufule, akususha cishi ca panshi. Amweendeleshe inswi sha mumaanshi, bayuni bauluka ashilongolo shinene atuniini sheenda panshi shoonse.”

Matalikilo 17:20

Ndanyuumfwa kusenga kwako pali Ishimaeli, aboobo ntoomupa coolwe cakuba abaana alimwi abamulunyungu lwakwe baanji. Ulaakuba mushali wa baleli bali likumi abobilo alimwi ndaakulengesha ayi bamulunyungu lwakwe babe mushobo unene.

Matalikilo 22:17

Ndashomesha ayi ndaakukupa bamulunyungu lwako baanji anga ninyenyeenshi mwiculu nabi museese wa muloombe lwa lweenge. Bamulunyungu lwako balaakukoma beshinkondonyinaabo.

Matalikilo 26:4

Ndaakukupa bamulunyungu lwako baanji bweenka mboobona nyenyeenshi mwiculu, alimwi ndaakubapa cishi coonse ici. Ndaakupa coolwe mishobo yoonse pacishi ca panshi kwiinda mubamulunyungu lwako

Matalikilo 28:14

Balaakufula anga ngumuseese pacishi ca panshi. Balaakukomenesha cishi mumbasu shoonse alimwi kwiinda muli ndiwe abamulunyungu lwako, ndaakupa coolwe mishobo yoonse.

Matalikilo 28:3

Lesa Shinkusu shoonse aakape coolwe cikwati cako akukupa baana baanji kwaamba ayi ukabe mushali mukulukulu wa mishobo iinji!

Matalikilo 48:4

Wakandwiita ayi, ‘Ndakukupa baana baanji kwaamba ayi bamulunyungu lwako bakabe mishobo iinji. Ndaakupa bamulunyungu lwako cishi ici cikabe caabo muyayaya.’ ”

Matalikilo 6:18

Sombi ntoopanga cipangano awebo. Ukenjile mubwaato amukaako, bana bako abamakaabo,

1 Baami 3:8

Mbulya ndi pakati ka bantu mbomwakasala ayi babe baanu, bantu abo baanji anga ngumuseese.

2 Baami 13:23

Sombi Mwaami Lesa wakalinga kunyumfwila bene Isilaeli nkumbu aluse. Taakwe kusuminisha ayi banyonyoolwe, sombi wakalinga kubacafwa ceebo ca cipangano ico ncaakapanga aAbulaamu, Isaki alimwi aJakobo. Kushikila abobulya taakwe kulubaawo bantu bakwe napaceyi.

Neyemiya 2:20

Mpomunyaawo ndakabakumbula ayi, “Lesa wa kwiculu ulaakutulengesha kuswitilila. Swebo sobasebenshi bakwe tutootalika kuyakulula alimwi, sombi mwebo tamucitewo nkusu pacipansha ca ndabala ya Jelusalemu nabi comwi alimwi taaku cintu nabi comwi nceenga mwaamba ayi ncanu.”

Neyemiya 9:23

Mwakalengesha baana babo kufula anga ninyenyeenshi mwiculu alimwi mwakabalengesha kukoma cishi ico ncemwakashomesha kupa bamashali babo bakulukulu.

Kulumbaisha 107:38

Mwaami Lesa wakabapa coolwe cakwaamba ayi bakashalana. Ncakwiila taakwe kuleka ayi shifubwa shabo shiceye.

Kulumbaisha 89:3

Mwebo mwakaamba ayi, “Ndacita cipangano amuntu ngondakasala. Ndakashomesha cakulumbila kuli Defedi musebenshi wangu ayi,

Kulonga 1:7

Sombi bamulunyungu lwabo abo beetwa ayi bene Isilaeli bakashala baana baanji. Mpeeke bakafula abuumbi alimwi akuba ankusu, lyalo bakakumanabo cishi coonse.

Kulonga 2:25

Lyalo Lesa wakabona mbuli mbobakalinga kufubitwe bene Isilaeli, mpeeke wakabanyumfwila nkumbu.

Kulonga 6:4

Alimwi ndakapanganaabo ayi ndaakubapa cishi ca Kenani, umo mobakalinga kwikala anga mbaswamashi.

Isaya 55:3

“Amuteye matwi kuli ndime akupilukila kuli ndime. Amunkutike kwaamba ayi mube abuumi. Lyalo ndaakupangana amwebo cipangano calyoonse alyoonse. Ndaakumutondesha lusuno lwangu lutamaani kweelana ambondakashomesha Defedi.

Jelemiya 23:3

Nebo nemwiine ndaakuyobolola litanga ilyo lyakacaalawo kuswa mushishi shoonse nshendakashipalanganishishaamo akushiboosha kumafulo a nshisho uko nkweshi shikashalane akufula.

Jelemiya 23:4

Kuswawaawo ndaakubikawo beembeshi pakati ka nshisho abo beshi bakanooshilama cakwaamba ayi teshi shikaloondewo tubili nabi kuba aboowa alimwi taaku nabi yomwi yeshi ikasowekeewo. Nebo neMwaami Lesa ndaamba.”

Jelemiya 33:3

“Ndilile, anebo ndaakukukumbula. Lyalo ndaakukulwiita shintu shibotu alimwi shikankamika isho nshooteshiiwo.

Esekelo 16:62

Kuswawaawo ndaakupanga cipangano andiwe. Lyalo ndyeshi ukeshibe ayi nebo ndi Mwaami Lesa.

Esekelo 36:9

Ndi kulubasu lwako, aboobo ndaakukubikaako maano kwaamba ayi ukaliimwe akushangwa.

Bene Lefi 26:15

Na mukakake kukonkela milawo yangu amilasho yangu alimwi akupwaya cipangano cili pali ndimwe anebo,

Luka 1:72

Wakaamba ayi ulaakunyumfwila nkumbu bamashali besu bakulukulu alimwi teshi akalubeeko cipangano cakwe cisalalite.

Dutolonomi 28:11

Mwaami Lesa ulaakumupa baana baanji, shifubwa shiinji alimwi ashakulya shiinji mucishi ico ncaakashomesha bamashali banu bakulukulu ayi ulaakumupa.

Dutolonomi 28:4

“Mwaami Lesa ulaakumupa coolwe cakuba abaana baanji, shakulya shiinji alimwi aŋombe ambelele shiinji.

Dutolonomi 7:13

Ulaakumusuna akumupa coolwe cakwaamba ayi mulaakufula akuba abaana baanji. Ulaakupa coolwe myuunda yanu, cakwaamba ayi mulaakuba ashili anga ngamaila, waini alimwi amafuta a olifi. Ulaakumupa coolwe alimwi kwiinda mukumupa ŋombe alimwi ambelele shiinji. Shoolwe shoonse ishi ulaakumupeta mucishi ico ncaakashomesha bamashali banu bakulukulu ayi ulaakumupa.

Bene Ebulu 8:9

Teshi cikabe mbuli ceeco cakalinga pakati ka bamashali babo bakulukulu ndindakabatanjilila kuswa muIjipiti. Tabakwe kutolelela kucita kweelana ambotwakapangana, aboobo, ndakabasuula.