Bene Lefi 26:8 - Baibo Busansulushi Bwa Libuku Ili

⁸ Bantu bosanwe bamulikoto lyanu balaakukonsha kukoma bali mwaanda, abalo bamulikoto lyanu bali mwaanda balaakukonsha kukoma bali shuulu likumi.

Bene Lefi 26:8 Iomraidhean Croise

1 Makani 11:11

Mutaanshi nguJashobeyamu wamucipani cakwe Akimoni uyo wakalinga mutanjilili wa “Bashilumamba Botatwe Bapukite.” Wakalwana nkondo alisumo lyakwe pabantu bakalinga 300 akubacaya boonse munkondo iyo.

1 Makani 11:20

Ono Abishayi mukwabo Joabu, lakwe wakalinga mutanjilili wa baabo bakalinga kwiitwa ayi Makumi Otatwe. Wakalwana basankwa bali 300 akubacaya alisumo. Paceebo ceeco alakwe wakapuka pakati ka “Bashilumamba Makumi Otatwe Bapukite.”

Esita 9:16

Muciindi ico ceenka baJuda bamwi abo bakalinga mushipansha shimwi sha cishi ca mwaami Sakisesi abalo bakabungana kwaamba ayi balitabilile. Mpeeke bakacaya balwani babo bali 75,000, sombi tabakwe kusaalawo buboni bwabo.

Bene Lefi 26:7

Mwebo mulaakukoma balwani banu boonse.

Sekaliya 12:8

Pabushiku ubo nebo neMwaami Lesa ndaakutabilila bantu bekala mundabala ya Jelusalemu kwaamba ayi abo batacite nkusu pakati kabo bakabebo ankusu bweenka mbuli Defedi. Abalo bamulunyungu lwakwe Defedi balaakunoobatanjililabo anga ngumunjelo wangu neMwaami Lesa, ee, anga ndime nemwiine neentoobatanjilila.

Shakubelenga 14:9

Mutabukili Mwaami Lesa alimwi mutaloondi bekala mucishi umo. Tulaakwiindililabo kubakoma. Mwaami Lesa uli aswebo, alimwi balo tabacite shikubalama. Aboobo mutabaloondi.”

Shakubelenga 31:4

Kumukowa wa bene Isilaeli woonse mulyeelete kukushako basankwa bali cuulu ayi baye kunkondo.”

Dutolonomi 28:7

“Mwaami Lesa ulaakulengesha ayi balwani banu mukanoobakoma. Pakwisa mukumulwana balaakuswa lubasu lomwi, sombi pakumucica balaakumwaikabo.

Dutolonomi 32:30

Anu muntu womwi inga wakoma buyani bali cuulu, nabi bobilo kukoma bali shuulu likumi? Sa te nceebo cakwaamba ayi Mwaandami wabo wakabashiya beenka? Ndushinisho Mwaami Lesa, Lesa wabo wakabalekelesha.

Joshuwa 23:10

Womwibo ndondoli pakati kanu ulakonsha kutanda bantu bali cuulu mukwiinga nguMwaami Lesa, Lesa wanu umulwaninaako kweelana ambwaakashomesha.

Boomboloshi 15:15

Lyalo wakabwesa mubanga wa mbongolo yakafwa coonoono akucaishako bantu bali 1,000.